Kenese 14
14
O le Tau‘a o Tupu ma Tala ‘iā Mekisateko
1O ona po o Amarafilo le tupu o Senara, o Arioka le tupu o Alasara, o Kitalaoma le tupu o Elama ma Titalu le tupu o nu‘u 2na latou si‘i atu ai le tau‘a ‘iā Pira le tupu o Sotoma, ma Piresa le tupu o Komoro, ma Senapo le tupu o Atama, ma Semepo le tupu o Sepoima, ‘atoa ma le tupu o Pala, o Soara lea. 3‘Ua fa‘apotopoto i latou nei uma i le vanu o Setima, o le sami ‘o‘ona lea. 4E sefulu ma le lua o tausaga o nofo pologa ai i latou ‘iā Kitalaoma, ‘ua o‘o i le tausaga e sefulu ma le tolu ‘ona latou fou ai lea. 5O lea tausaga fo‘i e sefulu ma le fa ‘ua ō mai ai Kitalaoma ma tupu sa ‘au fa‘atasi ma ia, ma latou fafasi i tagata o sa Rafā i Aserota Karenaima, ma tagata Susema i Hamo ma tagata Emema i Save Kiriataima,#Teu 3.17; Iosu 3.16 6ma sa Horī i lo latou mauga o Seira, e o‘o atu i Eleparana, e latalata lea i le vao. 7‘Ua latou toe fo‘i mai, ‘ua o‘o i Enemisipata, o Katesa lea, ma latou fafasi i le nu‘u uma o sa Amalekā, ‘atoa fo‘i ma sa Amorī sa nonofo i Haseso Tamara.
8‘Ua ō atu fo‘i le tupu o Sotoma, ma le tupu o Komoro, ma le tupu o Atama, ma le tupu o Sepoima ma le tupu o Pala, o Soara lea; ma latou tau ai le tau‘a ma i latou i le vanu o Setima; 9o i latou o Kitalaoma le tupu o Elama, ma Titalu le tupu o nu‘u, ma Amarafilo le tupu o Senara, ma Arioka le tupu o Alasara; o tupu na e to‘afa ma ia tupu e to‘alima. 10Sa i ai fo‘i i le vanu o Setima o lua o pulu emeri e tele lava; na sōsōla fo‘i le tupu o Sotoma ma le tupu o Komoro; ma pa‘u‘ū i le mea; a o ē na totoe na sōsōla i latou i le mauga. 11‘Ona latou vetea lea o ‘oloa uma o Sotoma ma Komoro, ‘atoa ma a latou mea e ‘ai uma, ‘ona ō ai lea o i latou. 12‘Ua latou ‘avea fo‘i Lota le atali‘i o le uso o Aperamo, ‘atoa ma ana ‘oloa, o ia fo‘i sa nofo i Sotoma, ‘ona ō ai lea o i latou.
13‘Ua alu atu fo‘i le tasi na sao ma ta‘u atu ‘iā Aperamo le Eperu, o lē sa mau i aluna o Mamere o sa Amorī, o le uso o Esekolo, o le uso fo‘i o Aneri, o i latou na osi feagaiga ma Aperamo. 14‘Ua fa‘alogo Aperamo ‘ua ‘avea lona uso i le tau‘a, ‘ona saunia lea e ia ona tagata ‘ua a‘oa‘oina, ē na fānanau i lona ‘āiga, e to‘atolu selau ma le to‘asefulu ma le to‘avalu, ma ‘ua tuliloa ‘iā te i latou e o‘o i Tanu.#Kene 15.3; 17.12-13, 27; Fai 2.7 15‘Ua ia tofia fo‘i o ‘au a ona tagata i le po e tau ma i latou, ‘ua fafasi fo‘i ‘iā te i latou, ma tuli muli‘au ‘iā te i latou ‘ua o‘o i Hopa, e i le itū tauagavale lea o Tamaseko. 16‘Ua toe maua mai fo‘i e ia o le ‘oloa uma lava; ‘ua ia toe maua mai fo‘i Lota lona uso, ma ana ‘oloa, o fafine fo‘i, ‘atoa ma le nu‘u.
‘Ua Fa‘amanuia e Mekisateko ‘iā Aperamo
17‘Ua alu atu fo‘i le tupu o Sotoma e fa‘afetaia‘i ‘iā te ia i le vanu o Savee, e ta‘ua fo‘i lea o le vanu o le tupu, ‘ina ‘ua toe fo‘i mai i le tau‘a ma Kitalaoma, ma tupu sa ‘au fa‘atasi ma ia. 18A o Mekisateko o le tupu o Salema ‘ua avane e ia areto ma uaina; o le ositaulaga fo‘i o ia a le Atua silisili ‘ese.#Epe 7.1-10 19‘Ua ia fa‘amanuia fo‘i ‘iā te ia, ‘ua fa‘apea atu:
“‘Ia manuia Aperamo i le Atua silisili ‘ese,
e ona le lagi ma le lalolagi.#Galu 17.24; Epe 7.6-7
20‘Ia fa‘afetaia fo‘i le Atua silisili ‘ese,
o lē na tu‘uina mai ou fili i ou lima.”
‘Ua foa‘i atu fo‘i e Aperamo ‘iā te ia o mea e sefulua‘i o mea uma.
21‘Ua fai mai fo‘i le tupu o Sotoma ‘iā Aperamo, “Tu‘u mai ia ‘iā te a‘u o tagata, ‘ae ‘ave ma oe le ‘oloa.”
22A ‘ua tali atu Aperamo i le tupu o Sotoma, “‘Ua si‘i lo‘u lima i le ALI‘I, le Atua silisili ‘ese, e ona le lagi ma le lalolagi,#Eso 6.8; Nume 14.30; Eseki 20.5-6; Tani 12.7; Fa‘aa 10.5 23‘ou te lē ‘avea lava sina manoa po o sina nonoa se‘evae, ‘ou te lē ‘avea lava sina mea i au mea uma, ‘ina ne‘i fa‘apea a oe, ‘‘Ua mau‘oa Aperamo ‘iā te a‘u.’ 24Tau lava o mea ‘ua uma ‘ona ‘a‘ai e taulele‘a ma vaegā‘oloa a tagata na matou ō ma a‘u, o Aneri, ma Esekolo, ma Mamere, ‘ia latou ‘ave a latou vaegā‘oloa.”
Okuqokiwe okwamanje:
Kenese 14: RSCB
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Revised Samoan Catholic Bible © Bible Society of the South Pacific, 2010.
Kenese 14
14
O le Tau‘a o Tupu ma Tala ‘iā Mekisateko
1O ona po o Amarafilo le tupu o Senara, o Arioka le tupu o Alasara, o Kitalaoma le tupu o Elama ma Titalu le tupu o nu‘u 2na latou si‘i atu ai le tau‘a ‘iā Pira le tupu o Sotoma, ma Piresa le tupu o Komoro, ma Senapo le tupu o Atama, ma Semepo le tupu o Sepoima, ‘atoa ma le tupu o Pala, o Soara lea. 3‘Ua fa‘apotopoto i latou nei uma i le vanu o Setima, o le sami ‘o‘ona lea. 4E sefulu ma le lua o tausaga o nofo pologa ai i latou ‘iā Kitalaoma, ‘ua o‘o i le tausaga e sefulu ma le tolu ‘ona latou fou ai lea. 5O lea tausaga fo‘i e sefulu ma le fa ‘ua ō mai ai Kitalaoma ma tupu sa ‘au fa‘atasi ma ia, ma latou fafasi i tagata o sa Rafā i Aserota Karenaima, ma tagata Susema i Hamo ma tagata Emema i Save Kiriataima,#Teu 3.17; Iosu 3.16 6ma sa Horī i lo latou mauga o Seira, e o‘o atu i Eleparana, e latalata lea i le vao. 7‘Ua latou toe fo‘i mai, ‘ua o‘o i Enemisipata, o Katesa lea, ma latou fafasi i le nu‘u uma o sa Amalekā, ‘atoa fo‘i ma sa Amorī sa nonofo i Haseso Tamara.
8‘Ua ō atu fo‘i le tupu o Sotoma, ma le tupu o Komoro, ma le tupu o Atama, ma le tupu o Sepoima ma le tupu o Pala, o Soara lea; ma latou tau ai le tau‘a ma i latou i le vanu o Setima; 9o i latou o Kitalaoma le tupu o Elama, ma Titalu le tupu o nu‘u, ma Amarafilo le tupu o Senara, ma Arioka le tupu o Alasara; o tupu na e to‘afa ma ia tupu e to‘alima. 10Sa i ai fo‘i i le vanu o Setima o lua o pulu emeri e tele lava; na sōsōla fo‘i le tupu o Sotoma ma le tupu o Komoro; ma pa‘u‘ū i le mea; a o ē na totoe na sōsōla i latou i le mauga. 11‘Ona latou vetea lea o ‘oloa uma o Sotoma ma Komoro, ‘atoa ma a latou mea e ‘ai uma, ‘ona ō ai lea o i latou. 12‘Ua latou ‘avea fo‘i Lota le atali‘i o le uso o Aperamo, ‘atoa ma ana ‘oloa, o ia fo‘i sa nofo i Sotoma, ‘ona ō ai lea o i latou.
13‘Ua alu atu fo‘i le tasi na sao ma ta‘u atu ‘iā Aperamo le Eperu, o lē sa mau i aluna o Mamere o sa Amorī, o le uso o Esekolo, o le uso fo‘i o Aneri, o i latou na osi feagaiga ma Aperamo. 14‘Ua fa‘alogo Aperamo ‘ua ‘avea lona uso i le tau‘a, ‘ona saunia lea e ia ona tagata ‘ua a‘oa‘oina, ē na fānanau i lona ‘āiga, e to‘atolu selau ma le to‘asefulu ma le to‘avalu, ma ‘ua tuliloa ‘iā te i latou e o‘o i Tanu.#Kene 15.3; 17.12-13, 27; Fai 2.7 15‘Ua ia tofia fo‘i o ‘au a ona tagata i le po e tau ma i latou, ‘ua fafasi fo‘i ‘iā te i latou, ma tuli muli‘au ‘iā te i latou ‘ua o‘o i Hopa, e i le itū tauagavale lea o Tamaseko. 16‘Ua toe maua mai fo‘i e ia o le ‘oloa uma lava; ‘ua ia toe maua mai fo‘i Lota lona uso, ma ana ‘oloa, o fafine fo‘i, ‘atoa ma le nu‘u.
‘Ua Fa‘amanuia e Mekisateko ‘iā Aperamo
17‘Ua alu atu fo‘i le tupu o Sotoma e fa‘afetaia‘i ‘iā te ia i le vanu o Savee, e ta‘ua fo‘i lea o le vanu o le tupu, ‘ina ‘ua toe fo‘i mai i le tau‘a ma Kitalaoma, ma tupu sa ‘au fa‘atasi ma ia. 18A o Mekisateko o le tupu o Salema ‘ua avane e ia areto ma uaina; o le ositaulaga fo‘i o ia a le Atua silisili ‘ese.#Epe 7.1-10 19‘Ua ia fa‘amanuia fo‘i ‘iā te ia, ‘ua fa‘apea atu:
“‘Ia manuia Aperamo i le Atua silisili ‘ese,
e ona le lagi ma le lalolagi.#Galu 17.24; Epe 7.6-7
20‘Ia fa‘afetaia fo‘i le Atua silisili ‘ese,
o lē na tu‘uina mai ou fili i ou lima.”
‘Ua foa‘i atu fo‘i e Aperamo ‘iā te ia o mea e sefulua‘i o mea uma.
21‘Ua fai mai fo‘i le tupu o Sotoma ‘iā Aperamo, “Tu‘u mai ia ‘iā te a‘u o tagata, ‘ae ‘ave ma oe le ‘oloa.”
22A ‘ua tali atu Aperamo i le tupu o Sotoma, “‘Ua si‘i lo‘u lima i le ALI‘I, le Atua silisili ‘ese, e ona le lagi ma le lalolagi,#Eso 6.8; Nume 14.30; Eseki 20.5-6; Tani 12.7; Fa‘aa 10.5 23‘ou te lē ‘avea lava sina manoa po o sina nonoa se‘evae, ‘ou te lē ‘avea lava sina mea i au mea uma, ‘ina ne‘i fa‘apea a oe, ‘‘Ua mau‘oa Aperamo ‘iā te a‘u.’ 24Tau lava o mea ‘ua uma ‘ona ‘a‘ai e taulele‘a ma vaegā‘oloa a tagata na matou ō ma a‘u, o Aneri, ma Esekolo, ma Mamere, ‘ia latou ‘ave a latou vaegā‘oloa.”
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Revised Samoan Catholic Bible © Bible Society of the South Pacific, 2010.