Bible translation: Lomwe © The Bible Society of Malawi, 2014 www.biblesociety-malawi.org/ Recording of Lomwe New Testament ℗ Hosanna, 2017

Elhomwe - 2014 MWI (NT) Non Drama

Elhomwe - 2014 MWI (NT) Drama

<div class="version vid3325 iso6393lon" data-vid="3325" data-iso6393="lon">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Niphwanaphwaniho na naamukhwelle ni aweeruza</div><div class="p"> 1Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa. 2Ahaalleella wi, &#8220;Mu etawoni emodda mwaakhalla muthu aweeruza millatu oyo ahimoova Mulluku naari opwatha dda muthu. 3Mwaakhallattho naamukhwelle mu etawoni yeeyo oyo aweesa wa aweeruzoolle amuvekaka wi, &#8216;Mukeeruzelle mullatwaaka wi okeetelle phaama ohiyana ni mudanaaka.&#8217; 4Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, &#8216;Naari nginamoova Mulluku apaalle opwatha dda athu, 5kineeromweeruzella mullatwaaye vawi naamukhwelloolla animakihoosa. Kaaheera ddiiddo aneerekowaave nave aneerokitopiha!&#8217; &#8221;</div><div class="p"> 6Nave Apwiya yaallota wi, &#8220;Ganizerani ddallotille aweeruza oohikhalla ni echilungamoolle. 7Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye. 8Kinimuulleellani wi, aneerewaakuva oweeruzella millatu ddiwa wi ddiweetelle phaama. Koma ethiyo mi Mwaana a Muthu kaahokollowaka kineerophwanya echikhulupililo va ellapo yavatthi?&#8221;</div><div class="s">Niphwanaphwaniho na Mufarisi ni ookhomiha musonkho</div><div class="p"> 9Yesu ahaalleella niphwanaphwaniho athu ayo yiikhulupilila weekhiiwa wi tti oolungama yaavevullaka athu attheene. 10Aallota wi, &#8220;Waakhalla athu eelli ayo yayiille o enyumba ya Mulluku wi yavekelle. Mmoddooyo aari Mufarisi,* mmoddooyo aari ookhomiha musonkho.</div><div class="p"> 11&#8220;Mufarisooyo ahiimella vayeekhaaye avekella#18.11 ahiimella&#8230;avekella: Ddoolemba ddimodda ddakhalle ddookhalla ni mawu awi ahiimella avekella m'murimani mwaye. wi, &#8216;Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla. 12Kinnahalla ocha* wiilli vamulunguni nave kinnavelleellattho yaneekhumi ya ddittheddene kiriimina.&#8217;</div><div class="p"> 13&#8220;Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, &#8216;Mulluku mukeerelle echifundo, miyaano muthu oochimwa!&#8217; &#8221;</div><div class="p"> 14 # 
 Mat 23.12; Luk 14.11 Yesu aallotave wi kinimuulleellani wi, &#8220;Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.&#8221;</div><div class="s">Yesu anaadalisa anamwani</div><div class="r">(Mat 19.13-15; Mrk 10.13-16)</div><div class="p"> 15Athu amodda yaawaana aniiwa wa Yesu wi iiyaatthi mattaaye va alliwaayo wi aadalise. Koma oohuddera vawoonani ddenndda yahaahumullulla athwaayo. 16Koma Yesu aawiithana anamwanaayo allota wa oohudderaayo wi, &#8220;Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla. 17Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.&#8221;</div><div class="s">Muthu eeyuuma</div><div class="r">(Mat 19.16-30; Mrk 10.17-31)</div><div class="p"> 18Muthu mmodda a attekweene a Ayuda* aamukoha Yesu wi, &#8220;Ahuddihi aphaama, keere tini wi kaakhelle okumi woohimalla?&#8221;</div><div class="p"> 19Yesu aamukoha wi, &#8220;Onakeera miyaano muthu aphaama kaambiiwa tini? Khaavo muthu ari aphaama koma Mullukuve. 20#Eks 20.14; Deu 5.18; Eks 20.13; Deu 5.17; Eks 20.15; Deu 5.19; Eks 20.16; Deu 5.20; Eks 20.12; Deu 5.16Onnadduwella malamulo a Mulluku awi, &#8216;Ohiraruwe, ohiiphe, ohiiye, ohivelleelle omboni wawoottha, waavaheke olemu attiittho ni amaayo.&#8217; &#8221;</div><div class="p"> 21Muthoolle ahaakhulla wi, &#8220;Waambeella kiri mwaana, kaawiiwellella malamulo mattheenaalla.&#8221;</div><div class="p"> 22Yesu iiwalleeye ddenndda aallota wa olliye wi, &#8220;Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.&#8221; 23Muthooyo iiwalleeye ddenndda aakhupanya wunchichi kaambiiwa aakhalla ni eyuuma yinchichi.</div><div class="p"> 24Yesu oonilleeye wi aakhupanya wunchichi aallota wi, &#8220;Tti wookatamiha wi athu eeyuuma yavollowe mu omwene wa Mulluku! 25Tti yavakhuviru wi ekamira* evire vamullakoni va singano ohiyana ni wi muthu eeyuuma avollowe mu omwene wa Mulluku.&#8221;</div><div class="p"> 26Vano awiiwaayo yaakoha wi, &#8220;Ttaani vano, anaawore ovulluwa?&#8221;</div><div class="p"> 27Yesu aawaakhulla wi, &#8220;Ddoohiworeya ni athu ddinaworeya ni Mulluku.&#8221; 28Vano Petro aallota wi, &#8220;Noohiya ddeko ddittheddene nuuthwarani nyuwaano.&#8221;</div><div class="p"> 29Yesu aallota wi, &#8220;Ddawoona, kinimuulleellani wi, muthu ahiyalle enyumbaaye apaalle mwaariye apaalle asinne apaalle makhollwaaye apaalle anaaye ekaamba ya omwene wa Mulluku, 30aneerewaakhella mallapo yaalla ddeko ddawaata navettho mallapo amuhoollo, okumi woohimalla.&#8221;</div><div class="s">Yesu anallota waneeraru dda okhwa waye</div><div class="r">(Mat 20.17-19; Mrk 10.32-34)</div><div class="p"> 31Yesu ahaakusella oohuddera khumi ni eelli vakhwipi allota wi, &#8220;Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko. 32Kineerovelleelliwa wa athu ayo ehiri Ayuda, eneerokeerella epewe, eneerokuukutha nave eneerokittaphera mare. 33Eneerokiwashulla nave eneerokiipha koma vavira mallapo mararu kineerovenya wa ookhwa.&#8221;</div><div class="p"> 34Oohudderaayo kheyaawiiwesesille ddeko ddenndda. Ottaphullella wa mawu yaalla waari woovittheya wa alliwa nave kheyaadduwenlle wi Yesu anallota dda tini.</div><div class="s">Yesu anamuchiriha muthu oohoona</div><div class="r">(Mat 20.29-34; Mrk 10.46-52)</div><div class="p"> 35Yesu aatamenlleeye o muzinda wa Yeriko, waakhalla muthu ooveka, oohoona oyo akeraatthille mukhwipi mwa musewu. 36Muthu oohoonooyo iiwalleeye wi mulloko wa athu waamavira ahaakoha wi, &#8220;Eneereya tti tini?&#8221;</div><div class="p"> 37Athwaalle yaamwaakhulla wi, &#8220;Yesu a o Nazareti animavira.&#8221;</div><div class="p"> 38Nave aakhuwa wi, &#8220;Nyu Yesu, edduullu ya Davide, mukeerelle echifundo!&#8221;</div><div class="p"> 39Athu yaari vahoollo yaamusimwella wi amaalle. Koma aakhuwa wi, &#8220;Yesu, Edduullu ya Davide, mukeerelle echifundo!&#8221;</div><div class="p"> 40Vano Yesu ahiimella aalamulella athu wi eweena muthu oohoonooyo wa olliye. Aphiyalleeye vakhuviru, Yesu aamukoha wi, 41&#8220;Onapaalla wi kiweerelle tini?&#8221;</div><div class="p">Ahaakhulla wi, &#8220;Apwiya kinapaalla wi kooneke.&#8221;</div><div class="p"> 42Yesu aallota wi, &#8220;Onaka! Echikhulupilwaawo yohuuchiriha.&#8221;</div><div class="p"> 43Enthawi yeeyo ahoona nave ahaamba omuthwara Yesu amutitimihaka Mulluku. Nave athu attheene yoonille ddenndda, yaamutitimihattho Mulluku.</div>
 </div>
 </div>
</div>

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa. Ahaalleella wi, “Mu etawoni emodda mwaakhalla muthu aweeruza millatu oyo ahimoova Mulluku naari opwatha dda muthu. Mwaakhallattho naamukhwelle mu etawoni yeeyo oyo aweesa wa aweeruzoolle amuvekaka wi, ‘Mukeeruzelle mullatwaaka wi okeetelle phaama ohiyana ni mudanaaka.’ Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, ‘Naari nginamoova Mulluku apaalle opwatha dda athu, kineeromweeruzella mullatwaaye vawi naamukhwelloolla animakihoosa. Kaaheera ddiiddo aneerekowaave nave aneerokitopiha!’ ”
Nave Apwiya yaallota wi, “Ganizerani ddallotille aweeruza oohikhalla ni echilungamoolle. Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye. Kinimuulleellani wi, aneerewaakuva oweeruzella millatu ddiwa wi ddiweetelle phaama. Koma ethiyo mi Mwaana a Muthu kaahokollowaka kineerophwanya echikhulupililo va ellapo yavatthi?”

Yesu ahaalleella niphwanaphwaniho athu ayo yiikhulupilila weekhiiwa wi tti oolungama yaavevullaka athu attheene. Aallota wi, “Waakhalla athu eelli ayo yayiille o enyumba ya Mulluku wi yavekelle. Mmoddooyo aari Mufarisi,* mmoddooyo aari ookhomiha musonkho.
“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla. Kinnahalla ocha* wiilli vamulunguni nave kinnavelleellattho yaneekhumi ya ddittheddene kiriimina.’
“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”
Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”


Athu amodda yaawaana aniiwa wa Yesu wi iiyaatthi mattaaye va alliwaayo wi aadalise. Koma oohuddera vawoonani ddenndda yahaahumullulla athwaayo. Koma Yesu aawiithana anamwanaayo allota wa oohudderaayo wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla. Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”


Muthu mmodda a attekweene a Ayuda* aamukoha Yesu wi, “Ahuddihi aphaama, keere tini wi kaakhelle okumi woohimalla?”
Yesu aamukoha wi, “Onakeera miyaano muthu aphaama kaambiiwa tini? Khaavo muthu ari aphaama koma Mullukuve. Onnadduwella malamulo a Mulluku awi, ‘Ohiraruwe, ohiiphe, ohiiye, ohivelleelle omboni wawoottha, waavaheke olemu attiittho ni amaayo.’ ”
Muthoolle ahaakhulla wi, “Waambeella kiri mwaana, kaawiiwellella malamulo mattheenaalla.”
Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.” Muthooyo iiwalleeye ddenndda aakhupanya wunchichi kaambiiwa aakhalla ni eyuuma yinchichi.
Yesu oonilleeye wi aakhupanya wunchichi aallota wi, “Tti wookatamiha wi athu eeyuuma yavollowe mu omwene wa Mulluku! Tti yavakhuviru wi ekamira* evire vamullakoni va singano ohiyana ni wi muthu eeyuuma avollowe mu omwene wa Mulluku.”
Vano awiiwaayo yaakoha wi, “Ttaani vano, anaawore ovulluwa?”
Yesu aawaakhulla wi, “Ddoohiworeya ni athu ddinaworeya ni Mulluku.” Vano Petro aallota wi, “Noohiya ddeko ddittheddene nuuthwarani nyuwaano.”
Yesu aallota wi, “Ddawoona, kinimuulleellani wi, muthu ahiyalle enyumbaaye apaalle mwaariye apaalle asinne apaalle makhollwaaye apaalle anaaye ekaamba ya omwene wa Mulluku, aneerewaakhella mallapo yaalla ddeko ddawaata navettho mallapo amuhoollo, okumi woohimalla.”


Yesu ahaakusella oohuddera khumi ni eelli vakhwipi allota wi, “Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko. Kineerovelleelliwa wa athu ayo ehiri Ayuda, eneerokeerella epewe, eneerokuukutha nave eneerokittaphera mare. Eneerokiwashulla nave eneerokiipha koma vavira mallapo mararu kineerovenya wa ookhwa.”
Oohudderaayo kheyaawiiwesesille ddeko ddenndda. Ottaphullella wa mawu yaalla waari woovittheya wa alliwa nave kheyaadduwenlle wi Yesu anallota dda tini.


Yesu aatamenlleeye o muzinda wa Yeriko, waakhalla muthu ooveka, oohoona oyo akeraatthille mukhwipi mwa musewu. Muthu oohoonooyo iiwalleeye wi mulloko wa athu waamavira ahaakoha wi, “Eneereya tti tini?”
Athwaalle yaamwaakhulla wi, “Yesu a o Nazareti animavira.”
Nave aakhuwa wi, “Nyu Yesu, edduullu ya Davide, mukeerelle echifundo!”
Athu yaari vahoollo yaamusimwella wi amaalle. Koma aakhuwa wi, “Yesu, Edduullu ya Davide, mukeerelle echifundo!”
Vano Yesu ahiimella aalamulella athu wi eweena muthu oohoonooyo wa olliye. Aphiyalleeye vakhuviru, Yesu aamukoha wi, “Onapaalla wi kiweerelle tini?”
Ahaakhulla wi, “Apwiya kinapaalla wi kooneke.”
Yesu aallota wi, “Onaka! Echikhulupilwaawo yohuuchiriha.”
Enthawi yeeyo ahoona nave ahaamba omuthwara Yesu amutitimihaka Mulluku. Nave athu attheene yoonille ddenndda, yaamutitimihattho Mulluku.

ያዳምጡ Luka 18