ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Yêsu laĭ kơ gơ̆: “Tơgŭ nao bĕ, tơlơi đaŏ ih hmâo pơklaih ih laih.”

Laih anŭn tơdah ñu ngă soh hăng ih tơjuh wơ̆t amăng sa hrơi, laih anŭn tơjuh wơ̆t mơ̆n ñu rai laĭ hăng ih: ‘Kâo kơhmal tơlơi soh kâo,’ brơi ih khŏm pap brơi kơ ñu.”

Sa čô amăng ƀing gơñu, ƀuh ñu hlao laih, ñu wơ̆t glaĭ pơpŭ bơni hơơč kơ Ơi Adai hăng săp kraih kơtang. Gơ̆ bon kŭp ƀơi tơkai Yêsu, laih anŭn bơni hơơč kơ Ñu. Pô anŭn jing sa čô mơnuih Samari.

Brơi ƀing gih thâo răng bĕ. Tơdah adơi ayŏng ih ngă soh, ƀuah ñu bĕ; laih anŭn tơdah gơñu kơhmal tơlơi soh gơñu, pap brơi gơñu bĕ.

Tui anŭn Yêsu laĭ: “Ƀu djơ̆ ôh hă pluh čô hmâo tơlơi rơgoh? Pơpă dua rơpăn čô anŭn lĕ?

Khua Yang laĭ: “Tơdah ƀing gih hmâo tơlơi đaŏ đơr sa asar pơjeh añăm bơi, ƀing gih dưi laĭ kơ phŭn kơyâo sikamôr anai: ‘Tơbuč bĕ ih laih anŭn nao čăt amăng ia rơsĭ,’ laih anŭn ñu či gưt kơ ƀing gih mơ̆n.”

Hlơi pô hơduah jơlan kiăng pơklaih tơlơi hơdip ñu, ñu či rơngiă hĭ gơ̆; samơ̆ hlơi pô rơngiă tơlơi hơdip ñu, ñu či hmâo glaĭ gơ̆.

Yêsu laĭ kơ ƀing ding kơna Ñu: “Tơlơi pơteč tơhnač khŏm truh sĭt, samơ̆ răm ƀăm yơh kơ hlơi pô ngă tơlơi teč tơhnač anŭn! Hiam hloh akă ƀơi tơkuai pô anŭn sa boh rơsŭng boh pơtâo laih anŭn glŏm hĭ ñu amăng ia rơsĭ, hloh kơ lui ñu ngă brơi sa čô amăng ƀing anĕt anai ngă soh.

Amăng rơnŭk Nôê hyư̆m pă, amăng hrơi Ană Mơnuih ăt kar kaĭ mơ̆n. Arăng ƀơ̆ng mơñum, pơdŏ rơkơi bơnai, gơñu brơi ană bă pơdŏ rơkơi bơnai, tơl truh hrơi Nôê mŭt amăng kompăn, laih anŭn ia lip truh pơrai hĭ gơñu.