<div class="version vid1049 iso6393pmx" data-vid="1049" data-iso6393="pmx">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s">Jakob nou Puh Puo Isaak vei Shiha Polouyu</div><div class="p"> 1Isaak s&#252; chuo ts&#252;loua nghithou ha ngaomo loure. Puhnou puh nahpoutu ats&#252; Esau his&#252; &#8220;Anahna&#8221; tea kuyu kis&#252; &#8220;Oe, E haihi bue&#8221; tea Esau nou khere. 2Isaak nou paoe, &#8220;Zhukhaio, Es&#252; ts&#252;re ae duki thailaisa touyu s&#252;moe. 3S&#252;donou nevei basei - voulou ae louthou poloua taho sou hutawo. 4Alia Enou j&#252;payu sou taoli kholoua pove Eye panou toukhaio, s&#252;kua E thaimo kinou neye hapeilai.&#8221;</div><div class="p"> 5S&#252;kua Isaak nou Esau hi paoyu chi s&#252; Rebeka nou chouloure. Chuo Esau nou sou hulai tea tayu thai, 6Rebeka nou Jakob his&#252; paoe, &#8220;Ne puo nou ne j&#252;rai Esau hi paoyu chi s&#252; Enou choure, 7&#8216;Taho sou z&#252;loua pove kholoua Eye panou toukhaio, s&#252;kua E thaimo kinou neye Mapao nghouj&#252; nou hapeilai.&#8217; 8S&#252;donou chuo anahna Enou paoyu chi z&#252;lo. 9Nghitu khome hinou h&#252;veiyu nghitu ahai ahi pove peio, Enou s&#252;na hais&#252; kholoua ne puo nou z&#252;payu khaovu soupeilai. 10S&#252;kua puhnou thaimo j&#252;nou neye panou hapeire donou s&#252;nas&#252; ne puo hi polou peia panou touloulai.&#8221;</div><div class="p"> 11Ana Jakob nou puhpf&#252; Rebeka hi paoe, &#8220;Aj&#252;rai Esau s&#252; maipf&#252;we alia Es&#252; maipf&#252;moe. 12Apuo nou Eye kou deilouz&#252;, Enou puhye lawe tea s&#252;loua puhvei shiha ngaoloumoa ahi chaa ashi povelou bailai.&#8221;</div><div class="p"> 13Pf&#252;nou puh hi paoe, &#8220;Ne pei hi vere chaa teitei s&#252; panou apei hi vetheo, achi z&#252;loua nghitu ahai s&#252; ahi pove peio.&#8221; 14S&#252;donou puhnou nghitu ahai s&#252; puh pf&#252; hi pove peie, alia puh pf&#252; nou sou nas&#252; puh puo Isaak nou j&#252;payu tya hinou kholoure. 15S&#252;thais&#252; Rebeka nou puh hi pokhai touyu Esau vei saban&#252; nas&#252; poa Jakob ye banou peire, 16alia nghitu mainou poa Rebeka nou Jakob baohi ae tehi z&#252;peire. 17S&#252;thais&#252; puhnou khokhai touyu khaovu ae raokhao chita tea poa puh nah Jakob bah hi thoupeie.</div><div class="p"> 18S&#252;thais&#252; Jakob nou puh puo hi talouloua &#8220;Apuo&#8221; tea lare. Puonou &#8220;Anahna E haihi bue, ne thaoe&#8221; tea noure.</div><div class="p"> 19Jakob nou puo his&#252;, &#8220;E ne nahpoutu ts&#252;na Esau-e. Nenou paoyu thaif&#252;a Enou soupoa laire. Tashu buloua sou khaovu nas&#252; toulo, alia Eye s&#252; hapeio.&#8221;</div><div class="p"> 20Ana Isaak nou puh nahpoutu his&#252;, &#8220;Anahna, ne kab&#252;a thashoa ngaolou khaie&#8221; toure. Jakob nou chila peie, &#8220;Daiolouz&#252; nevei Mapao Ramai nou Eye soukha peiyu vanou ngaoloue.&#8221;</div><div class="p"> 21S&#252;thais&#252; Isaak nou Jakob hi paoe, &#8220;Anahna, ahi takou khaio, ne cheche vuz&#252;nou anah poutu Esau ho Esau mosa touyu Enou deia zhulai.&#8221; 22S&#252;donou Jakob nou puh puo hi takou peie, alia puo nou bah thaipa deiloua haib&#252;a paoe, &#8220;Pais&#252; Jakob paie, ana baos&#252; Esau bao-e.&#8221; 23Puh baos&#252; Esau bao khihao-a maipf&#252;yu donou Isaak nou s&#252;kulou hore, s&#252;donou puhnou hapei laire tea chore. 24Ana puhnou &#8220;Ne Esau vuz&#252;wu?&#8221; tea nouda khaire. Jakob nou &#8220;Ovai, E Esau-e&#8221; toure.</div><div class="p"> 25S&#252;thais&#252; Isaak nou paoe, &#8220;Nevei resou khaovu nas&#252; pokou peikhaio, E s&#252;s&#252; touloua anahye s&#252; hapei laire.&#8221; Jakob nou pokou peia panou touloure alia puhnou darkhadz&#252;a pokou pei sholoure. 26S&#252;thais&#252; puh puo Isaak nou puh hi paoe, &#8220;Anahna, ahi taikou Eye m&#252;mu peikhaio.&#8221; 27S&#252;thais&#252; puhnou taikou nghiloua puh puoye m&#252;mu peie alia Isaak nou puhvei saban&#252; kaih h&#252;loua puhye haib&#252;a hapeie,</div><div class="q2">&#8220;Zhukhaio, anah vei kaih hai Mapao nou shiha peiyu dou hi kaih khihaore,</div><div class="q1"> 28Ramai ye panou neye raki vanou vidz&#252; s&#252; seikou peitheo,</div><div class="q2">neye panou tava daoloua chamou veia chilou theo.</div><div class="q1"> 29Maiye panou ne kuvah soulai,</div><div class="q2">ae tyahr&#252; khemai nou neye khur&#252;lai,</div><div class="q2">neye panou ne thaihou j&#252;rai maitaoye tukha sa-a hr&#252;lai,</div><div class="q2">nepf&#252; tyaonah taoye panou neye nakou khur&#252; theo.</div><div class="q2">Neye chaa peiyu mais&#252; chaa pf&#252;theo,</div><div class="q2">ae neye shiha peiyu mai hr&#252;lai s&#252; panou shiha ngaotheo.&#8221;</div><div class="s">Esau nou Puh Puo Isaak vei Shiha Khoyu</div><div class="p"> 30Isaak nou Jakob hi puhvei shiha peiche-a Jakob nou puh puo hinou tapab&#252; khaie, puh j&#252;rai Esau s&#252; sou z&#252;loua khaivere. 31Puh-a touvei shoyu khaovu s&#252; kholoua puh puo hi poloure. Puhnou puo hi paoe, &#8220;Apuo, kushu buh souloua Enou z&#252;louyu resou khaovu nas&#252; touloua Eye shiha peio.&#8221;</div><div class="p"> 32&#8220;Ne thaoe?&#8221; tea Isaak nou noure. &#8220;E ne nahpoutu ts&#252;na Esau-e&#8221; tea puhnou chila peie.</div><div class="p"> 33S&#252;thais&#252; Isaak hai raroushoa ngure ae puhnou noue, &#8220;Mai linou r&#252;sou kholoua pove ahi peiyu nas&#252; thaokhai-a? Enou puhvei khaovu touloua puh his&#252; shiha peire taos&#252; peichewure, ae s&#252;nas&#252; puhvei soulaide.&#8221;</div><div class="p"> 34Esau nou chipao s&#252;na hai choulou khaie, levea-a kraho holoua puh puo his&#252;, &#8220;Nevei shiha E-a peikhaio, Apuo!&#8221; tea khore.</div><div class="p"> 35Ana puo nou paoe, &#8220;Ne thaihou nou ahinou ve laloua nevei shiha taos&#252; potare.&#8221;</div><div class="p"> 36Esau nou paoe, &#8220;Puh zhih s&#252; Jakob tea sayu hai saz&#252;mowu? Daiolouz&#252; puhnou Eye avu ahai laloure. Puhnou avei ts&#252;zha poloure alia chua avei shiha s&#252; pota khaire. Apuo! ne Eye donou shiha peire halia khaidalou movu?&#8221;</div><div class="p"> 37Isaak nou chila peie, &#8220;Enou puhye panou ne pei hi paopu soua hr&#252;re donou puh hi peiwure, alia puhvei kityarai mai hr&#252;lai-a puh kuvah soure donou puh hi peiwure. Puhye thoudz&#252; teitei-a Enou peiwure. Anahna, chuo Enou neye daie peilaige?&#8221;</div><div class="p"> 38Esau nou puo hi khopue, &#8220;Apuo! nevei shiha alikhi baiwu? E-a hapeio&#8221; tea Esau nou kra-a khoe.</div><div class="p"> 39S&#252;thais&#252; Isaak nou puh nahpoutu his&#252; paoe,</div><div class="q2">&#8220;Dei aveih dao-a hr&#252;re s&#252; neye donou more,</div><div class="q2">ae rakinou dz&#252; s&#252; neye donou kouyu hare.</div><div class="q"> 40Nevei khoche vanou ne tou-a hr&#252;lai,</div><div class="q2">ana nenou ne thaihou kilai soulai.</div><div class="q2">Anou puh hi nenou reih soulouz&#252; nenou puh khakhe hinou tupa loulai.&#8221;</div><div class="p"> 41Puh puo nou Jakob ye shiha peiyu vanou Esau nou puhye ngaora loure. Puhnou haib&#252;a ts&#252;cho loure: &#8220;Apuo thai-a dopf&#252; laiyu teile s&#252; nghikoure, s&#252;teile hinou Enou Jakob ye southalai.&#8221;</div><div class="p"> 42Ana Esau nou choa buyu ts&#252; nas&#252; Rebeka nou s&#252;loua Jakob ye kusave paoe, &#8220;Zhukhaio, ne j&#252;rai Esau s&#252; neye southalai donou ts&#252;choloua bubaire. 43S&#252;donou Anahna, ne achi z&#252;lo, ne apou Laban hi tuho tawo. 44Ne j&#252;rai nou lekha khaimo koute, 45alia nenou puh hi soukhai touyu nahai ne j&#252;rai nou ngaimo koute, ne buh s&#252;hinou buwo. Haithai nakinou Enou mai seiho neye saloulai. Daidonou Es&#252; teithe ali hinou anah poutu ahai khinou panou hakhailai.&#8221;</div><div class="s">Isaak nou Jakob ye Laban hi Seihoyu</div><div class="p"> 46Rebeka nou Isaak his&#252; paoe, &#8220;Esau nou Hit maipf&#252;ye nayu vanou E hr&#252;vea shore. Jakob-a Hit maipf&#252; nalou khaiyu thaio, E hria buyu daiveiyu bue?&#8221;</div>
 </div>
 </div>
</div>

Isaak sü chuo tsüloua nghithou ha ngaomo loure. Puhnou puh nahpoutu atsü Esau hisü “Anahna” tea kuyu kisü “Oe, E haihi bue” tea Esau nou khere. Isaak nou paoe, “Zhukhaio, Esü tsüre ae duki thailaisa touyu sümoe. Südonou nevei basei - voulou ae louthou poloua taho sou hutawo. Alia Enou jüpayu sou taoli kholoua pove Eye panou toukhaio, sükua E thaimo kinou neye hapeilai.”
Sükua Isaak nou Esau hi paoyu chi sü Rebeka nou chouloure. Chuo Esau nou sou hulai tea tayu thai, Rebeka nou Jakob hisü paoe, “Ne puo nou ne jürai Esau hi paoyu chi sü Enou choure, ‘Taho sou züloua pove kholoua Eye panou toukhaio, sükua E thaimo kinou neye MAPAO nghoujü nou hapeilai.’ Südonou chuo anahna Enou paoyu chi zülo. Nghitu khome hinou hüveiyu nghitu ahai ahi pove peio, Enou süna haisü kholoua ne puo nou züpayu khaovu soupeilai. Sükua puhnou thaimo jünou neye panou hapeire donou sünasü ne puo hi polou peia panou touloulai.”
Ana Jakob nou puhpfü Rebeka hi paoe, “Ajürai Esau sü maipfüwe alia Esü maipfümoe. Apuo nou Eye kou deilouzü, Enou puhye lawe tea süloua puhvei shiha ngaoloumoa ahi chaa ashi povelou bailai.”
Pfünou puh hi paoe, “Ne pei hi vere chaa teitei sü panou apei hi vetheo, achi züloua nghitu ahai sü ahi pove peio.” Südonou puhnou nghitu ahai sü puh pfü hi pove peie, alia puh pfü nou sou nasü puh puo Isaak nou jüpayu tya hinou kholoure. Süthaisü Rebeka nou puh hi pokhai touyu Esau vei sabanü nasü poa Jakob ye banou peire, alia nghitu mainou poa Rebeka nou Jakob baohi ae tehi züpeire. Süthaisü puhnou khokhai touyu khaovu ae raokhao chita tea poa puh nah Jakob bah hi thoupeie.
Süthaisü Jakob nou puh puo hi talouloua “Apuo” tea lare. Puonou “Anahna E haihi bue, ne thaoe” tea noure.
Jakob nou puo hisü, “E ne nahpoutu tsüna Esau-e. Nenou paoyu thaifüa Enou soupoa laire. Tashu buloua sou khaovu nasü toulo, alia Eye sü hapeio.”
Ana Isaak nou puh nahpoutu hisü, “Anahna, ne kabüa thashoa ngaolou khaie” toure. Jakob nou chila peie, “Daiolouzü nevei MAPAO Ramai nou Eye soukha peiyu vanou ngaoloue.”
Süthaisü Isaak nou Jakob hi paoe, “Anahna, ahi takou khaio, ne cheche vuzünou anah poutu Esau ho Esau mosa touyu Enou deia zhulai.” Südonou Jakob nou puh puo hi takou peie, alia puo nou bah thaipa deiloua haibüa paoe, “Paisü Jakob paie, ana baosü Esau bao-e.” Puh baosü Esau bao khihao-a maipfüyu donou Isaak nou sükulou hore, südonou puhnou hapei laire tea chore. Ana puhnou “Ne Esau vuzüwu?” tea nouda khaire. Jakob nou “Ovai, E Esau-e” toure.
Süthaisü Isaak nou paoe, “Nevei resou khaovu nasü pokou peikhaio, E süsü touloua anahye sü hapei laire.” Jakob nou pokou peia panou touloure alia puhnou darkhadzüa pokou pei sholoure. Süthaisü puh puo Isaak nou puh hi paoe, “Anahna, ahi taikou Eye mümu peikhaio.” Süthaisü puhnou taikou nghiloua puh puoye mümu peie alia Isaak nou puhvei sabanü kaih hüloua puhye haibüa hapeie,
“Zhukhaio, anah vei kaih hai MAPAO nou shiha peiyu dou hi kaih khihaore,
Ramai ye panou neye raki vanou vidzü sü seikou peitheo,
neye panou tava daoloua chamou veia chilou theo.
Maiye panou ne kuvah soulai,
ae tyahrü khemai nou neye khurülai,
neye panou ne thaihou jürai maitaoye tukha sa-a hrülai,
nepfü tyaonah taoye panou neye nakou khurü theo.
Neye chaa peiyu maisü chaa pfütheo,
ae neye shiha peiyu mai hrülai sü panou shiha ngaotheo.”

Isaak nou Jakob hi puhvei shiha peiche-a Jakob nou puh puo hinou tapabü khaie, puh jürai Esau sü sou züloua khaivere. Puh-a touvei shoyu khaovu sü kholoua puh puo hi poloure. Puhnou puo hi paoe, “Apuo, kushu buh souloua Enou zülouyu resou khaovu nasü touloua Eye shiha peio.”
“Ne thaoe?” tea Isaak nou noure. “E ne nahpoutu tsüna Esau-e” tea puhnou chila peie.
Süthaisü Isaak hai raroushoa ngure ae puhnou noue, “Mai linou rüsou kholoua pove ahi peiyu nasü thaokhai-a? Enou puhvei khaovu touloua puh hisü shiha peire taosü peichewure, ae sünasü puhvei soulaide.”
Esau nou chipao süna hai choulou khaie, levea-a kraho holoua puh puo hisü, “Nevei shiha E-a peikhaio, Apuo!” tea khore.
Ana puo nou paoe, “Ne thaihou nou ahinou ve laloua nevei shiha taosü potare.”
Esau nou paoe, “Puh zhih sü Jakob tea sayu hai sazümowu? Daiolouzü puhnou Eye avu ahai laloure. Puhnou avei tsüzha poloure alia chua avei shiha sü pota khaire. Apuo! ne Eye donou shiha peire halia khaidalou movu?”
Isaak nou chila peie, “Enou puhye panou ne pei hi paopu soua hrüre donou puh hi peiwure, alia puhvei kityarai mai hrülai-a puh kuvah soure donou puh hi peiwure. Puhye thoudzü teitei-a Enou peiwure. Anahna, chuo Enou neye daie peilaige?”
Esau nou puo hi khopue, “Apuo! nevei shiha alikhi baiwu? E-a hapeio” tea Esau nou kra-a khoe.
Süthaisü Isaak nou puh nahpoutu hisü paoe,
“Dei aveih dao-a hrüre sü neye donou more,
ae rakinou dzü sü neye donou kouyu hare.
Nevei khoche vanou ne tou-a hrülai,
ana nenou ne thaihou kilai soulai.
Anou puh hi nenou reih soulouzü nenou puh khakhe hinou tupa loulai.”
Puh puo nou Jakob ye shiha peiyu vanou Esau nou puhye ngaora loure. Puhnou haibüa tsücho loure: “Apuo thai-a dopfü laiyu teile sü nghikoure, süteile hinou Enou Jakob ye southalai.”
Ana Esau nou choa buyu tsü nasü Rebeka nou süloua Jakob ye kusave paoe, “Zhukhaio, ne jürai Esau sü neye southalai donou tsücholoua bubaire. Südonou Anahna, ne achi zülo, ne apou Laban hi tuho tawo. Ne jürai nou lekha khaimo koute, alia nenou puh hi soukhai touyu nahai ne jürai nou ngaimo koute, ne buh sühinou buwo. Haithai nakinou Enou mai seiho neye saloulai. Daidonou Esü teithe ali hinou anah poutu ahai khinou panou hakhailai.”

Rebeka nou Isaak hisü paoe, “Esau nou Hit maipfüye nayu vanou E hrüvea shore. Jakob-a Hit maipfü nalou khaiyu thaio, E hria buyu daiveiyu bue?”

ያዳምጡ SHURAI 27