UBilly Graham Isizathu Sethemba LamiIsampula

Isiphambano Isivumo Sami

Njengoba uJesu echitha igazi lokuphila Kwakhe, wezwa amasela emaceleni akhe amabili ephikisana ngalokho ayekuzwile ngoKristu. Omunye wenqaba insindiso ngokubhuqa. Kodwa omunye waMemukela.

UJesu wayezazi izinhliziyo zalezi zigebengu ezigwetshiwe, kodwa munye kuphela owalahlwa ngesono sakhe. IBhayibheli lithi ukuqiniseka kuholela ekuphendukeni.

Isela laqonda ukuthi ngaphezu kokuboshelwa esiphambanweni sokufa, lalisempambana-ndlela wesinqumo. Wakhetha okuwukuphela kwendlela eya ensindisweni, ngokuba insindiso iza kuphela ngesiphambano sikaKristu. UKristu uyindlela, izwi Lakhe liyiqiniso, futhi ukufa nokuvuka Kwakhe kuletha ukuphila.

Ukuphenduka kungokholo, ukukholwa ukuthi uNkulunkulu uyakuthethelela. Ukuphenduka kuwukuvuma isono sakho futhi, ngokholo, ukwamukela intethelelo kaKristu, ukuguqula umqondo wakho ngokuthi uJesu Kristu ungubani nokuthi ukwenzeleni, bese uphenduka esonweni futhi uhambe indlela yesiphambano. Uma wenza lokhu, ukunika amandla okukholwa ukuthi uzokuhlanza esonweni futhi akunike inhliziyo entsha, umqondo owenziwe musha, kanye nentando yokumlandela embusweni Wakhe.

Uma sifunda indaba yokubethelwa, kulula ukugeja inkazimulo yesiphambano ngenxa yehlazo laso—ihlazo ngesono somuntu esabethela uJesu esihlahleni. Isiphambano simelela uthando lukaNkulunkulu oluhluphekayo, oluthwele icala lesono somuntu, okuyilona kuphela elikwazi ukuncibilikisa inhliziyo yesoni futhi lisilethe ekuphendukeni ukuze asindiswe. Lokhu kuyinkazimulo yesiphambano.

“Nina enanikade nahlukanisiwe nezitha engqondweni yenu ngemisebenzi emibi, nokho manje usenibuyise ngomzimba wenyama yakhe ngokufa, ukuze anethule phambi kwakhe ningcwele, ningenasici, ningenacala.” (KwabaseKolose1:21–22)