ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Yêsu iâu laĭ: “Ơ Ama, pap brơi kơ gơñu, yua kơ gơñu ƀu thâo ôh hơgĕt tơlơi gơñu ngă.” Laih anŭn gơñu pơpha ao phyung Yêsu hăng tơlơi mă črăm.

Yêsu laĭ glaĭ: “Sĭt biă mă Kâo laĭ kơ ih, hrơi anai ih či dŏ hrŏm hăng Kâo amăng Parađi.”

Laih anŭn gơ̆ laĭ: “Ơ Yêsu, rơkâo kơ Ih hơdơr kơ kâo tơ Ih rai amăng dêh čar pơtao Ih.”

Hlăk anŭn Yêsu ur kraih kơtang, laĭ: “Ơ Ama, Kâo jao bơngăt Kâo amăng tơngan Ih!” Laih pơhiăp giơ̆ng Ñu tơĭ pran.

Tơ gơñu truh pơ anih arăng pơanăn anih Klang Akŏ, pơ anŭn gơñu pơ̆ng Yêsu ƀơi kơyâo bơrơkal, wơ̆t ƀing soh prŏng anŭn, sa čô gah hơnuă, sa čô gah iao.

Hlăk anŭn kơplah yang hrơi dơ̆ng, abih bang tring hmâo tơlơi kơnăm mơmŏt tơl truh klâo mông klam. Tơdang yang hrơi jing kơnăm mơmŏt, khăn păng amăng sang kơkuh pơpŭ tơhek hĭ tơ̆ng krah jing dua.

Tơ khua tơhan ƀuh tơlơi hmâo truh laih, ñu pơpŭ bơni hơơč kơ Ơi Adai hăng laĭ: “Sĭt biă mă pô anai jing mơnuih tơpă!”