ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

As ver yn ymmodee feoh diu er coontey yn ennym aym’s: agh bee eshyn nee tannaghtyn firrinagh gys y jerrey er ny hauail.

Gow‐jee tastey, bee‐jee er nyn dwoaie as gow‐jee padjer: son cha nione diu cuin ta’n traa.

Agh tra ver ad lhieu shiu dy ve currit stiagh, ny smooinee‐jee ro‐laue cre nee shiu loayrt, chamoo bee‐jee imneagh cre dy ghra: agh cre‐erbee vees er ny choyrt diu ayns yn oor cheddin, shen loayr‐jee; son cha nee shiuish ta loayrt, agh y Spyrryd Noo.

Nee yn aer as yn ooir cherraghtyn: agh my ghoan’s cha jean cherraghtyn.

Agh jeh’n laa as yn oor shen, cha vel fys ec dooinney erbee, ny ec ny ainleyn t’ayns niau, ny ec y Mac, agh yn Ayr.

As tra chluinnys shiu jeh caggaghyn, as jeh imraaghyn dy chaggaghyn, ny bee‐jee seaghnit: son shegin da lheid y ve ayn, agh cha vel yn jerrey foast.

Bee‐jee shiuish er‐y‐fa shen er nyn arrey (son cha vel fys eu cuin hig mainshter y thie; ayns yn astyr, ny ec mean‐oie, ny ec gerrym y chellee, ny ayns y voghrey.) Er‐aggle dy jig eh doaltattym, as dy vow eh shiu nyn gadley. As ny ta mee dy ghra riuish, ta mee dy ghra rish ooilley, Bee‐jee er nyn arrey.

Son nee ashoon girree‐magh noi ashoon, as reeriaght noi reeriaght: as bee craaghyn‐thallooin ayns ymmodee ynnydyn, as gennaghyn as seaghyn: ad shoh toshaight trimshaghyn.

As shegin da’n sushtal ve hoshiaght er ny phreacheil mastey dy chooilley ashoon.

Son hig ymmodee ayns m’ennym’s, gra, Mish Creest: as nee ad ymmodee y volley.

Agh jeeagh‐jee shiuish diu hene: son livreyee ad shiu seose gys coonceilyn; as ayns ny quaiyllyn vees shiu er nyn mwoalley, as ver ad lhieu shiu kiongoyrt rish fir‐reill as reeaghyn er choontey aym’s, dy ve son feanishyn jeem’s.

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Agh ayns ny laaghyn cheddin, lurg y seaghyn shen, aasee yn ghrian dorraghey, as cha der yn eayst e soilshey: As tuittee ny rollageyn veih niau, as bee pooraghyn yn aer er nyn graa.