Amavesi eBhayibheli adumile avela kokuthi Kenese 6

Dlulisela

‘Ua salamō fo‘i le ALI‘I ‘ina ‘ua faia e ia tagata i le lalolagi ma ‘ua tigā ai lona finagalo.

‘Ua silafia e le ALI‘I ‘ua leaga tele lava tagata i le lalolagi, o manatu uma ‘ua mafaufau ifo ai i o latou loto ‘ua na ‘ona leaga ia i aso uma lava.

A o Noa, ‘ua alofagia o ia e le ALI‘I.

O le tala lenei ‘iā Noa; o Noa o le tagata amiotonu ia ma le sa‘o i ē tupulaga ma ia; sa la feoa‘i o le Atua ma Noa.

‘Ona fetalai ane lea o le ALI‘I, “‘Ou te sōloi‘eseina i le fogā‘ele‘ele tagata na ‘ou faia; o tagata ma manu vaefā ma mea fetolofi, ‘atoa ma manu felelei auā ‘ua ‘ou salamō ‘ina ‘ua ‘ou faia i latou.”

‘Ua o‘o ‘ina amata ‘ona fa‘ato‘ateleina o tagata i le fogā‘ele‘ele, ma ‘ua fānauina e i latou o afafine, ‘ona va‘ava‘ai lea o atali‘i o le Atua i afafine o tagata, ‘ua lālelei lava i latou; ‘ona fai avā ai lea o i latou i fafine uma ‘ua latou loto i ai. ‘Ona fetalai ane lea o le ALI‘I, “E lē fa‘avavau ‘ona finau o lo‘u Agaga ma tagata, auā ‘ua na o tagata i latou; a o latou aso e selau ma le luafulu o tausaga ia.” Sa i le lalolagi i ia ona aso o tagata maualuluga; e fa‘apea fo‘i i ona tua mai, ‘ina ‘ua ō ane o atali‘i o le Atua i afafine o tagata ma ‘ua fānanau ai ‘iā te i latou, o tagata malolosi ia ma le tāua anamua.

Na faia fo‘i e Noa e fa‘apei ‘ona poloa‘i atu ai le Atua ‘iā te ia i mea uma, sa fa‘apea lava ‘ona fai e ia.

‘Ua fetalai atu le Atua ‘iā Noa, “‘Ua o‘o mai i o‘u luma le i‘uga o tagata uma auā ‘ua tumu le lalolagi i le sauā ‘ona o i latou; fa‘auta fo‘i, o a‘u lava, ‘ou te fa‘aumatia i latou ‘atoa ma le lalolagi.

‘Ia e faia se va‘a mo oe i le la‘au o le kofa; ‘e te faia ni ana i le va‘a, ‘e te puluti ai fo‘i i le liu ma tua i pulu.

‘Ua silasila mai le Atua i le lalolagi, fa‘auta fo‘i, ‘ua leaga lava; auā o tagata uma ‘ua leaga ‘iā i latou a latou amio i le lalolagi.

‘E te ‘ave i le va‘a mea ola ‘ia ta‘ilua i mea uma, ‘ia fa‘aolaina fa‘atasi ma oe; ‘ia i ai le manu po‘a ma le manu fafine