<div class="version vid1320 iso6393aaz" data-vid="1320" data-iso6393="aaz">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Nok ranan naan, Uisneno nmoe&#42892; naan neno tunan ma pah-pinan nok in aafn ii ok-oke&#42892;.</div><div class="m"> 2Anmoe&#42892; narair sin arsin, noka&#42892; on naan ate, neon hiut ii ntea. Onaim In nasnaas na&#42892;ko In meupn ein naan. 3Es naan ate, In nbetis neon hitu&#42892; naan na&#42892;ko neon biak ein ii, he njair neno snasat, natuin In narair In mepun naan, ma nbi neno naan, In nasnaas. 4aReta&#42892; re&#42892; natoon nak Uisneno nmoe&#42892; neno tunan ma pah-pinan, on re&#42892; naan, tua.</div><div class="s1">Uisneno nmoe&#42892; atoni&#42892; ma bifee</div><div class="r">(Nai&#42892; Mateos 19:4-6, Nai&#42892; Markus 10:4-9, 1 Korintus 6:16, 1 Korintus 15:45,47, Efesus 5:31-33)</div><div class="p"> 4bOras UISNENO fe&#42892; nmurai nmoe&#42892; neno tunan ma pah-pinan naan ate, 5-6ka nmui&#42892; hau saa&#42892;-saa&#42892; fa fe&#42892;, natuin In ka nasanut uran fa fe&#42892;. Oras naan, suma nmu&#42892;i haa nipu&#42892; re&#42892; nsae na&#42892;ko afu, ma napeet pah-pinan. Ma ka nmui&#42892; fa fe&#42892; mansian re&#42892; nareen. 7Rarit UISNENO nnau afu, ma nmoe&#42892; je njair mansian. Rarit In nfuu nataam snasaf npeo&#42892; in panan konan. Onaim mansian naan anmoin oras naan.</div><div class="p"> 8Rarit UISNENO nroe naan poo&#42892;n es anbi bare Eden, et pasa&#42892; neon-saet. Onaim In natokob mansian naan anbi bare naan. 9Anbi po&#42892;on naan In namonib are&#42892; kanan roet, re&#42892; tkisu te namasan, ma taah sin ate miin-oni. In namonib amsa&#42892; hau &#42892;u&#42892;u nua nbi poo&#42892;n ee tnanan. Karu mansian ii naah hau fua&#42892; na&#42892;ko uu&#42892; goes in fuan, in of anmoin piut. Ma karu mansian ii naah na&#42892;ko uu&#42892; goes anteni&#42892; in fuan, in bisa nahiin rais reko ma rais re&#42892;uf.</div><div class="p"> 10Anbi naan, anmui&#42892; naan noe jes, nasai npoi na&#42892;ko po&#42892;on naan. Noe naan a&#42892;saif haa. 11A&#42892;saif ahuunt ee, in kaan ee Pison. A&#42892;saif ia nasai nfuun naan pah Hawila. Anbi bare ia, nmu&#42892;i mnatu&#42892; mfa-faun. 12Anbi bare re&#42892; ia, nmui&#42892; mnaut afa&#42892;, nmui&#42892; hau re&#42892; in oen ee foo meni&#42892;, ma nmui&#42892; faut arimat. 13A&#42892;saif es anteni&#42892;, in kaan ee Gihon. A&#42892;saif ia, ansai nfuun naan pah Kus.#2:13: Unu&#42892; te, bare re&#42892; ia in kaan ee &#8216;Kus&#8217;. Muni&#42892; ia, in ntaam et pah Etiopia ma pah Sudan. Pah ein re&#42892; ia, etan Afrika ntoom maans ee &#42892;saen. 14A&#42892;saif es anteni&#42892;, in kaan ee Tigris. A&#42892;saif re&#42892; ia njair nakat nbi pah Asur#2:14: Asur naan, pah es, re&#42892; oras ia nteek ee te nak &#8216;Irak&#8217;. ntoom maans ee &#42892;saen. Ma in a&#42892;sain amuint ee, kaan ee, Efrat.</div><div class="p"> 15UISNENO nreek mansian naan natua nbi Eden, he npairoir po&#42892;on naan rek-reko. 16Onaim In naprenat mansian naan am nak, &#8220;Au &#42892;konan ko he muah hau fua&#42892; saa&#42892;-saa&#42892; ahaa, na&#42892;ko are&#42892; kanan roet anbi po&#42892;on ia. 17Mes anmui&#42892; naan hau uu&#42892; goes, re&#42892; Au &#42892;taar ko ma&#42892;tani&#42892;, he kais muah in fuan. Hau naan es re&#42892; hau roet re&#42892;, karu mansian ii naah in fuan, in bisa nahiin rais reko ma rais re&#42892;uf. Mes karu ho muahn ee te, ho ro he mmaet.&#8221;</div><div class="p"> 18Rarit UISNENO na&#42892;uab anteni&#42892; mnak, &#8220;Ka reko fa karu mansian ia nmoni nmes-mees. Onaim Au he &#42892;mo&#42892;e &#42892;fee ne atuurn am abaabt es re&#42892; natai nok ne.&#8221;</div><div class="p"> 19-20Oras naan UISNENO nnau afu, ma nmoe&#42892; mu&#42892;it ma koro huma&#42892;-huma&#42892;. Rarit In nnao naat sin neu mansian naan, maut he in nakanab sin. Rarit mansian naan nakanab mu&#42892;it ma koron naan, es-es ate nok kuun in kanan. Mes neu iin, ka nmui&#42892; fa atuurn am abaabt es, re&#42892; natai nok ne.</div><div class="p"> 21Rarit UISNENO narour natupa&#42892; mansian naan. Oras in ntuup anfiin ite, Uisneno nait naan in nui bnapa&#42892; tuuk es, rarit In ntoeb nareko&#42892; papa&#42892; naan. 22Ma In nmoe&#42892; bifee na&#42892;ko nuif naan. Rarit In nnona&#42892; bifee naan neu atoni&#42892; naan. 23Oras atoni&#42892; ia niit bifee naan ate, in nak,</div><div class="q1">&#8220;Haaa! Esai fe&#42892;! Ia ro natai nok kau!</div><div class="q2">In nuif ein huma&#42892; mese&#42892; nok au nu.</div><div class="q3">Ma in sisin huma&#42892; mese&#42892; nok au sisik.</div><div class="q2">Natuin in njair na&#42892;ko atoni&#42892;, es na&#42892; au ukaanb ee, &#8216;bifee&#8217;.&#8221;#2:23: Anbi Uab Ibrani te, atoni&#42892; te nak &#8216;ish&#8217;. Ma bifee tnak, &#8216;isha&#8217;. Onaim anbi re&#42892; ia, sin npaek uab nak &#8220;isha (bifee) njair na&#42892;ko ish (atoni&#42892;).&#8221;</div><div class="q1"> 24Natuin rasi naan, es na&#42892; atoin es ro he annao nasaitan in ainaf-amaf,</div><div class="q2">he nmoin nabua nekaf mese&#42892; ma ansaof mese&#42892; nok in fee,</div><div class="q3">henati&#42892; sin nua sin njarin mese&#42892;.</div><div class="p"> 25Oras naan sin aaf ein, mes sin ka nmu&#42892;in fa rais mae kre&#42892;o msa&#42892;.</div>
 </div>
 </div>
</div>

Nok ranan naan, Uisneno nmoeꞌ naan neno tunan ma pah-pinan nok in aafn ii ok-okeꞌ.
Anmoeꞌ narair sin arsin, nokaꞌ on naan ate, neon hiut ii ntea. Onaim In nasnaas naꞌko In meupn ein naan. Es naan ate, In nbetis neon hituꞌ naan naꞌko neon biak ein ii, he njair neno snasat, natuin In narair In mepun naan, ma nbi neno naan, In nasnaas. Retaꞌ reꞌ natoon nak Uisneno nmoeꞌ neno tunan ma pah-pinan, on reꞌ naan, tua.


Oras UISNENO feꞌ nmurai nmoeꞌ neno tunan ma pah-pinan naan ate, ka nmuiꞌ hau saaꞌ-saaꞌ fa feꞌ, natuin In ka nasanut uran fa feꞌ. Oras naan, suma nmuꞌi haa nipuꞌ reꞌ nsae naꞌko afu, ma napeet pah-pinan. Ma ka nmuiꞌ fa feꞌ mansian reꞌ nareen. Rarit UISNENO nnau afu, ma nmoeꞌ je njair mansian. Rarit In nfuu nataam snasaf npeoꞌ in panan konan. Onaim mansian naan anmoin oras naan.
Rarit UISNENO nroe naan pooꞌn es anbi bare Eden, et pasaꞌ neon-saet. Onaim In natokob mansian naan anbi bare naan. Anbi poꞌon naan In namonib areꞌ kanan roet, reꞌ tkisu te namasan, ma taah sin ate miin-oni. In namonib amsaꞌ hau ꞌuꞌu nua nbi pooꞌn ee tnanan. Karu mansian ii naah hau fuaꞌ naꞌko uuꞌ goes in fuan, in of anmoin piut. Ma karu mansian ii naah naꞌko uuꞌ goes anteniꞌ in fuan, in bisa nahiin rais reko ma rais reꞌuf.
Anbi naan, anmuiꞌ naan noe jes, nasai npoi naꞌko poꞌon naan. Noe naan aꞌsaif haa. Aꞌsaif ahuunt ee, in kaan ee Pison. Aꞌsaif ia nasai nfuun naan pah Hawila. Anbi bare ia, nmuꞌi mnatuꞌ mfa-faun. Anbi bare reꞌ ia, nmuiꞌ mnaut afaꞌ, nmuiꞌ hau reꞌ in oen ee foo meniꞌ, ma nmuiꞌ faut arimat. Aꞌsaif es anteniꞌ, in kaan ee Gihon. Aꞌsaif ia, ansai nfuun naan pah Kus. Aꞌsaif es anteniꞌ, in kaan ee Tigris. Aꞌsaif reꞌ ia njair nakat nbi pah Asur ntoom maans ee ꞌsaen. Ma in aꞌsain amuint ee, kaan ee, Efrat.
UISNENO nreek mansian naan natua nbi Eden, he npairoir poꞌon naan rek-reko. Onaim In naprenat mansian naan am nak, “Au ꞌkonan ko he muah hau fuaꞌ saaꞌ-saaꞌ ahaa, naꞌko areꞌ kanan roet anbi poꞌon ia. Mes anmuiꞌ naan hau uuꞌ goes, reꞌ Au ꞌtaar ko maꞌtaniꞌ, he kais muah in fuan. Hau naan es reꞌ hau roet reꞌ, karu mansian ii naah in fuan, in bisa nahiin rais reko ma rais reꞌuf. Mes karu ho muahn ee te, ho ro he mmaet.”
Rarit UISNENO naꞌuab anteniꞌ mnak, “Ka reko fa karu mansian ia nmoni nmes-mees. Onaim Au he ꞌmoꞌe ꞌfee ne atuurn am abaabt es reꞌ natai nok ne.”
Oras naan UISNENO nnau afu, ma nmoeꞌ muꞌit ma koro humaꞌ-humaꞌ. Rarit In nnao naat sin neu mansian naan, maut he in nakanab sin. Rarit mansian naan nakanab muꞌit ma koron naan, es-es ate nok kuun in kanan. Mes neu iin, ka nmuiꞌ fa atuurn am abaabt es, reꞌ natai nok ne.
Rarit UISNENO narour natupaꞌ mansian naan. Oras in ntuup anfiin ite, Uisneno nait naan in nui bnapaꞌ tuuk es, rarit In ntoeb narekoꞌ papaꞌ naan. Ma In nmoeꞌ bifee naꞌko nuif naan. Rarit In nnonaꞌ bifee naan neu atoniꞌ naan. Oras atoniꞌ ia niit bifee naan ate, in nak,
“Haaa! Esai feꞌ! Ia ro natai nok kau!
In nuif ein humaꞌ meseꞌ nok au nu.
Ma in sisin humaꞌ meseꞌ nok au sisik.
Natuin in njair naꞌko atoniꞌ, es naꞌ au ukaanb ee, ‘bifee’.”
Natuin rasi naan, es naꞌ atoin es ro he annao nasaitan in ainaf-amaf,
he nmoin nabua nekaf meseꞌ ma ansaof meseꞌ nok in fee,
henatiꞌ sin nua sin njarin meseꞌ.
Oras naan sin aaf ein, mes sin ka nmuꞌin fa rais mae kreꞌo msaꞌ.

ያዳምጡ Retaꞌ Ahun-hunut 2