Amavesi eBhayibheli adumile avela kokuthi LUKAS 14

Dlulisela

La san min tap kuɗanu, la nam bay ka gaw hiɗi bulumu, sulumu, cata valamu, gurona valamu, ɓosiyom sa jufayna hiɗi sa boyna, lebo la nam bay ka gaw hiɗi irita valamu, nam as muɗ goy sa ma hatayna vanɗi.

Sa ma ziy gu-ma-grakŋa valam kay tuwamu kay tap kuɗanɗi, nam as li goy sa ma hatayna vanɗi.

Kay gigekaw ma subur tuwamna nam ma muɗ goy waa'a, may sa ma hot yalam gaana nam ma fi suburta.

Nala la san gigekaw jargiya ma noy slena valam pet goyɗi, nam as muɗ goy sa ma hatayna vanɗi.

Kay la sa jargiya min in simdira, nam ma mus gaa'a kay ŋa gurjut goy jewe, kay ɗuwa la donota valam as kay vat lopna lebo asɗi naɗi su? Kay la hay li ma nam tun simdirawa, li ŋalɗi donota valam as kay vat lopnɗi kla, nala nisi sa wumna ma cen kuɗumu, nisi ma di ala: San kayni tun caw in simdira, may donota valam as kay vatamɗi.

May hay li ma naŋ kot tinawa, naŋ ma yi sa hawna, sa hurɓulina, sa dirlayna, sa dukina kaw. Nala naŋ ma fi sle'ta, kay va ma nisi hot wurakaŋu may kisiɗi. May naŋ ma fi wurakŋa vaŋu hay dayta-kulota vi sa ɗigera.

Mandana mi va ma ŋaa'a, may la mandana muɗawa lemdeke, hot muɗum vi cet-cet' ɗawn hiɗi mige? Nam may gut nagatɗi, as muɗum zigidikɗi kaw; kom goyo tuta. Sa ma humam ka'a kay huma, nam ma huma.