ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

yaka miooc, ku kabi bɛɛr ya miɔc we: ke ci them apiath, ku ke ci ciik, ku ke ci thit, ku ke nɔŋ atheu, yeneka bi buɔm ne weyoth. Ke yaka them yeneka bi bɛɛr ya them we.

Ran piath ee kapiath bɛi bei ne kapiɛth ke yepiɔu; ku ran rac ee karac bɛi bei ne kakeek rɛc ke yepiɔu: thok ee jam ne ke ci raan thiɔŋ piɔu.

Yaka kɔc nɔŋ ater kene week nhiar, ku yaka ke loi apiath, ku yaka kɔc yuɛt, ku duɔka dhukden ber ya ŋɔɔth; ku riopduɔn abi dit, ku we bi ya mith ke Nhialinydit: ne ke yen piɔu kac enɔŋ kɔc cie leec ku yiki kɔc rac.

Yaka naŋ kac de piɔu, ci man tɔne kac de piɔu kene wuɔrduɔn.

Ku duɔka ye luk, ku we ci bi ya luk: duɔka kɔc ye luɔkwei, ku we ci bi ya luɔkwei: yaka kɔc lony, ku we bi ya lony

Ku we yɔɔkke, we kɔc ye piiŋ, Ya yaka kɔc nɔŋ ater kene we nhiar, ku yaka kɔc ye we maan luɔi piath, yaka ke thiei kek kɔc ye we cien, ku yaka lɔŋ ne keek kek kɔc ye we yɔŋ arac.

Ku ke karka bi ya luɔi we ne kɔc, ke yaka luɔi ke eya.

Ran ye yi maŋ gem, ke ye bɛɛr wɛl kene eya; ku ran jɔt alanhdun de yikɔu, ke duk pen alanhdiitdun de yikɔu eya. Ye kɔc miɔc kek kɔc ye yi ŋal; ku duɔne ran ci kaku loom bɛɛr kɔɔny.

Acin tim piɛth ye luɔk ne luɔk rac, ku yene ye cɔɔk de tim rac aci luɔk piath ye leu.

Time aye nyic ne luɔkde. Kɔc aaci ŋaap ye lɔ nyueth ne kuɔth yic, ka ye luta lɔ nyueth ne burɔthic.