ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Hmâo mơ̆ tơlơi hơgĕt tơnap đơi kơ Yêhôwa? Djơ̆ mông hmâo pơkă laih, thŭn pơ anăp Kâo či wơ̆t glaĭ pơ ih, laih anŭn HʼSara či hmâo sa čô ană đah rơkơi.”

Yua kơ anŭn, HʼSara klao hơjăn laih anŭn laĭ amăng lăm pran jua: “Tha kar hăng kâo anai laih hyư̆m dưi hmâo tơlơi mơak anŭn dơ̆ng? Hloh kơ anŭn dơ̆ng, khua kâo ăt tha laih mơ̆n!”

Sĭt yơh Abraham či jing sa kơnŭng djuai prŏng laih anŭn kơtang; abih bang kơnŭng djuai mơnuih amăng lŏn tơnah či hmâo tơlơi mơyun hiam yua mơ̆ng ñu.

Abraham rai jĕ laih anŭn laĭ: “Ih či pơrai wơ̆t ƀing mơnuih tơpă hơnơ̆ng hăng ƀing mơnuih soh sat mơ̆? Tơdah hmâo rơma pluh čô mơnuih tơpă amăng plei anŭn, Ih ăt či pơrai abih mơ̆n hă? Hyư̆m ngă Ih ƀu dưi pap brơi kơ plei anŭn yua kơ rơma pluh čô mơnuih tơpă anai ôh hă?

Yêhôwa laĭ: “Tơdah Kâo hơduah ƀuh amăng Sôđôm rơma pluh čô mơnuih tơpă, yua mơ̆ng ƀing anŭn Kâo či pap brơi abih bang mơnuih amăng plei.”