Chindau: Bhaibheri Rakachena muChindau Bible

Bhaibheri Rakachena muChindau

<div class="version vid1694 iso6393ndc" data-vid="1694" data-iso6393="ndc">
 <div class="book bkLUK">
 <div class="chapter ch12" data-usfm="LUK.12">
 <div class="label">12</div><div class="s">Jesu Unongwadza Vadzidzi vake ngeVadzidzisi voKunyepa</div><div class="r">(Mat. 10:26-27)</div><div class="p"> 1Ngouwo mukuwo, naapo vanhu vasikaerengeki vaungana pamwepo vaitsikirirana, wakatanga kuereketa kunevadzidzi vake kuti, &#8220;Ngwarai mumera wevaFarisi, uwo uri kudziitisa. 2Ngokuti akuna chiro chakadumaidzwa chisikazoonekwi, nokuti chakafishika chisikazoziikanwi. 3Ndizvo icho chemwakaereketa muchidima chinozozwika mukujeka, neicho chemwakapangirana munzee mukati mwemakamera akafishika, chinozoteketeswa padera pechachungu chemhatso.</div><div class="s">Ityai Mwari</div><div class="r">(Mat. 10:28-31)</div><div class="p"> 4&#8220;Ndinomuronzera, shamwari dzangu, musatya avo vanouraya muiri, ngesure kweizvo vasina chevangaita. 5Asi ndinomunyowedza ngouwo womunosisira kutya; mwechimutya uwo ngesure kwokuuraya, unesimba rokurasha mugehena, eya, ndinomuronzera mutyenyi uwo!</div><div class="p"> 6&#8220;Zviwanzaburi zvishanu azvitengeswi ngemasendi mairi here? Nechimwe chazvo achizoriyarikanwi pamberi paMwari. 7Asi nebvudzi resoro renyu rakaerengwa reshe. Musatya; imwimwi munopinda kudikanwa kunezviwanzaburi zvizhinji.</div><div class="s">Kuda noKuramba Jesu</div><div class="r">(Mat. 10:32-33; 12:32; 10:19-20)</div><div class="p"> 8&#8220;Neni ndinomuronzera, kunyazwi ndiani unonditenda pamberi pevanhu, Mukororo woMunhu unozomutendawo pamberi pengirosi dzaMwari; 9asi iye unondiramba pamberi pevanhu, ndinozomurambawo pamberi pengirosi dzaMwari. 10Nomunhu weshe unoereketa izwi rakashata ngoMukororo woMunhu, kunozorekererwa kwaari; asi uwo unotuka Mweya Wakachena akuzorekererwi kwaari. 11Naapo voomuunza mumhatso dzokudira nepamberi pevatongi nepamberi pevanesimba, musazodembatemba ngenjira yomunozopingura ndiyo nokuti munozopingura ngemazwi akadini nokuti munozoereketenyi; 12ngokuti Mweya Wakachena unozomudzidzisa ngeiro awa icho chinosisira kuti muerekete.&#8221;</div><div class="s">Muedzaniso woMupfumi Benzi</div><div class="p"> 13Umwe wembungano wakati kwaari, &#8220;Mudzidzisi, wechironzera mukoma wangu kuti tikoane nhaka.&#8221; 14Asi wakati kwaari, &#8220;Munhuwe, ndiani wandiemesa kuti ndiite mutongi nokuti mukoanisiri padera penyu?&#8221; 15Naye wakati kwavari, &#8220;Ngwarai, mwechidzitarausa kubva mukuemura kweshe; ngokuti kurarama kwomunhu akubvi mukuwanda kwoupfumi hwaanahwo.&#8221; 16Wakavaronzera muedzaniso akati, &#8220;Munda wegurudza wakabereka zvakawanda; 17naro rakakarakadza mukati mwaro rechiti, &#8216;Ndinozoitenyi, ngokuti andina ndau yokuisa zviyo zvangu?&#8217; 18Naro rakati, &#8216;Ndinozodai; ndoputsira pashi matura angu, ndiake anopinda kukura, naapo ndinozoisa zviyo zvangu zveshe nezviro zvangu.&#8217; 19Neni ndinozoti kumweya wangu, &#8216;Une zviro zvakawanda zvakaunganidzirwa kukwanisa makore mazhinji, chigarisika, wechidya, wechimwa, wechidakara.&#8217; 20Asi Mwari wakati kwaari, &#8216;Iwewe benzi! Ngouyu usiku mweya wako unozodaidzwa kubva kwouri. Neizvo zvewakadzingwaririra zvinozoita zvaani?&#8217;</div><div class="p"> 21&#8220;Ndizvo zvakaita uwo unodziunganidzira upfumi, asi asiri mupfumi pamberi paMwari.&#8221;</div><div class="s">Gondai Mwari</div><div class="r">(Mat. 6:25-34)</div><div class="p"> 22Wakati kunevadzidzi vake, &#8220;Ngeiyi ndaa ndinoti kwomuri, musadembatemba ngendaa yokurarama kwenyu, kuti munozodyenyi, nokuti ngendaa yomuiri wenyu, kuti munozofukenyi. 23Ngokuti kupona kunopinda kudya, nomuiri unopinda zvokufuka. 24Mwechipinimidza ngemakungu, kuti aakushi nokuti kuunganidza, aana tsapi nokuti matura, asi Mwari unoaburira. Imwimwi munopinda kwakaitawani kudikanwa kuneshiri! 25Ndiani kwomuri ngokudembatemba ungatutsira zuva rimwe rokupona kwake?#12:25 Zuva rimwe rokupona kwake:Nokuti ungarebesa chiemo chake ngekubhiti rimwe. 26Ndizvo kudai imwimwi musina simba rokuita icho chidodoko, munodembatemba ngenyi ngezvimweni? 27Pinimidzai ngemaruva, kukura kwaanoita; aashandi, zve, aaruki; asi inini ndinoti kwomuri, naSoromoni muuthende hwake hweshe aazi kumbopfekeswa kudai ngerimwe rawo. 28Asi kudai Mwari echipfekesa kudaro mwenje worubaya, uwo uripo nyamashi namangwani unokandirwa muchoto, iye unozopinda kwakaitawani kumupfekesa, imwimwi munokutenda kudoodoko! 29Musatsvaka zvokudya nezvokumwa nokuti musanyunyuta. 30Ngokuti madzinza eshe enyika anozvitsvaka izvi zveshe, asi Baba enyu vanozia kuti munozvitama izvi zviro. 31Asi tsvakai umambo hwake, neizvi zvinozotutsirwa kwomuri.</div><div class="s">Upfumi Mudenga</div><div class="r">(Mat. 6:19-21)</div><div class="p"> 32&#8220;Musatya, imwimwi chikwata chidoko, ngokuti chiri chidisiso chaBaba enyu kuti vamupe umambo. 33Tengesai zvomunazvo, mukovere varombo; mudziitire zvikwama zvisikatsakari, noupfumi mudenga husikaperi, apo mbavha peisikakwedzeri nokuti unundu pousikaparadzi. 34Ngokuti apo pouri upfumi hwenyu, apo ndipo panemwoyo wenyu.</div><div class="s">Varanda Vanorindira Kuuya kwaMambo</div><div class="p"> 35&#8220;Zviunu zvenyu ngazvisungiswe nezvibani zvenyu ngazvijeke; 36nemwi muite kudai ngevanhu vanorindira mambo wavo apo oobva kudhiri romuchadho, kuti apo oouya nokudododza, vamubeurire paripo. 37Vanomuchena avo varanda apo mambo oouya unozovaona vechirinda; ngegwinyiso ndinoti kwomuri, unozodzisimidza nokuita kuti vagare pashi panekudya, naye unozouya nokuvashandira. 38Kudai echizouya ngomurindo wechipiri nokuti wechitatu, andovaona vakadaro, vanomuchena avo varanda! 39Asi mwechizia ichi, kuti kudai munewemhatso aiya azia awa iro raiuya ndiro mbavha, waizorinda asikatendi kuti mhatso yake ipwanyiwe. 40Ndizvo imwimwi itai vakanasirirwa, ngokuti Mukororo woMunhu unouya ngeawa romusikapinimidzi.&#8221;</div><div class="s">Muranda Unogondeka noUsikagondeki</div><div class="r">(Mat. 24:45-51)</div><div class="p"> 41Petro wakati, &#8220;Mambo, unoereketa muedzaniso uyu kwetiri here nokuti kwavari veshe?&#8221;</div><div class="p"> 42Mambo wakati, &#8220;Ndiani muranda unogondeka newakangwara, uwo mambo wake unozomuemesa padera pemhatso yake, kuti avape kudya kwavo ngomukuwo wakwo? 43Unomuchena uwo muranda apo mambo wake oouya unozomuona echiita kudaro. 44Ngegwinyiso ndinoti kwomuri, unozomuemesa padera pezviro zveshe zvaanazvo. 45Asi kudai uwo muranda echizoti mumwoyo mwake, &#8216;Mambo wangu unononoka kuuya,&#8217; orootanga kurova varanda vevamuna nevarandakadzi, adye nokumwa nokuradza, 46mambo womuranda uwo unozouya ngezuva raasikamukariri neawa raasikazii, naye unozomugura kuita zvigurwa zviiri, amuemesere chikoaniswa chake pamwepo nevasikatendi. 47Nouwo muranda waizia chiri kuda kwamambo wake, asi aazi kunasirira nokuti kuita kudai ngokuda kwake, unozoshwapurwa ngemishwapu mizhinji. 48Asi uwo usikazi kuzia, akaita izvo zvinosisira kuti ashwapurwe, unozoshwapurwa ngemishwapu mishomani. Nokwaari uwo wakapuwa zvakawanda, kunozobvunzwa zvakawanda. Nokwaari uwo wevakapa zvakawanda, vanhu vanozobvunza zvakapinda kuwanda.</div><div class="s">Jesu ndiye Wakaita kuti Kuapo Kuparadzana</div><div class="r">(Mat. 10:34-36)</div><div class="p"> 49&#8220;Ndakauya kukandira mwoto padera penyika; neni ndinozodenyi kuti mwoto watobaka nazvinopano! 50Asi ndinorubhabhatidzo rwokubhabhatidzwa ndirwo; ndinokumanikidzwa metsa rwaitika! 51Munopinimidza here kuti ndakauya kupa kunyarara munyika? Ndinomuronzera kuti haiwa, asi kuparadzana! 52Ngokuti kubvira zvinopano vanozoapo vashanu mumhatso imweyo vakaparadzana, vatatu vakapesana nevairi, nevairi vakapesana nevatatu;</div><div class="q"> 53&#8220;Baba vanozopesana nomukororo,</div><div class="q">nomukororo unozopesana nababa,</div><div class="q">namai vanozopesana nemwanasikana,</div><div class="q">nemwanasikana unozopesana namai,</div><div class="q">namazvarira vanozopesana nomuzakazi wake,</div><div class="q">nemuzakazi unozopesana namazvarira ake.&#8221;</div><div class="s">Kuzwisisa Nguva</div><div class="r">(Mat. 16:2-3)</div><div class="p"> 54Naye wakatizve kumbungano, &#8220;Apo mwoona gore rechimirukira mudenga ngokumabirirazuva, paripo munoti, &#8216;Kunoda kunaya,&#8217; nakwo kunonaya. 55Naapo mwoona dutu rechivhuvhuta kubva ngokubani, munoti, &#8216;Kunozopisha,&#8217; nakwo kunopisha. 56Imwimwi vadziitisi! Munokona kududzira hope yenyika neyomudenga; asi ngenyi musikazii njira yokududzira ndiyo nguva iyi?</div><div class="s">Tenderana neGaa rako</div><div class="r">(Mat. 5:25-26)</div><div class="p"> 57&#8220;Amukoni ngenyi ngokwenyu kuparadzanisa icho chakanaka? 58Naapo wechienda negaa rako pamberi pamambo, ita kuti utenderane naro uchimunjira, kuti asazokukweya akuunze pamberi pomutongi, uwo unozokupira kumuphurisa nomuphurisa unozokuisa mutirongo. 59Ndinoti kwouri, autongozobudimwo usati waripa nesendi rokupedzisira.&#8221;</div>
 </div>
 </div>
</div>

Ngouwo mukuwo, naapo vanhu vasikaerengeki vaungana pamwepo vaitsikirirana, wakatanga kuereketa kunevadzidzi vake kuti, “Ngwarai mumera wevaFarisi, uwo uri kudziitisa. Ngokuti akuna chiro chakadumaidzwa chisikazoonekwi, nokuti chakafishika chisikazoziikanwi. Ndizvo icho chemwakaereketa muchidima chinozozwika mukujeka, neicho chemwakapangirana munzee mukati mwemakamera akafishika, chinozoteketeswa padera pechachungu chemhatso.


“Ndinomuronzera, shamwari dzangu, musatya avo vanouraya muiri, ngesure kweizvo vasina chevangaita. Asi ndinomunyowedza ngouwo womunosisira kutya; mwechimutya uwo ngesure kwokuuraya, unesimba rokurasha mugehena, eya, ndinomuronzera mutyenyi uwo!
“Zviwanzaburi zvishanu azvitengeswi ngemasendi mairi here? Nechimwe chazvo achizoriyarikanwi pamberi paMwari. Asi nebvudzi resoro renyu rakaerengwa reshe. Musatya; imwimwi munopinda kudikanwa kunezviwanzaburi zvizhinji.


“Neni ndinomuronzera, kunyazwi ndiani unonditenda pamberi pevanhu, Mukororo woMunhu unozomutendawo pamberi pengirosi dzaMwari; asi iye unondiramba pamberi pevanhu, ndinozomurambawo pamberi pengirosi dzaMwari. Nomunhu weshe unoereketa izwi rakashata ngoMukororo woMunhu, kunozorekererwa kwaari; asi uwo unotuka Mweya Wakachena akuzorekererwi kwaari. Naapo voomuunza mumhatso dzokudira nepamberi pevatongi nepamberi pevanesimba, musazodembatemba ngenjira yomunozopingura ndiyo nokuti munozopingura ngemazwi akadini nokuti munozoereketenyi; ngokuti Mweya Wakachena unozomudzidzisa ngeiro awa icho chinosisira kuti muerekete.”

Umwe wembungano wakati kwaari, “Mudzidzisi, wechironzera mukoma wangu kuti tikoane nhaka.” Asi wakati kwaari, “Munhuwe, ndiani wandiemesa kuti ndiite mutongi nokuti mukoanisiri padera penyu?” Naye wakati kwavari, “Ngwarai, mwechidzitarausa kubva mukuemura kweshe; ngokuti kurarama kwomunhu akubvi mukuwanda kwoupfumi hwaanahwo.” Wakavaronzera muedzaniso akati, “Munda wegurudza wakabereka zvakawanda; naro rakakarakadza mukati mwaro rechiti, ‘Ndinozoitenyi, ngokuti andina ndau yokuisa zviyo zvangu?’ Naro rakati, ‘Ndinozodai; ndoputsira pashi matura angu, ndiake anopinda kukura, naapo ndinozoisa zviyo zvangu zveshe nezviro zvangu.’ Neni ndinozoti kumweya wangu, ‘Une zviro zvakawanda zvakaunganidzirwa kukwanisa makore mazhinji, chigarisika, wechidya, wechimwa, wechidakara.’ Asi Mwari wakati kwaari, ‘Iwewe benzi! Ngouyu usiku mweya wako unozodaidzwa kubva kwouri. Neizvo zvewakadzingwaririra zvinozoita zvaani?’
“Ndizvo zvakaita uwo unodziunganidzira upfumi, asi asiri mupfumi pamberi paMwari.”


Wakati kunevadzidzi vake, “Ngeiyi ndaa ndinoti kwomuri, musadembatemba ngendaa yokurarama kwenyu, kuti munozodyenyi, nokuti ngendaa yomuiri wenyu, kuti munozofukenyi. Ngokuti kupona kunopinda kudya, nomuiri unopinda zvokufuka. Mwechipinimidza ngemakungu, kuti aakushi nokuti kuunganidza, aana tsapi nokuti matura, asi Mwari unoaburira. Imwimwi munopinda kwakaitawani kudikanwa kuneshiri! Ndiani kwomuri ngokudembatemba ungatutsira zuva rimwe rokupona kwake? Ndizvo kudai imwimwi musina simba rokuita icho chidodoko, munodembatemba ngenyi ngezvimweni? Pinimidzai ngemaruva, kukura kwaanoita; aashandi, zve, aaruki; asi inini ndinoti kwomuri, naSoromoni muuthende hwake hweshe aazi kumbopfekeswa kudai ngerimwe rawo. Asi kudai Mwari echipfekesa kudaro mwenje worubaya, uwo uripo nyamashi namangwani unokandirwa muchoto, iye unozopinda kwakaitawani kumupfekesa, imwimwi munokutenda kudoodoko! Musatsvaka zvokudya nezvokumwa nokuti musanyunyuta. Ngokuti madzinza eshe enyika anozvitsvaka izvi zveshe, asi Baba enyu vanozia kuti munozvitama izvi zviro. Asi tsvakai umambo hwake, neizvi zvinozotutsirwa kwomuri.


“Musatya, imwimwi chikwata chidoko, ngokuti chiri chidisiso chaBaba enyu kuti vamupe umambo. Tengesai zvomunazvo, mukovere varombo; mudziitire zvikwama zvisikatsakari, noupfumi mudenga husikaperi, apo mbavha peisikakwedzeri nokuti unundu pousikaparadzi. Ngokuti apo pouri upfumi hwenyu, apo ndipo panemwoyo wenyu.

“Zviunu zvenyu ngazvisungiswe nezvibani zvenyu ngazvijeke; nemwi muite kudai ngevanhu vanorindira mambo wavo apo oobva kudhiri romuchadho, kuti apo oouya nokudododza, vamubeurire paripo. Vanomuchena avo varanda apo mambo oouya unozovaona vechirinda; ngegwinyiso ndinoti kwomuri, unozodzisimidza nokuita kuti vagare pashi panekudya, naye unozouya nokuvashandira. Kudai echizouya ngomurindo wechipiri nokuti wechitatu, andovaona vakadaro, vanomuchena avo varanda! Asi mwechizia ichi, kuti kudai munewemhatso aiya azia awa iro raiuya ndiro mbavha, waizorinda asikatendi kuti mhatso yake ipwanyiwe. Ndizvo imwimwi itai vakanasirirwa, ngokuti Mukororo woMunhu unouya ngeawa romusikapinimidzi.”


Petro wakati, “Mambo, unoereketa muedzaniso uyu kwetiri here nokuti kwavari veshe?”
Mambo wakati, “Ndiani muranda unogondeka newakangwara, uwo mambo wake unozomuemesa padera pemhatso yake, kuti avape kudya kwavo ngomukuwo wakwo? Unomuchena uwo muranda apo mambo wake oouya unozomuona echiita kudaro. Ngegwinyiso ndinoti kwomuri, unozomuemesa padera pezviro zveshe zvaanazvo. Asi kudai uwo muranda echizoti mumwoyo mwake, ‘Mambo wangu unononoka kuuya,’ orootanga kurova varanda vevamuna nevarandakadzi, adye nokumwa nokuradza, mambo womuranda uwo unozouya ngezuva raasikamukariri neawa raasikazii, naye unozomugura kuita zvigurwa zviiri, amuemesere chikoaniswa chake pamwepo nevasikatendi. Nouwo muranda waizia chiri kuda kwamambo wake, asi aazi kunasirira nokuti kuita kudai ngokuda kwake, unozoshwapurwa ngemishwapu mizhinji. Asi uwo usikazi kuzia, akaita izvo zvinosisira kuti ashwapurwe, unozoshwapurwa ngemishwapu mishomani. Nokwaari uwo wakapuwa zvakawanda, kunozobvunzwa zvakawanda. Nokwaari uwo wevakapa zvakawanda, vanhu vanozobvunza zvakapinda kuwanda.


“Ndakauya kukandira mwoto padera penyika; neni ndinozodenyi kuti mwoto watobaka nazvinopano! Asi ndinorubhabhatidzo rwokubhabhatidzwa ndirwo; ndinokumanikidzwa metsa rwaitika! Munopinimidza here kuti ndakauya kupa kunyarara munyika? Ndinomuronzera kuti haiwa, asi kuparadzana! Ngokuti kubvira zvinopano vanozoapo vashanu mumhatso imweyo vakaparadzana, vatatu vakapesana nevairi, nevairi vakapesana nevatatu;
“Baba vanozopesana nomukororo,
nomukororo unozopesana nababa,
namai vanozopesana nemwanasikana,
nemwanasikana unozopesana namai,
namazvarira vanozopesana nomuzakazi wake,
nemuzakazi unozopesana namazvarira ake.”


Naye wakatizve kumbungano, “Apo mwoona gore rechimirukira mudenga ngokumabirirazuva, paripo munoti, ‘Kunoda kunaya,’ nakwo kunonaya. Naapo mwoona dutu rechivhuvhuta kubva ngokubani, munoti, ‘Kunozopisha,’ nakwo kunopisha. Imwimwi vadziitisi! Munokona kududzira hope yenyika neyomudenga; asi ngenyi musikazii njira yokududzira ndiyo nguva iyi?


“Amukoni ngenyi ngokwenyu kuparadzanisa icho chakanaka? Naapo wechienda negaa rako pamberi pamambo, ita kuti utenderane naro uchimunjira, kuti asazokukweya akuunze pamberi pomutongi, uwo unozokupira kumuphurisa nomuphurisa unozokuisa mutirongo. Ndinoti kwouri, autongozobudimwo usati waripa nesendi rokupedzisira.”

ያዳምጡ Ruka 12