 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

يَاکٜ ݠِيٜرْ عٜ يُحَنَّ طٛنْ مبٛلْوَنَ يِمْࢡٜ، لِمَنْعٜنْ عٜ مَوْطٛ عَيْنٛوࢡٜ حَيْکَلِيرُ عٜ سَدُکِعٜنْ نغَرِ حَا مَࢡّٜ؞ ࢡٜتِکِّ مَسِنْ نغَمْ نٜلَاࢡٜ غٛ طٛنْ عٜکِّتِنَ يِمْࢡٜ نٛ اَللَّه عُمِّتِنِ عِيسَى اَلْمَسِيحُ دِغَ مَايْدٜ، ندٜنْ مَايْࢡٜ ڢُو تَمِّ عُمِّتِنٜىٰغٛ؞ ࢡٜنَنغِ ࢡٜ، ࢡٜمَࢡِّ ࢡٜ حَا سُودُ ڢُرْسِنَ حَا ڢَجِرِ، نغَمْ حِيرِ؞ عَمَّا طُوطْࢡٜ حَا نَنْࢡٜ بٛلّٜ نٜلَاࢡٜ ࢡٜعٜ نُطِّنِ، حَا لِمْغَلْ وٛرْࢡٜ وَطِ بَاکِنْ عُجِنٜ نجٛوِ؞
جَنغٛ مَنْ مَوْࢡٜ يَحُودُعٜنْ عٜ ندٛتِّعٜنْ عٜ مٛودِࢡّٜ تَوْرٜىٰتَ کَوْتِ حَا عُرُسَلِيمَ؞ ࢡٜکَوْتِ بٜى عَنَّسْ حٛورٜىٰجٛ لِمَنْعٜنْ عٜ کَيَڢَسْ عٜ يُحَنَّ عٜ عَلٜکْسَنْدِرٜ عٜ يِمْࢡٜ سَارٜ حٛورٜىٰجٛ لِمَنْعٜنْ وٛطْࢡٜ ڢُو؞ ࢡٜندَرْنِ نٜلَاࢡٜ يٜىٰسٛ مَࢡّٜ، ࢡٜࢨَمِ ࢡٜ‏: «بٜى بَاوْطٜ طٜيٜ مَلَّ بٜى عِنْدٜ مٛيْ مبَطّٛنْ طُمْ؟» ندٜنْ ݠِيٜرْ، کٜبِّنَاطٛ رُوحُ شٜنِيطٛ جَابِ، وِعِ ࢡٜ‏: «يَا عَرْدِيࢡٜ عُمَّاتٛورٜ عٜ ندٛتِّعٜنْ، مِنْ نغُلَّامَ يٜىٰسٛ مٛنْ حَنْدٜ نغَمْ دَلِيلَ کُوغَلْ بٛوطْنغَلْ نغَلْ مِنْ مبَطَنِ بٛوسْطٛ عٜ نٛيْ عٛيَمْطِتِرِ؞ عٛنٛنْ بٜى إِسْرَاءِيلَعٜنْ ڢُو، سٜيْ عَنْدٛنْ‏: نٜطّٛ دَرِيطٛ يٜىٰسٛ مٛوطٛنْ عٛو، عٛجَمٛ نغَمْ دَلِيلَ عِنْدٜ عِيسَى اَلْمَسِيحُ مٛ نَسَرَتُ مٛ عٛنْ نغَاڢِ، عَمَّا اَللَّه عُمِّتِنِمٛ دِغَ مَايْدٜ؞ کَنغْکٛ وٛنِ‏:
حَيْرٜ ندٜ عٛنٛنْ مَحٛوࢡٜ، عٛنْ نغُدِنِ،
کَيْرٜ لَاتِ حَيْرٜ تَلْکُمٛورٜ ࢡُرْندٜ سَمَنْ؞
حَا مَاکٛ تَنْ کٜࢡٜتٜنْ کِسْندَمْ، نغَمْ وَلَا غٛطّٛ ڢٜىٰرٜ حَا دُنِيَارُ سَمْ، مٛ اَللَّه حٛکِّ بَاوْطٜ حَا عٜنْ کٜࢡَ حِسْرُغٛ بٜى مُوطُمْ؞»
دَوْرٛوࢡٜ يَحُودُعٜنْ غٛ کَيْطِنِ نغَمْ ࢡٜنغِعِ ݠِيٜرْ عٜ يُحَنَّ کُلَايْ سَمْ، سَکّٛ ندٜ ࢡٜتَوِ نَا ࢡٜ تٜدُّࢡٜ، نَا ࢡٜ جَنغُࢡٜ بٛو؞ ندٜنْ ࢡٜعَنْدِتِ ࢡٜطٛنّٛ نغٛنْدِ بٜى عِيسَى؞ عَمَّا وَلَا کٛ ࢡٜمبَاوِ وِعُغٛ نغَمْ ࢡٜنغِعِ غٛطّٛ بٛوسْطٛ غٛ طٛنْ دَرِ بٜى ݠِيٜرْ عٜ يُحَنَّ، عٛجَمٛ؞ نغَمْ مَاجُمْ ࢡٜنغُرْتِنِ ݠِيٜرْ عٜ يُحَنَّ دِغَ سُودُ دَوْرِيندٜ، ࢡٜشَرْوٛوتِرِ، ࢡٜمبِعِ‏: «کٛ مبَطٜتٜنْ يِمْࢡٜ ࢡٜعٜ؟ شَکَ يِمْࢡٜ عُرُسَلِيمَ ڢُو وَلَا مٛ عَنْدَا عَلَامَ کَيْطِنِيکَ کَ ࢡٜمبَطِ؞ عٜنْ مبَاوَتَا يٜدُّغٛ طُمْ؞ عَمَّا نغَمْ تَا حَالَ کَعَ ࢡٜسْدَ سَنغْکِتَاغٛ شَکَ عُمَّاتٛورٜ، سٜيْ مبَرّٜنْ ࢡٜ تَا ࢡٜمٜىٰتَ وٛلْوَنْغٛ کٛو مٛيْ بٜى عِنْدٜ ندٜعٜ؞» ندٜنْ ࢡٜعٜوْنِ ࢡٜ ڢَحِنْ؞ ࢡٜکَطِ ࢡٜ، ࢡٜمبِعِ تَا ࢡٜمٜىٰتَ وٛلْوَنْغٛ عٜ عٜکِّتِنْغٛ يِمْࢡٜ بٜى عِنْدٜ عِيسَى سَمْ؞
عَمَّا ݠِيٜرْ عٜ يُحَنَّ نجَابِ‏: «عٛنٛنْ بٜى کٛعٜ مٛنْ، تَعٜ حَالَ کَعَ؞ کٛ وٛوطِ يٜىٰسٛ اَللَّه‏: طٛوْتَنَاغٛ عٛنْ نَ مَلَّ طٛوْتَنَاغٛ اَللَّه؟ نغَمْ دٛولٜ مِنْ تٛکّٛ وٛلْوُغٛ کٛ مِنْ نغِعِ عٜ کٛ مِنْ نَنِ؞» دَوْرٛوࢡٜ مبَرِّ ࢡٜ ڢَحِنْ، ندٜنْ ࢡٜنجٛوڢِ ࢡٜ؞ ࢡٜتَوَايْ دَلِيلَ حِيتَاغٛ ࢡٜ، نغَمْ عُمَّاتٛورٜ ڢُو طٛنْ تٜدِّنَ اَللَّه نغَمْ کٛ لَاتِ؞ دُوࢡِ غٛطّٛ مٛ ࢡٜنجَمْطِتِنِ طُمْ بٜى کَايٜىٰڢِ، ࢡُرَنْ شَݠَّنْطٜ نَيِ؞

ندٜ ࢡٜنجٛوڢِ ݠِيٜرْ عٜ يُحَنَّ، ࢡٜلٛرِ ࢡٜ طِطٛ ڢُو حَا يِمْࢡٜ مَࢡّٜ؞ ࢡٜنغٜشِّ ࢡٜ کٛ مَوْࢡٜ لِمَنْعٜنْ عٜ ندٛتِّعٜنْ مبِعِ ࢡٜ ڢُو؞ ندٜ يِمْࢡٜ مَࢡّٜ نَنِ طُمْ، ࢡٜ ڢُو ࢡٜتٛوْنِ سَوْتُ، ࢡٜتٛرِ اَللَّه بٜى ࢡٜرْندٜ وٛورٜ، ࢡٜمبِعِ‏: «يَا جَوْمِرَاوٛ، عَنْ وٛنِ تَغْطٛ عَسَمَ عٜ لٜسْدِ عٜ بٜىٰلِ بٜى کٛ وٛنِ تٛنْ ڢُو‏! عَنْ وَطِ کَاکَ عَمِنْ دَاوُدَ، سُکَ مَاطَ، وٛلْوَ بٜى بَاوْطٜ رُوحُ شٜنِيطٛ، ندٜ عٛوِعِ‏:
کٛنِ عُمَّاتٛوجٜ عُمِّنْتَ حَالَ،
کٛنِ جَمَعَاجٜ نُڢٛتٛ نُمٛوجِ مٜىٰرٜىٰجِ؟
لَامِيࢡٜ دُنِيَارُ طٛنْ تَاسْکِ وَطُغٛ ڢِتِنَ،
عَرْدِيࢡٜ بٛو طٛنْ کَࢡَّ دَبَرٜ دٛوْ جَوْمِرَاوٛ
عٜ دٛوْ اَلْمَسِيحُ مُمْ؞
نغَمْ بَنَ نٛنْ حِرُدُسْ عٜ ݠٛنْتِيُسْ ݠِلَاتُ عٜ عُمَّاتٛوجٜ عٜ إِسْرَاءِيلَعٜنْ ࢡٜ ڢُو ࢡٜکَوْتِ ندٜرْ بٜرْنِوٛلْ نغٛعٛلْ دٛوْ عِيسَى، سُکَ مَاطَ شٜنِيطٛ، مٛ عَوَطِ طُمْ اَلْمَسِيحُ؞ ࢡٜمبَطِ کٛ عَتَاسْکِتِنِ بٜى بَاوْطٜ مَ عٜ مُويٛ مَ دِغَ ࢡٛويْمَ؞ جٛنْتَ، يَا جَوْمِرَاوٛ، نَنْ بَرِّيَ مَࢡّٜ‏! حٛکُّ مَشُّࢡٜ مَ بَاوْطٜ وٛلْوُغٛ بٛلّٜ مَاطَ بٜى دَرْتَارٜ تِمِّدِدْندٜ‏! وَنغِنْ بَاوْطٜ مَاطَ حَا ࢩَوْࢡٜ نجَمْطِتَ، وَطْ عَلَامَاجِ عٜ کَايٜىٰڢِيجِ بٜى عِنْدٜ عِيسَى، سُکَ مَاطَ شٜنِيطٛ‏!» ندٜ ࢡٜتِمِّنِ وَطْغٛ دٛعَ، نٛکُّورٜ حَا ࢡٜطٛنّٛ کَوْتِ دِمْبِ؞ ࢡٜ ڢُو ࢡٜکٜبِّنَامَ رُوحُ شٜنِيطٛ، ࢡٜنغَازِ وٛلْدٜ اَللَّه بٜى دَرْتَارٜ؞

جَمَعَارٜ نُطِّنْࢡٜ حَوْتِ ࢡٜرْندٜ وٛورٜ عٜ حَکِّيلٛ وٛوتٛ؞ وَلَا بِعْطٛ‏: «جَوْدِ عَمْ، مِنْ ڢٜىٰرٜ عَمْ جٜيِ»، عَمَّا ࢡٜکَوْتِ کٛ ࢡٜمَرِ ڢُو؞ بٜى بَاوْطٜ طُوطّٜ نٜلَاࢡٜ شٜىٰدِ عُمِّتِنٜىٰکِ جَوْمِرَاوٛ عِيسَى؞ اَللَّه بَرْکِطِنِ ࢡٜ ڢُو بٜى بَرْکَ طُوطْکَ؞ وَلَا تَلَکَاجٛ شَکَ مَࢡّٜ؞ مَرْࢡٜ غٜسٜ مَلَّ شُوطِ شٛورِّ طُمْ، نغَدِّ شٜىٰدٜ شٛغُّ مَنْ، نجٛعِّنِ حَا نٜلَاࢡٜ، کَمْࢡٜ ندٛکَّتَ شٜىٰدٜ مَنْ حَا کٛو مٛيْ ڢٛدّٜ حَاجٜ مُوطُمْ؞
وٛودِ غٛطّٛ لٜوِيجٛ بِعٜتٜىٰطٛ يُوسُڢُ، دَࢩَاطٛ حَا کِݠْرُسْ؞ نٜلَاࢡٜ شٛومِمٛ بَرْنَبَسْ، بَنَ وِعْغٛ شٜمْبِطِنٛووٛ-يِمْࢡٜ؞ کَنغْکٛ بٛو عٛسٛورِّ نغٜسَ مَاکٛ، عٛوَدِّ شٜىٰدٜ مَنْ حَا نٜلَاࢡٜ؞

ያዳምጡ کُوطٜ نٜلَابٜٔ 4