Johana 7
7
Jesu na wana wakwawe
1Nao nyuma ya agha, Jesu kaselasela Galilaya; naye sadimile kughenda Judea, kwa kukala vilongozi va Wayahudi weluo wekehada kumuulagha. 2Nayo ngelo ya karamu ya Wayahudi ya Vianda yeluo avui. 3Nawo wana wakwawe wakamuza, “Fuma aha ughende Judea eri wairimi wako wapate kuona kazi uzideagha. 4Kwani sikwesi mundungi adeagha malagho kivisoni ikakala ashaile amanyo ni wandu. Ikakala udeagha malagho, dea mwazi urumengu ghuone.” 5Kwani hata wana wakwawe siwemdumuse. 6Jesu kawauza, “Ngelo yangu yanakaile kufika, ela kwenyu ngelo yose yanafweni. 7Urumengu sigudimagha kumumenya inyo kungi, ela ghwananimenyile imi, kwa kukala nashuhudia madeo ghake gha laghelaghe. 8Ghendeni kele karamu inyo wenyi, ela imi sighendagha kungi kele karamu, kwani ngelo ifweni siifikile.” 9Naye aghora hung'u kakala alyenyi Galilaya.
Jesu kele Karamu ya Vianda
10Nao nyuma ya wana wakwawe kughenda kele karamu, Jesu naese kaghenda, ela kwa kiviso. 11Vilongozi va Wayahudi weluo wekemhada kele karamu, wakaghora, “Uwo hiyo?”
12Nao wandu wengi weluo wekeshashirana ighulu yake. Wamoju wekeghamba, “Ni mundu waloli.” Na wazima wekeghamba “Hata, ondelaghaza wandu.” 13Ela kwa undu ghwa kuogha vilongozi va Wayahudi, mundungi saghorire mwazi.
14Nao karamu ifika kavui ghati, Jesu kaghenda Hekaluni na kudyowa kufundisa. 15Vilongozi va Wayahudi wakashinika wakaghora, “Ado uyu mundu wamanya ije malagho mengi hung'u naye safundiso lyingi?” 16Jesu kawatumbulila, “Mafundiso ghangu si ghangu ghengi, ela ni gha uyu anitumile. 17Uwo wose ashaile kudea mashayo gha Mlungu, umanyagha kamba mafundiso ghangu ghafuma kwa Mlungu ango ni ghangu ghenyi. 18Uyu eghoragha gha nguma yake mwenyi ondehada kuliko; ela uyu ehadagha kuliko kwa uyu amtumile, ni wa fulo na kwake sikwesi ndimi. 19Ado Musa samuhawile Sheria? Na hata sikwesi ungi wenyu awatagha Sheria. Ndamu kudani muhadagha kuniulagha?” 20Wandu wakamtumbulila, “Ado wana pepo! Nani ahada kukuulagha?” 21Jesu kawatumbulila, “Nanadeile mwakilimbita mumojori nenyo mukamushinikila. 22Musa wanamuhawile kuchwa (ela si Musa ungi ni wana akeo), nenyo mwachwa mundu ijua lya Sabato. 23Ndamu, ikakala mwamuchwa mundu ijua lya Sabato, eri Sheria ya Musa siyavunjo, kudani mwawasilo nimi kwa kumuboesa mundu ijua lya Sabato? 24Simwataghanye kwa kuona, ela taghanyeni kwa hachi.”
Ado Jesu ni Masihi?
25Nao wandu wamoju wa Jerusalemu wakaghora, “Ado uyu siye ungi mundu wemhadagha wamulaghe? 26Loleni selyi eghoragha mwazi, nawo siweghoragha kindu chingi ighulu yake! Ado yadimika wabwaa wanaweni fulo kamba uyu niye mwenyi Masihi? 27Isi tamanya andu uyu mundu afuma, ela Masihi keja sikwesi mundungi emanyagha andu efumagha.”
28Nao Jesu kaghora na lwaka lubwaa ngelo eluo kefundisa Hekaluni, “Fulo mwananiweni na mwanaweni andu nifumile! Ela sijile kwa kushaya kwangu kungi, uyu anitumile ni wa fulo na inyo simumweni. 29Imi namumanya, kwani nanafumile kwake, na niye anitumile.”
30Nao wakashaya kumwata, ela wakalemo ni kumwata kwa kukala ngelo yake yekaile. 31Wandu wengi wakamudumusa wekeghamba, “Ado Masihi keja udeagha wana mwakilimbita kuchumba awa uyu mundu awadea?”
Askari kutumo kumwata Jesu
32Nao Wafarisayo waghenda wasikila selyi wandu weluo wekezughunuka ighulu yake; niko wakohani wabwaa na Wafarisayo wakatuma warindiri wamwate. 33Jesu kaghora, “Kwa ngelo njache nikalanyagha nenyo, nao ima nighende kwa uyu anitumile. 34Mujenihada na simujeniona, kwani andu nio simudima kuja.” 35Nao vilongozi va Wayahudi wakaghora wenyi na wenyi, “Ni hiyo uyu mundu eghendagha hata sitedima kumwona? Ado ughendagha kwa wamuzetu wasaghilesaghile kwa Wagiriki na kuwafundisa Wagiriki? 36Chausa chake nini kughora ‘Mujenihada na simunionagha,’ na sena, ‘Andu nio simudimagha kuja?’”
Ndoo ya meji gha umana
37Nao ijua lya kudua kwa karamu lyeluo ni ijua ibwaa, Jesu kakala kimusi kaghora na lwaka lubwaa, “Uwo wose eo na kau eje kwangu anwe. 38Uwo wose anidumusa imi selyi Mawandiko gha Kuela ghaghora, ‘Meta ya meji gha umana ijetika kufuma ngoloni kwake.’” 39Agha oghorire ighulu ya Roho, uyu awa wamudumusa wejemupata. Kwani Roho okaile kuja kwa kukala Jesu okaile kuliko kwa kuzuka.
Kusarika kwa wandu
40Nao wandu wamoju waghenda wasikila malagho agha, wakaghora, “Uyu Fulo ni tondolo.” 41Wazima wakaghora, “Uyu ni Masihi” Ela wamoju wakaghora, “Ado Masihi ukujagha kufuma Galilaya? 42Mawandiko gha Kuela ghaghora ije ighulu ya Masihi kamba ufumagha kele mbari ya Daudi, na ukujagha kufuma Bethlehemu, muzi ghwa Daudi?” 43Kwa hung'u wandu wakasarikana ighulu yake. 44Wamoju wawe wakashaya kumwata, ela mundungi samwatile.
Kulegha kudumusa kwa wabwaa wa Wayahudi
45Nao warindiri wakauya kwa wakohani wabwaa na Wafarisayo; nawo wakawakotela, “Kudani simwomuletile?” 46Warindiri wakatumbulila, “Na lyingi kwenyi sitionile mundungi keghora sa uyu mundu!” 47Wafarisayo wakawatumbulila, “Nanyose mwalaghazoba?” 48Mwanamwonile mundungi wa wabwaa ango Wafarisayo amudumuse? 49Sala makoghano siweweni Sheria ya Musa; nawo wawanyizo.
50Nikodemu uyu emughendelele Jesu ko hambiri na eluo mumoju wawe, kawauza, 51“Ado Sheria yetu yanamutaghanya mundu hambiri ya kusikila na kumanya selyi adeile?” 52Nawo wakamtumbulila, “Ado nawose ondefuma Galilaya? Shoma Mawandiko gha Kuela na ujeona kukala sikwesi tondolo ungi efumagha Galilaya.”
Muke awatilo kezinga
[ 53Nawo wose wakagala;
Okuqokiwe okwamanje:
Johana 7: SAGALLANT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
(C) The Bible Society of Kenya, 1993
Johana 7
7
Jesu na wana wakwawe
1Nao nyuma ya agha, Jesu kaselasela Galilaya; naye sadimile kughenda Judea, kwa kukala vilongozi va Wayahudi weluo wekehada kumuulagha. 2Nayo ngelo ya karamu ya Wayahudi ya Vianda yeluo avui. 3Nawo wana wakwawe wakamuza, “Fuma aha ughende Judea eri wairimi wako wapate kuona kazi uzideagha. 4Kwani sikwesi mundungi adeagha malagho kivisoni ikakala ashaile amanyo ni wandu. Ikakala udeagha malagho, dea mwazi urumengu ghuone.” 5Kwani hata wana wakwawe siwemdumuse. 6Jesu kawauza, “Ngelo yangu yanakaile kufika, ela kwenyu ngelo yose yanafweni. 7Urumengu sigudimagha kumumenya inyo kungi, ela ghwananimenyile imi, kwa kukala nashuhudia madeo ghake gha laghelaghe. 8Ghendeni kele karamu inyo wenyi, ela imi sighendagha kungi kele karamu, kwani ngelo ifweni siifikile.” 9Naye aghora hung'u kakala alyenyi Galilaya.
Jesu kele Karamu ya Vianda
10Nao nyuma ya wana wakwawe kughenda kele karamu, Jesu naese kaghenda, ela kwa kiviso. 11Vilongozi va Wayahudi weluo wekemhada kele karamu, wakaghora, “Uwo hiyo?”
12Nao wandu wengi weluo wekeshashirana ighulu yake. Wamoju wekeghamba, “Ni mundu waloli.” Na wazima wekeghamba “Hata, ondelaghaza wandu.” 13Ela kwa undu ghwa kuogha vilongozi va Wayahudi, mundungi saghorire mwazi.
14Nao karamu ifika kavui ghati, Jesu kaghenda Hekaluni na kudyowa kufundisa. 15Vilongozi va Wayahudi wakashinika wakaghora, “Ado uyu mundu wamanya ije malagho mengi hung'u naye safundiso lyingi?” 16Jesu kawatumbulila, “Mafundiso ghangu si ghangu ghengi, ela ni gha uyu anitumile. 17Uwo wose ashaile kudea mashayo gha Mlungu, umanyagha kamba mafundiso ghangu ghafuma kwa Mlungu ango ni ghangu ghenyi. 18Uyu eghoragha gha nguma yake mwenyi ondehada kuliko; ela uyu ehadagha kuliko kwa uyu amtumile, ni wa fulo na kwake sikwesi ndimi. 19Ado Musa samuhawile Sheria? Na hata sikwesi ungi wenyu awatagha Sheria. Ndamu kudani muhadagha kuniulagha?” 20Wandu wakamtumbulila, “Ado wana pepo! Nani ahada kukuulagha?” 21Jesu kawatumbulila, “Nanadeile mwakilimbita mumojori nenyo mukamushinikila. 22Musa wanamuhawile kuchwa (ela si Musa ungi ni wana akeo), nenyo mwachwa mundu ijua lya Sabato. 23Ndamu, ikakala mwamuchwa mundu ijua lya Sabato, eri Sheria ya Musa siyavunjo, kudani mwawasilo nimi kwa kumuboesa mundu ijua lya Sabato? 24Simwataghanye kwa kuona, ela taghanyeni kwa hachi.”
Ado Jesu ni Masihi?
25Nao wandu wamoju wa Jerusalemu wakaghora, “Ado uyu siye ungi mundu wemhadagha wamulaghe? 26Loleni selyi eghoragha mwazi, nawo siweghoragha kindu chingi ighulu yake! Ado yadimika wabwaa wanaweni fulo kamba uyu niye mwenyi Masihi? 27Isi tamanya andu uyu mundu afuma, ela Masihi keja sikwesi mundungi emanyagha andu efumagha.”
28Nao Jesu kaghora na lwaka lubwaa ngelo eluo kefundisa Hekaluni, “Fulo mwananiweni na mwanaweni andu nifumile! Ela sijile kwa kushaya kwangu kungi, uyu anitumile ni wa fulo na inyo simumweni. 29Imi namumanya, kwani nanafumile kwake, na niye anitumile.”
30Nao wakashaya kumwata, ela wakalemo ni kumwata kwa kukala ngelo yake yekaile. 31Wandu wengi wakamudumusa wekeghamba, “Ado Masihi keja udeagha wana mwakilimbita kuchumba awa uyu mundu awadea?”
Askari kutumo kumwata Jesu
32Nao Wafarisayo waghenda wasikila selyi wandu weluo wekezughunuka ighulu yake; niko wakohani wabwaa na Wafarisayo wakatuma warindiri wamwate. 33Jesu kaghora, “Kwa ngelo njache nikalanyagha nenyo, nao ima nighende kwa uyu anitumile. 34Mujenihada na simujeniona, kwani andu nio simudima kuja.” 35Nao vilongozi va Wayahudi wakaghora wenyi na wenyi, “Ni hiyo uyu mundu eghendagha hata sitedima kumwona? Ado ughendagha kwa wamuzetu wasaghilesaghile kwa Wagiriki na kuwafundisa Wagiriki? 36Chausa chake nini kughora ‘Mujenihada na simunionagha,’ na sena, ‘Andu nio simudimagha kuja?’”
Ndoo ya meji gha umana
37Nao ijua lya kudua kwa karamu lyeluo ni ijua ibwaa, Jesu kakala kimusi kaghora na lwaka lubwaa, “Uwo wose eo na kau eje kwangu anwe. 38Uwo wose anidumusa imi selyi Mawandiko gha Kuela ghaghora, ‘Meta ya meji gha umana ijetika kufuma ngoloni kwake.’” 39Agha oghorire ighulu ya Roho, uyu awa wamudumusa wejemupata. Kwani Roho okaile kuja kwa kukala Jesu okaile kuliko kwa kuzuka.
Kusarika kwa wandu
40Nao wandu wamoju waghenda wasikila malagho agha, wakaghora, “Uyu Fulo ni tondolo.” 41Wazima wakaghora, “Uyu ni Masihi” Ela wamoju wakaghora, “Ado Masihi ukujagha kufuma Galilaya? 42Mawandiko gha Kuela ghaghora ije ighulu ya Masihi kamba ufumagha kele mbari ya Daudi, na ukujagha kufuma Bethlehemu, muzi ghwa Daudi?” 43Kwa hung'u wandu wakasarikana ighulu yake. 44Wamoju wawe wakashaya kumwata, ela mundungi samwatile.
Kulegha kudumusa kwa wabwaa wa Wayahudi
45Nao warindiri wakauya kwa wakohani wabwaa na Wafarisayo; nawo wakawakotela, “Kudani simwomuletile?” 46Warindiri wakatumbulila, “Na lyingi kwenyi sitionile mundungi keghora sa uyu mundu!” 47Wafarisayo wakawatumbulila, “Nanyose mwalaghazoba?” 48Mwanamwonile mundungi wa wabwaa ango Wafarisayo amudumuse? 49Sala makoghano siweweni Sheria ya Musa; nawo wawanyizo.
50Nikodemu uyu emughendelele Jesu ko hambiri na eluo mumoju wawe, kawauza, 51“Ado Sheria yetu yanamutaghanya mundu hambiri ya kusikila na kumanya selyi adeile?” 52Nawo wakamtumbulila, “Ado nawose ondefuma Galilaya? Shoma Mawandiko gha Kuela na ujeona kukala sikwesi tondolo ungi efumagha Galilaya.”
Muke awatilo kezinga
[ 53Nawo wose wakagala;
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
(C) The Bible Society of Kenya, 1993