Kenese 13
13
O le Toe Fo‘i o Aperamo ma Lota nai Aikupito
1‘Ua alu a‘e Aperamo nai Aikupito, o ia ma lana avā, ma ana mea uma, o Lota fo‘i fa‘atasi ma ia, e ō i le itū i saute. 2‘Ua mau‘oa tele lava Aperamo i manu, ario ma auro.#Kene 24.35; Sala 112.3; Fa‘ata 10.22 3‘Ua alu fo‘i o ia i lana malaga nai le itū i saute ‘ua o‘o i Peteli, i le mea lava sa mua‘i i ai lona fale ‘ie, i le vā o Peteli ma Ai. 4O le mea na i ai le fatafaitaulaga sa na mua‘i faia i lea mea; ‘ua vala‘au atu ai fo‘i Aperamo i le suafa o le ALI‘I.
5O Lota fo‘i, sa la ō ma Aperamo, sa ‘iā te ia o mamoe, ma povi, ma fale ‘ie. 6‘Ua lē mafai lava ‘ona la mau fa‘atasi i le nu‘u, auā sa tele lava a lā‘ua mea, ‘ua lē mafai ai ‘ona la mau fa‘atasi. 7‘Ua femisa‘i fo‘i leoleo o manu a Aperamo ma leoleo o manu a Lota; o ona po fo‘i ia sa Kananā ma sa Perisē i le nu‘u.
O le Te‘a ‘Ese‘ese o Aperamo ma Lota
8‘Ona alu lea o Aperamo ‘iā Lota, “‘Aua lava ne‘i femisa‘i tā‘ua, po o a tā‘ua leoleo manu; auā o le uso i tā‘ua.#Sala 133.1; Galu 7.26; 1 Kori 6.7 9E lē o i ou luma ‘ea le lau‘ele‘ele uma? Se‘i e te‘a ‘ese ma a‘u. ‘Āfai ‘e te alu i le itū tauagavale ‘ona ‘ou alu ai lea i le itū taumatau; a e alu i le itū taumatau, ‘ona ‘ou alu ai lea i le itū tauagavale.”
10‘Ua va‘ava‘ai Lota, ‘ona iloa atu ai lea e ia i le fanua laugatasi uma ‘ua i ai Ioritana, ‘ua lafulemū uma lava, e o‘o i Soara, e pei o le fa‘ato‘aga a le ALI‘I,#13.10 fa‘ato‘aga a le ALI‘I: e fa‘asino lenei fa‘a‘upuga i le fa‘ato‘aga i Etena. e pei o le lau‘ele‘ele o Aikupito, a o le‘i fa‘aumatia e le ALI‘I o Sotoma ma Komoro.#Kene 2.8; 19.17, 24-25, 28; Teu 34.3; Sala 107.34 11‘Ona filifilia e Lota mōna o le fanua uma na i ai Ioritana ‘ua aga‘i atu fo‘i Lota i sasa‘e; ‘ona la te‘a ‘ese‘ese ai lea o le tasi ma le tasi. 12‘Ua mau Aperamo i le nu‘u o Kanana, a o Lota ‘ua mau ia i le ‘a‘ai o le fanua laugatasi, ma ‘ua fa‘atūina ai lona fale ‘ie, ‘ua o‘o atu i Sotoma. 13A o tagata o Sotoma ‘ua leaga i latou ma ‘ua matuā agasala i luma o le ALI‘I.
‘Ua ‘avea Heperona ma Nu‘u a Aperamo
14‘Ua fetalai atu fo‘i le ALI‘I, ‘iā Aperamo ‘ina ‘ua te‘a ‘ese‘ese o Lota ma ia:
“Se‘i e va‘ava‘ai ia ma ‘ia e iloa atu i le mea ‘e te i ai na, i le itū i matū, ma le itū i saute,#13.14 itū i saute: O nisi fa‘aliliuga; itū i toga. sasa‘e, ma sisifo; 15auā o le lau‘ele‘ele uma ‘ua e iloa atu nei, ‘ou te foa‘iina atu mo oe ma lau fānau e fa‘avauvau.#Galu 7.5 16‘Ou te faia fo‘i lau fānau e pei o le efuefu o le ‘ele‘ele, ‘āfai e mafaia e se tagata ‘ona faitaulia o le efuefu o le ‘ele‘ele ‘ona mafai lea ‘ona faitaulia o lau lava fānau.#Kene 22.17; 28.14; 32.12; Nume 23.10; Epe 11.12 17‘Inā tula‘i ia, ma fealualua‘i i le nu‘u i lona umi ma lona lautele; auā ‘ou te foa‘iina atu mo oe.”
18‘Ona ‘ave lea e Aperamo lona fale ‘ie, ‘ua alu atu ‘ua mau i aluna o Mamere, o i Heperona lea, ‘ua ia faia fo‘i i lea mea le fatafaitaulaga i le ALI‘I.
Okuqokiwe okwamanje:
Kenese 13: RSCB
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Revised Samoan Catholic Bible © Bible Society of the South Pacific, 2010.