ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Ka sasa tsa Sulkum ta mnigiŋtá kahwathwata ya, dzaʼa snaghunam sna ta inda kahwathwata. Gwaɗa ma ghəŋa ni a dzaʼa klaʼata tsi ka mnay wa. Inda skwi dzaʼa snaŋta tsi, dzaʼa tsi mnay, ŋa mnaghunatani ta skwi dzaʼa slaku ta kəma.

Kulam gwatna haɗ sana skwi ta kəɗ ɗawaŋta kuni nda hga ɗa wa. Ɗawawa ɗawa dzaʼa mutsay kuni, kada ndəghafta ŋuɗufa ghuni da rfu, » kaʼa.

Kahwathwata na skwi ta mnaghunata yu na. Mal ma na laghu dzaʼa laghu yu na kata ta kaghuni. Ka laghu a yu wu, sata a tsa mndu dzaʼa kata kaghuni ya da kaghuni wa. Ka laghu la yu, dzaʼa ghunaga ghuna yu. Ka sasa tsi, dzaʼa mnana mna ta mnduha ta ghəŋa haɗik ta krughuva taŋ ta ghəŋa skwi ka dmaku nda ya ta ghəŋa skwi tɗukwa, nda ya ta ghəŋa skwi ka guma.

Mantsa ya ta ɓasa kaghuni ndanana guli. Tsaw ta dzaʼa guyaku amu, ŋa rfay ghuni ta rfu. Haɗ mndu dzaʼa laviŋtá klaghutá tsa rfu ya da kaghuni wa. « Ka sagha sa tsa fitik ya, haɗ kaghuni dzaʼa ɗawaŋta skwi nda ɗawa da iʼi wa. Kahwathwata ka yu ta mnaghunata, dzaʼa vlaghuna vla Da ta inda skwi. Dzaʼa kuni ɗawaŋta nda hga ɗa.

Kahwathwata ka yu ta mnaghunata, dzaʼa taway kuni ta taw, dzaʼa ŋaɗay kuni ta ghəŋ, ta rfu mnduha ta ghəŋa haɗik ta rfu. Dzaʼa gurɗaku ŋuɗufa ghuni, ŋa nutá tsa gurɗatá ŋuɗufa ghuni ya ka rfu.