Kenese 10
10
O Gafa o Semu ma Hamo ma Iafeta
(1 No 1.5-23)
1O gafa fo‘i nei o atali‘i o Noa, o Semu, o Hamo, ma Iafeta; na fānanau fo‘i ‘iā te i latou o atali‘i a ‘ua mavae le lolo.
2O atali‘i nei o Iafeta; o Komeri, ma Makoku, ma Metai, ma Iavana, ma Tupalu, ma Meseko, ma Tirasi. 3O atali‘i fo‘i nei o Komeri; o Asekeneso, ma Rifata, ma Tokaremo. 4O atali‘i fo‘i nei o Iavana; o Elisa, ma Tasesa, o Kitimo, ma Totanimo. 5O i latou nei na ‘ainā solo ai o nu‘u tu matāfaga o nu‘u ‘ese, i o latou lau‘ele‘ele, e ta‘ito‘atasi ma lana gagana, i o latou ‘āiga, i o latou nu‘u.
6O atali‘i fo‘i o Hamo; o Kuso ma Misaraimo ma Futu, ma Kanana. 7O atali‘i fo‘i o Kuso; o Sepa, ma Havila, ma Sapeta, ma Ragama, ma Sapeteka; o atali‘i fo‘i o Ragama o Seepa, ma Titana. 8Na fānaua fo‘i e Kuso o Nimarota; o ia fo‘i ‘ua amata ‘ona fai ma ali‘i malosi i le lalolagi 9o lē malosi fo‘i o ia i tuli manu i luma o le ALI‘I; o le mea lea ‘ua fa‘apea ai le ‘upu, “E pei o Nimarota lē malosi i tuli manu i luma o le ALI‘I.” 10O le pogai fo‘i o lona mālō o Papelu, ma Areka, ma Akata, ma Kalene, i le nu‘u o Senara. 11O le nu‘u lava lea ‘ua alu atu ai Asura, ma ‘ia faia Nineva, ma le ‘a‘ai o Reopo, ma Kala, 12ma Resena e i le vā o Nineva ma Kala o le ‘a‘ai tele lea.
13Na fānaua fo‘i e Misaraimo o tagata Luti, ma tagata Anama, ma tagata Leapi, ma tagata Nafatui, 14ma tagata Pateruse, ma tagata Kaselui, (sa tutupu ai Filisitia,) ma tagata Kafatori.
15Na fānaua fo‘i e Kanana o Saitonu, o lana ulumatua lea, ma Heti 16ma sa Iepusē ma sa Amorī, ma sa Kirekasē, 17ma sa Hivī, ma sa Arekī, ma sa Senī, 18ma sa Aratī, ma sa Semarī, ma sa Hamatō; mulimuli ane ‘ua fa‘asalalau atu ‘āiga o sa Kananā. 19O le tuā‘oi fo‘i o sa Kananā ‘ua āfua lea i Saitonu, ‘ona o‘o lea i Kasa, i le ala e ui atu ai i Kira; ‘ona ui lea i Sotoma, ma Komoro, ma Atama ma Sepoima, e o‘o atu i Lasa. 20O atali‘i ia o Hamo i o latou ‘āiga, ma a latou gagana, i o latou lau‘ele‘ele, ma o latou nu‘u.
21O Semu fo‘i na fānaua ona atali‘i, o le tupuga o fānau uma a Eperu, o le uso o Iafeta le matua. 22O atali‘i nei o Semu o Elama, ma Asura, ma Afasata, ma Luti, ma Arama. 23O atali‘i fo‘i nei o Arama o Usa, ma Hulo, ma Kiteru, ma Mase. 24Na fānaua fo‘i e Afasata, o Selaa; na fānaua fo‘i e Selaa, o Eperu. 25Na fānaua fo‘i e Eperu ona atali‘i e to‘alua; o le igoa o le tasi o Peleko#10.25 Peleko: mai le gagana Eperu “vaevaeina.” auā o ona aso ia ‘ua vaevaeina ai le lalolagi o le igoa fo‘i o lona uso e Ioketana. 26Na fānaua fo‘i e Ioketana o Alemotata ma Salefo, ma Asamoveta, ma Iaraa, 27ma Aturamo, ma Usala, ma Tikelu, 28o Upalu fo‘i, ma Apimalu, ma Seepa, 29ma Ofeira, ma Havila, ma Iopapo; o i latou uma nei o atali‘i o Ioketana. 30O le mea na latou mau ai na āfua i Mesa ‘ua o‘o i Sefara, o le mauga lea i sasa‘e. 31O atali‘i ia o Semu, i o latou ‘āiga, ma a latou gagana, i o latou lau‘ele‘ele, i o latou nu‘u.
32O ‘āiga ia o atali‘i o Noa, e tusa ma o latou gafa i o latou nu‘u, o i latou ia fo‘i na ‘ainā solo ai atu nu‘u i le lalolagi ‘ina ‘ua mavae o le lolo.
Okuqokiwe okwamanje:
Kenese 10: RSCB
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Revised Samoan Catholic Bible © Bible Society of the South Pacific, 2010.