ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Naa benaꞌ mitubus ilan maan, sinaak ni Isus dini Simon Pedro, “Uu Simon, bataꞌa ni Juan, petailen mau ba, labi pa di kepetail dinaan nu ngag duma mu kini?” “Waꞌa, Kaunutan,” simbag ni Pedro, “suunan mu puꞌ petailen ku yaꞌa.” Kaliꞌ pektaluꞌ si Isus, “Naa saꞌ maꞌantu, tagikul mu ki nga maaꞌ nu nati karniruu.” Sinaak puliꞌ ni Isus, “Simon, bataꞌa ni Juan, petailen mau ba?” “Waꞌa, Kaunutan,” simbagen puliꞌ, “suunan mu puꞌ petailen ku yaꞌa.” Kaliꞌ puliꞌ pektaluꞌ si Isus, “Naa, ingat mu su nga karniruu.” Ketelu deksuꞌen na sumaak si Isus, laungen, “Simon, bataꞌa ni Juan, petailen mau ba?” Sikna midengeg ni Simon Pedro su ketelunen sumaak, “Petailen mau ba?” milegenan dun. Laung ni Pedro, “Uu Kaunutan, misuunan mu sug launanen, kaas suunan mu puꞌ petailen ku yaꞌa!” Kaliꞌ pektaluꞌ si Isus diniin, “Tagikul mu daan su nga karniruu.

Mukaꞌ taman taluꞌu diniꞌa, su begu getawa pa, mimakesa, dayun pia adini mauyaꞌan mu gengayan mu, medituun ka dayun. Laak dagid saꞌ megulanga na, subay tenggalen muig baingken mu, adun mbaluda nug lain getaw, dayun ka egakay tu kanaꞌ mu mauyaꞌan gengayan.”

Kaliꞌ pektaluꞌ si Isus, “Dia niu ektakayig baling niu dapit lintu nu sekayan niu kia. Mekelaam amu dayun.” Iktak nilan tuꞌu sug baling, dayun ndaꞌ nilan megaga betunay puliꞌ, sabaꞌ kelaun sedaꞌ milaam nilan.

Mendadi laung ni Simon Pedro tu ngag dumanen, “Naan, menegutusu.” “Megdunut ami diniꞌa,” laung nu ngag dumanen. Luminulan ilan dayun di sekayan. Piglegendawan ilan dayun memaling, ndaꞌ ilan tanan mekelaam.