ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kâo jing phŭn boh kơƀâu, ƀing gih jing than. Hlơi pô dŏ amăng Kâo nanao, Kâo dŏ amăng ñu, ñu anŭn či mơboh lu. Yua kơ gah rơngiao kơ Kâo ƀing gih ƀu dưi ngă hơgĕt gĕt ôh.

Dŏ nanao amăng Kâo bĕ, Kâo či dŏ amăng ƀing gih. Kar hăng than boh kơƀâu ƀu dưi mơboh mă ñu pô ôh, tơdah ñu ƀu dŏ klep hăng phŭn ñu, kar kaĭ mơ̆n, ƀing gih ƀu dưi mơboh ôh tơdah ƀing gih ƀu dŏ nanao amăng Kâo.

Tơdah ƀing gih dŏ nanao amăng kâo laih anŭn tơlơi kâo pơhiăp dŏ amăng ƀing gih, rơkâo bĕ hơgĕt tơlơi ƀing gih kiăng, ƀing gih či hmâo ñu yơh.

Ƀu djơ̆ ƀing gih ôh hmâo ruah mă Kâo, samơ̆ Kâo hmâo ruah mă ƀing gih hăng jao bruă kiăng kơ ƀing gih nao laih anŭn mơboh, laih anŭn brơi boh ƀing gih ăt dŏ nanao; kiăng kơ hơgĕt tơlơi ƀing gih rơkâo mơ̆ng Ama amăng anăn Kâo, Ñu či pha brơi tơlơi anŭn kơ ƀing gih yơh.

Ƀu hmâo ôh tơlơi khăp pă prŏng hloh kơ tơlơi khăp tơl ñu pơsăn lui tơlơi hơdip ñu pô yua kơ gơyut ñu.

Rĭm than amăng Kâo ƀu mơboh, Ñu trơĭ lui hĭ, laih anŭn rĭm than mơboh, Ñu trơĭ pơkra hĭ kiăng kơ gơ̆ dưi mơboh lu hloh dơ̆ng.

Anai jing tơlơi Kâo pơtă: Brơi ƀing gih khăp bĕ kơ tơdruă ƀing gih kar hăng Kâo hmâo khăp laih kơ ƀing gih.

Ama Kâo hmâo tơlơi pơ-ư ang yua kơ gih mơboh lu, laih anŭn ƀing gih jing ding kơna Kâo.

“Kâo jing phŭn boh kơƀâu sĭt, Ama Kâo jing pô pla.

Tơdah hlơi pô ƀu dŏ nanao amăng Kâo, arăng glŏm lui hĭ ñu pơ rơngiao kar hăng than boh kơƀâu laih anŭn ñu kro, arăng duñ pơƀŭt than anŭn hăng glŏm hĭ amăng apui brơi apui ƀơ̆ng abih.

Kâo laĭ abih tơlơi anŭn kơ ƀing gih, kiăng kơ tơlơi mơak Kâo dŏ hĭ amăng ƀing gih, laih anŭn tơlơi mơak ƀing gih dưi jing klă tum.

Tơdah ƀing gih gưt tui tơlơi Kâo pơtă, ƀing gih či dŏ amăng tơlơi Kâo khăp. Kar hăng Kâo hmâo gưt tui laih tơlơi Ama Kâo pơtă, laih anŭn Kâo dŏ nanao amăng tơlơi Ñu khăp.

Anai tơlơi Kâo pơtă kơ ƀing gih: brơi ƀing gih khăp bĕ kơ tơdruă ƀing gih.”

Tơdah ƀing gih lơ̆m kơ lŏn tơnah, lŏn tơnah či khăp kơ ƀing lơ̆m kơ ñu. Samơ̆ yua kơ ƀing gih ƀu lơ̆m kơ lŏn tơnah ôh, Kâo hmâo ruah laih ƀing gih mơ̆ng lŏn tơnah, yua kơ anŭn yơh lŏn tơnah bơrơmŭt kơ ƀing gih.