MAT 22
22
फेंडलीलोंन वंटाद दृष्टांत
1येशुड वारकी इंगा वगातुक उदाहरण इच्ची माटलाड्या, वाड आन्या, 2“स्वर्गद राज्य वगा राजान लेका उंडाद, यवाड वान कोडकुद फेंडली शेशा. 3यप्पुड फेंडलीद वंटा आय्या आप्पुड वाड वान नोकरलान यवारकी फेंडलीद आमंत्रण उंड्या वार तीकुड आंप्या, इंगा वारकी शप्या की इप्पुड वच्चेद वेळ आयनाद. पण वारकी वच्चेद लेकुंड्या. 4मंग राजाड वापस काही नोकरलाक इल्ला शप्पी आंप्या, निन आ मंदीक पहिलाने आमंत्रण इच्चीनान दिनिचांग इप्पुड फोंडा इंगा वारकी शपना, सुडना, वंटा तैयार उंडाद, निन नाद शिंगारलोंदी शिंगार यद्दु इंगा यद्दु कोड्या कोशीनान इंगा आंताच तैयार उंडाद, फेंडली लोन पंगतकी दांडा. 5नोकरलु फोईर इंगा वार मंदीक वच्चेदेंक शप्पीर, पण वार नोकरला तीकुड लक्ष इयालेद. वार आपापले फनुलाक यल्ली फोईर. वगाड शेल्ला फनी शेशेदेंक फोया, तर इंगोगोड व्यापार शेशेदेंक फोया. 6इंगा काही मंदी नोकरलान फट्टी वारदी अपमान शेशीर इंगा वारनी जेमफडा मतेसकाडीर. 7राजानकी शेंगेम शिट्टु लेशा. वाड वान सैनीकलान आंप्या इंगा वार आ खुनी मंदीन मतेसकाडीर. इंगा वार शहरलान कालचेस काडीर. 8मंग राजाड वान नोकरलान आन्या, वंटा तैयार उंडाद, पण यवारनी फिल्चीन्टीम वारदी लायकी लेकुंड्या, 9दिनिचांग दावाल मिंदीक फोंडा इंगा आंदु मिक यवार शिक्यार वारनी फेंडली तिंडी इचांग फिलुना. 10मंग आ नोकरलु दावा मिंदीक फोईर. वारकी या-या मंदी शिक्कीर वारनी आमंत्रित शेशीर. यंदु फेंडलीद तिंडी तैयार उंड्या आंदु नोकरलु शिंगार इंगा वाईट मंदीन जमा शेशीर इंगा फेंडलीद मंडप सुट्टालता निंडी फोया. 11मंग वारनी भेटाशेदेंक राजाड आंदुक वच्या. यवाड फेंडली बट्टाल येस्कुना लेकुंड्या इल्ला वगा मनशी राजानकी आंदु कमशा. 12राजाड वान आन्या, गड्या, नु फेंडली बट्टाल येस्कुनांदे इंदुक यल्ला वस्ती? पण वानकी येमीच उत्तर इया दाकुंदु. 13आप्पुड राजाड नोकरलाक शप्या, इ मनशी शेईल इंगा काळलु कटना इंगा वान बैट्या मोब्बुला येयना, आंदु येडशेद इंगा फंडलु तिनेद नडशी. 14येनटीक की फिल्चीनोर शेंगेम उंडार पण निवडाशीनोर कमी उंडार.”
कैसरकी कर इच्चेद
15मंग परुशील फोईर इंगा येशुन यल्ला फट्टाला दिनदी विचार शेशेदेंक आंटीर. इंगा वान माटलाला फट्टेद प्रयत्न शेशेदेंक आंटीर. 16परुशी मंदी वार शिष्यलान हेरोदीयोर जताक वान तीकुड आंपीर. वार आनीर, “गुरुजी, माक यरका उंडाद की नु खरेम उंडाव इंगा नु परमेश्वरदी दावा खरेम नेरपुताव इंगा इंगोगोर येम विचार शेस्तार दिनदी निक येमीच गरज लेद इंगा नु मनशीद मुती सुशी माटलाडाव. 17दिनिचांग नीद येम विचार उंडाद माक शप, कैसरकी कर इच्चेद योग्य उंडाद की लेद?” 18येशुनकी वारदी दुष्ट योजना यरका उंड्या, दिनिचांग वाड आन्या, “ढोंगी मंदीलाला, मीर नाद परीक्षा येनटीक तिस्कुंटार? 19कर इच्चेदेंक याद कलदार वापरस्तार आदी नाक सुपना.” आ मंदी येशुनकी वगाट यंडीद कलदार सुपीचीर. 20आप्पुड येशुड आडग्या, “इ कलदार मिंदा यवारदी चित्र इंगा फेर राशीनार?” 21वार उत्तर इच्चीर, “कैसरदी.” आप्पुड येशुड वारनी आन्या, “येम कैसरदी उंडाद आदी कैसरकी इंडा इंगा याद परमेश्वरदी उंडाद आदी परमेश्वरकी इंडा.”
22येशुड येम आन्या इदी आ मंदी इनीर आप्पुड वार आश्चर्य चकीत आय्यीर इंगा आंदुकेल यल्ली फोईर.
पुनरुत्थान बद्दल प्रश्न
23पुनरुत्थान काद, इल्ला आनेतोर काही सदुकी मंदी आबदे वान देगार वच्ची वान आडगीर, 24वार आनीर, “गुरुजी, मोशेड आनीन्या की,
जर वगा मनशी सच्ची फो इंगा वानकी बिळ्ळु लेर,
तर वान तम्मुड वान वडती जताक फेंडली शेस्कुनाला, आंटे सच्चीने तम्मुनदी वंश नडशी.#अनुवाद 25:5.
25इप्पुड, मा दिंटल्या योड तम्मुळ्ळु उंडीर. वगाड फेंडली शेस्कुनी सच्ची फोया इंगा वानकी बिळ्ळु लेकुंडीर आंका वान तम्मुड वान वडती जताक फेंडली शेस्कुन्या. 26आल्ले दुसरा इंगा तिसरा तम्मुन जताक आय्या इंगा योड तम्मुळ्ळु पण दान जताक फेंडली शेस्कुनीर इंगा सच्ची फोईर. 27आखरीक आदी आंडीद सच्ची फोया. 28इप्पुड प्रश्न इल्ला उंडाद की, पुनरुत्थान नाबद आदी यवार वडती आय्यी, येनटीक की योड पण तम्मुळ्ळु दान जताक फेंडली शेस्कुनींडीर.”
29येशुड वारकी उत्तर इच्ची आन्या, “मीर चुकीचं समजाशी तिस्कुंटुनार, येनटीक की मिक शास्त्रलेख इंगा परमेश्वरदी सामर्थ्य यरका लेद. 30मिक तेल्वाबेक की, पुनरुत्थान नंतर जीवनला मंदी फेंडली शेस्कुनाक फोयार इंगा शेशीयाक फोयार, पण वार स्वर्गला स्वर्गदुत लेका उंड्यार. 31तरी, सच्ची फोयनोर पुनरुत्थान बद्दल परमेश्वर मिक येम शप्पीनाड आदी मीर इंगाना वाचायालेद येम? 32आदी इल्ला की,
‘निन अब्राहाम परमेश्वर, इसहाक परमेश्वर
इंगा याकोब परमेश्वर उंडान,’
वाड सच्चीनोर परमेश्वर लेड तर जिवंत उंडीनोर परमेश्वर उंडाड.” #निर्गम 3:6.
33यप्पुड जमा उंडीनोर मंदी इदी इनीर आप्पुड वान शिक्षणता आश्चर्य चकीत आय्यीर.
आंदार काना फेद्दा आज्ञा बद्दल प्रश्न
34येशुड सदुकी मंदीद नोर बंद शेशा. इल्ला इनी परुशी मंदी वगातळा वच्ची माटलाडदेंक आंटीर. 35वगा परुशीक नियमशास्त्रद जानकारी उंड्या, वाड येशुनदी परीक्षा सुडाला आंका वान प्रश्न आडग्या. 36वाड आन्या, “गुरुजी, नियमशास्त्र लोनदी याद आज्ञा आंदार काना फेद्दाद उंडाद?” 37येशुड उत्तर इच्या,
“‘प्रभुड मना परमेश्वर इन मिंदा नु नी पुर्ण अंतकरणता,
पुर्ण जेमता, पुर्ण मनता प्रेम शेय.’ #अनुवाद 6:5.
38 इदी पहिलाद इंगा फेद्दाद आज्ञा उंडाद. 39इंगा
दिन लेकाने इंगोगोट वगाट उंडाद
‘यल्ला स्वता मिंदा प्रेम शेस्ताव आल्ले नी शेजाऱ्यान मिंदा प्रेम शेय.’ #
लेवी 19:18.
40 पुर्ण नियमशास्त्रल इंगा संदेष्ट्यालदी लेख इ रोंड आज्ञाल मिंदा टीकाशी उंडाद.”
मसीहा बद्दल प्रश्न
41यप्पुड परुशी मंदी वगातळा उंडीर, येशुड वारनी प्रश्न आडग्या, 42येशुड आन्या, “ख्रिस्तन बद्दल मिद येम मत उंडाद? वाड यवार कोडकु उंडाड?” परुशी मंदी उत्तर इच्चीर, “ख्रिस्त इड दाविद राजा कोडकु उंडाड.”
43दिन मिंदा येशुड वारनी आन्या, “तर दाविद राजा पवित्र आत्माता, वान प्रभु इल्ला येनटीक आंटाड? वाड आंटाड,”
44 परमेश्वर ना प्रभुनकी शप्या की,
“निन नी शत्रुलान नी काळा किंदा येशी नंताक,
ना मंची शेय तीकेल कुसुन.” #
स्तोत्रसंहिता 110:1.
45 इप्पुड, जर दाविद वान प्रभु आंटाड तर वाड दाविद कोडकु यल्ला आय्यी शकास्ताड?
46आप्पुड यवारकीच वगा शब्दता वानकी उत्तर इया दाक फो इंगा आबदनोट वान वापस प्रश्न आडगेद हिम्मत यवारुच शेयालेद.
Okuqokiwe okwamanje:
MAT 22: WNT
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
MAT 22
22
फेंडलीलोंन वंटाद दृष्टांत
1येशुड वारकी इंगा वगातुक उदाहरण इच्ची माटलाड्या, वाड आन्या, 2“स्वर्गद राज्य वगा राजान लेका उंडाद, यवाड वान कोडकुद फेंडली शेशा. 3यप्पुड फेंडलीद वंटा आय्या आप्पुड वाड वान नोकरलान यवारकी फेंडलीद आमंत्रण उंड्या वार तीकुड आंप्या, इंगा वारकी शप्या की इप्पुड वच्चेद वेळ आयनाद. पण वारकी वच्चेद लेकुंड्या. 4मंग राजाड वापस काही नोकरलाक इल्ला शप्पी आंप्या, निन आ मंदीक पहिलाने आमंत्रण इच्चीनान दिनिचांग इप्पुड फोंडा इंगा वारकी शपना, सुडना, वंटा तैयार उंडाद, निन नाद शिंगारलोंदी शिंगार यद्दु इंगा यद्दु कोड्या कोशीनान इंगा आंताच तैयार उंडाद, फेंडली लोन पंगतकी दांडा. 5नोकरलु फोईर इंगा वार मंदीक वच्चेदेंक शप्पीर, पण वार नोकरला तीकुड लक्ष इयालेद. वार आपापले फनुलाक यल्ली फोईर. वगाड शेल्ला फनी शेशेदेंक फोया, तर इंगोगोड व्यापार शेशेदेंक फोया. 6इंगा काही मंदी नोकरलान फट्टी वारदी अपमान शेशीर इंगा वारनी जेमफडा मतेसकाडीर. 7राजानकी शेंगेम शिट्टु लेशा. वाड वान सैनीकलान आंप्या इंगा वार आ खुनी मंदीन मतेसकाडीर. इंगा वार शहरलान कालचेस काडीर. 8मंग राजाड वान नोकरलान आन्या, वंटा तैयार उंडाद, पण यवारनी फिल्चीन्टीम वारदी लायकी लेकुंड्या, 9दिनिचांग दावाल मिंदीक फोंडा इंगा आंदु मिक यवार शिक्यार वारनी फेंडली तिंडी इचांग फिलुना. 10मंग आ नोकरलु दावा मिंदीक फोईर. वारकी या-या मंदी शिक्कीर वारनी आमंत्रित शेशीर. यंदु फेंडलीद तिंडी तैयार उंड्या आंदु नोकरलु शिंगार इंगा वाईट मंदीन जमा शेशीर इंगा फेंडलीद मंडप सुट्टालता निंडी फोया. 11मंग वारनी भेटाशेदेंक राजाड आंदुक वच्या. यवाड फेंडली बट्टाल येस्कुना लेकुंड्या इल्ला वगा मनशी राजानकी आंदु कमशा. 12राजाड वान आन्या, गड्या, नु फेंडली बट्टाल येस्कुनांदे इंदुक यल्ला वस्ती? पण वानकी येमीच उत्तर इया दाकुंदु. 13आप्पुड राजाड नोकरलाक शप्या, इ मनशी शेईल इंगा काळलु कटना इंगा वान बैट्या मोब्बुला येयना, आंदु येडशेद इंगा फंडलु तिनेद नडशी. 14येनटीक की फिल्चीनोर शेंगेम उंडार पण निवडाशीनोर कमी उंडार.”
कैसरकी कर इच्चेद
15मंग परुशील फोईर इंगा येशुन यल्ला फट्टाला दिनदी विचार शेशेदेंक आंटीर. इंगा वान माटलाला फट्टेद प्रयत्न शेशेदेंक आंटीर. 16परुशी मंदी वार शिष्यलान हेरोदीयोर जताक वान तीकुड आंपीर. वार आनीर, “गुरुजी, माक यरका उंडाद की नु खरेम उंडाव इंगा नु परमेश्वरदी दावा खरेम नेरपुताव इंगा इंगोगोर येम विचार शेस्तार दिनदी निक येमीच गरज लेद इंगा नु मनशीद मुती सुशी माटलाडाव. 17दिनिचांग नीद येम विचार उंडाद माक शप, कैसरकी कर इच्चेद योग्य उंडाद की लेद?” 18येशुनकी वारदी दुष्ट योजना यरका उंड्या, दिनिचांग वाड आन्या, “ढोंगी मंदीलाला, मीर नाद परीक्षा येनटीक तिस्कुंटार? 19कर इच्चेदेंक याद कलदार वापरस्तार आदी नाक सुपना.” आ मंदी येशुनकी वगाट यंडीद कलदार सुपीचीर. 20आप्पुड येशुड आडग्या, “इ कलदार मिंदा यवारदी चित्र इंगा फेर राशीनार?” 21वार उत्तर इच्चीर, “कैसरदी.” आप्पुड येशुड वारनी आन्या, “येम कैसरदी उंडाद आदी कैसरकी इंडा इंगा याद परमेश्वरदी उंडाद आदी परमेश्वरकी इंडा.”
22येशुड येम आन्या इदी आ मंदी इनीर आप्पुड वार आश्चर्य चकीत आय्यीर इंगा आंदुकेल यल्ली फोईर.
पुनरुत्थान बद्दल प्रश्न
23पुनरुत्थान काद, इल्ला आनेतोर काही सदुकी मंदी आबदे वान देगार वच्ची वान आडगीर, 24वार आनीर, “गुरुजी, मोशेड आनीन्या की,
जर वगा मनशी सच्ची फो इंगा वानकी बिळ्ळु लेर,
तर वान तम्मुड वान वडती जताक फेंडली शेस्कुनाला, आंटे सच्चीने तम्मुनदी वंश नडशी.#अनुवाद 25:5.
25इप्पुड, मा दिंटल्या योड तम्मुळ्ळु उंडीर. वगाड फेंडली शेस्कुनी सच्ची फोया इंगा वानकी बिळ्ळु लेकुंडीर आंका वान तम्मुड वान वडती जताक फेंडली शेस्कुन्या. 26आल्ले दुसरा इंगा तिसरा तम्मुन जताक आय्या इंगा योड तम्मुळ्ळु पण दान जताक फेंडली शेस्कुनीर इंगा सच्ची फोईर. 27आखरीक आदी आंडीद सच्ची फोया. 28इप्पुड प्रश्न इल्ला उंडाद की, पुनरुत्थान नाबद आदी यवार वडती आय्यी, येनटीक की योड पण तम्मुळ्ळु दान जताक फेंडली शेस्कुनींडीर.”
29येशुड वारकी उत्तर इच्ची आन्या, “मीर चुकीचं समजाशी तिस्कुंटुनार, येनटीक की मिक शास्त्रलेख इंगा परमेश्वरदी सामर्थ्य यरका लेद. 30मिक तेल्वाबेक की, पुनरुत्थान नंतर जीवनला मंदी फेंडली शेस्कुनाक फोयार इंगा शेशीयाक फोयार, पण वार स्वर्गला स्वर्गदुत लेका उंड्यार. 31तरी, सच्ची फोयनोर पुनरुत्थान बद्दल परमेश्वर मिक येम शप्पीनाड आदी मीर इंगाना वाचायालेद येम? 32आदी इल्ला की,
‘निन अब्राहाम परमेश्वर, इसहाक परमेश्वर
इंगा याकोब परमेश्वर उंडान,’
वाड सच्चीनोर परमेश्वर लेड तर जिवंत उंडीनोर परमेश्वर उंडाड.” #निर्गम 3:6.
33यप्पुड जमा उंडीनोर मंदी इदी इनीर आप्पुड वान शिक्षणता आश्चर्य चकीत आय्यीर.
आंदार काना फेद्दा आज्ञा बद्दल प्रश्न
34येशुड सदुकी मंदीद नोर बंद शेशा. इल्ला इनी परुशी मंदी वगातळा वच्ची माटलाडदेंक आंटीर. 35वगा परुशीक नियमशास्त्रद जानकारी उंड्या, वाड येशुनदी परीक्षा सुडाला आंका वान प्रश्न आडग्या. 36वाड आन्या, “गुरुजी, नियमशास्त्र लोनदी याद आज्ञा आंदार काना फेद्दाद उंडाद?” 37येशुड उत्तर इच्या,
“‘प्रभुड मना परमेश्वर इन मिंदा नु नी पुर्ण अंतकरणता,
पुर्ण जेमता, पुर्ण मनता प्रेम शेय.’ #अनुवाद 6:5.
38 इदी पहिलाद इंगा फेद्दाद आज्ञा उंडाद. 39इंगा
दिन लेकाने इंगोगोट वगाट उंडाद
‘यल्ला स्वता मिंदा प्रेम शेस्ताव आल्ले नी शेजाऱ्यान मिंदा प्रेम शेय.’ #
लेवी 19:18.
40 पुर्ण नियमशास्त्रल इंगा संदेष्ट्यालदी लेख इ रोंड आज्ञाल मिंदा टीकाशी उंडाद.”
मसीहा बद्दल प्रश्न
41यप्पुड परुशी मंदी वगातळा उंडीर, येशुड वारनी प्रश्न आडग्या, 42येशुड आन्या, “ख्रिस्तन बद्दल मिद येम मत उंडाद? वाड यवार कोडकु उंडाड?” परुशी मंदी उत्तर इच्चीर, “ख्रिस्त इड दाविद राजा कोडकु उंडाड.”
43दिन मिंदा येशुड वारनी आन्या, “तर दाविद राजा पवित्र आत्माता, वान प्रभु इल्ला येनटीक आंटाड? वाड आंटाड,”
44 परमेश्वर ना प्रभुनकी शप्या की,
“निन नी शत्रुलान नी काळा किंदा येशी नंताक,
ना मंची शेय तीकेल कुसुन.” #
स्तोत्रसंहिता 110:1.
45 इप्पुड, जर दाविद वान प्रभु आंटाड तर वाड दाविद कोडकु यल्ला आय्यी शकास्ताड?
46आप्पुड यवारकीच वगा शब्दता वानकी उत्तर इया दाक फो इंगा आबदनोट वान वापस प्रश्न आडगेद हिम्मत यवारुच शेयालेद.
Okuqokiwe okwamanje:
:
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume