Voordat ek begin het om die Bybeltoep te gebruik, was my verhouding met God slegs op my eie begrip gebaseer. Gedurende moeilike tye het ek angs, paniek, wanhoop en woede ervaar omdat ek God nie geken het nie. Ek kon nie sy warme, rustige teenwoordigheid aanvoel, sy grootheid en omvang ervaar, of weet hoe ware liefde voel nie.

Gedurende Maart 2024, het my ma my aan die Bybeltoep bekend gestel. Sy het moeilike tye ervaar met ander familielede en het vir my gesê dat die gebruik van hierdie toepassing haar lewe verander het. Ek het besluit om dit te probeer, en sedertdien het my lewe drasties verander. My verhouding met God is nou baie dieper en vir die eerste keer in my lewe weet ek hoe ware liefde voel.

Elke keer wanneer ek moeilike tye ervaar, maak ek die Bybeltoep oop en begin lees en bid. Wanneer ek dit doen, voel ek 'n oorweldigende vrede en kalmte as gevolg van God se teenwoordigheid by my. Hy hoor my beslis en lei my. Ek weet in my hart dat niks vir Hom onmoontlik is om te hanteer nie.

Elke oggend wanneer ek wakker word, maak ek 'n koppie koffie, gaan sit en maak die Bybeltoep oop om die Vers-van-die-dag te lees, en daarna die Begeleide Skrif en Gebed.