ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Sɔnɔ be nya so má fitana su na i fa gaŋga butu su, ama, i fa taka deke su aŋgoro wɔ na i ta wein ma awuru n nu­fɔm kɛrɛ. Nyini ti, am ma am wein ta durunya n nu, na sɔnɔ kɛrɛ ŋu am sakpa yoo­wa, adena bu kansi am Si Nyɛmɛ bo i wo aŋgoro ni.”

Ambɛrɛ ti wein bo i ta ma durunya n nu­fɔm a. Miɛ kɛrɛ bo i wo kpɛrɛ su, sɔnɔ kɛrɛ ŋu i wɔ.

Bɛrɛ bo bu ahore­mbaa ti casi ni, tere­fiɛ wo bu dɔ, dama bɛrɛ bá ŋu Nyɛmɛ a.

Bɛrɛ bo bu nyunu aboro ka bu yo sa bo i kɔ atin su kabo sɔnɔ la konviki fa kɔ diire ni nzue busu ni, tere­fiɛ wo bu dɔ, dama Nyɛmɛ bá ma bu akunnuyi a.

Ama, mini, m suse am wɔ lɛɛ, ka, am koro am kpɔ­fɔm, na am sere Nyɛmɛ ma bo bu kere am wuwuruwa ni

“Bɛrɛ bo bu ti yaari­fɔm bu ahore su ni, tere­fiɛ wo bu dɔ, dama Nyɛmɛ fɛmɛya n ti bu dɛɛ wɔ.

Bɛrɛ bo bu kpata aluwa ni, tere­fiɛ wo bu dɔ, dama Nyɛmɛ bá fere bu ka i nbaam a.

Bɛrɛ bo bu ahore asaaki ni, tere­fiɛ wo bu dɔ, dama Nyɛmɛ dá bu ahore a.

Bɛrɛ bo bu yo sa bo i kɔ atin su n dɛɛ ti na minɛm kere bu wuwuruwa ni, tere­fiɛ wo bu dɔ, dama Nyɛmɛ fɛmɛya n ti bɛrɛ dɛɛ a.”

Bɛrɛ bo bu si aŋunfɔ ni, tere­fiɛ wo bu dɔ, dama Nyɛmɛ bá si bu aŋunfɔ a.

Na Yesu akaaki ase ka, “Ambɛrɛ bo minɛm bá kpiɛ am nzukɔ, na bu kére am wuwuruwa, na bu bú kɔrɛ barasu kɛrɛ sɔ am, na i kɛrɛ fite ka am ti m dɛɛm dɛɛ ti, tere­fiɛ wo am dɔ. Bu bá yo am sɔ, am ma am ahore jɔ agaya, dama am nyá ŋkatɔ bambaka Nyɛmɛ dɔ. I fite ka, kabo bu yo kereeri dawa dɛɛ Nyɛmɛ nɔaniɛ kan­fɔm n wuwuruwa n lɛɛ.”

Bɛrɛ bo bu yo bu ŋu kaan ma Nyɛmɛ ni, tere­fiɛ wo bu dɔ, dama Nyɛmɛ bá fa durunya n ma bɛrɛ wɔ.

Na Yesu ase ka, “Ambɛrɛ, m susu­fɔm ni, am ti ka njin wo durunya n nu a. Ama, nzɛn njin fiɛfiɛ nya ba saari wieeri, i koro yo má i fiɛfiɛ kun. Nyini saŋga ni, wɔ ka ŋgbɛɛn lɛɛ, ŋka bu fá butu wɔ, na minɛm tiɛntiɛn saŋga i ni fa.

Tɔ, am ma am woo­wa n ti kpa bo i la má aŋusu, kabo am Si Nyɛmɛ bo i wo aŋgoro n dɛɛ woo­wa n ti kpa bo i la má aŋusu ni.”

Am ma am nɔaniɛ kɛrɛ yo tika. Nzɛn i ti ‘Ɛɛn,’ am se ka, ‘Ɛɛn.’ Nzɛn i ti ‘Ai’ gusu a, am se ka, ‘Ai.’ Sin nyini sin, nɔaniɛ kɛrɛ bo i buka su n fite Sitana dɔ ɔ.”

Na Yesu akaaki ase ka, “Am ati ka ba se ka, ‘Nzɛn sɔnɔ yi u nyu­mbaa, wɔrɔ gusu yi i mi dɛɛ, na nzɛn i bo tuuri u jee, wɔrɔ gusu tu i mi dɛɛ.’ Ama, mini, m suse am wɔ lɛɛ, ka, nzɛn sɔnɔ yoori u satiɛ, má a wɔrɔ satiɛ ma i mi. Haari nzɛn be fiinri u nyɔɔnu, kaaki bue nyiŋga n gusu ma i na i fin buka su.

Nzɛn u nyu­mbaa n kun cin u wuraari satiɛ nu, lokoti yi i tu. I ti ye ni ka a fun u ŋuniɛ­mbaa n bue kun, ni bo a fa u ŋuniɛ­mbaa n kɛrɛ wura cɛɛma sin nu. Nzɛn u saa fɔmbɔrɔ cin u wuraari satiɛ nu, kaba kpiɛ i tu. I ti ye ni ka a fun u ŋuniɛ­mbaa n bue kun, ni bo a fa u ŋuniɛ­mbaa n kɛrɛ wura cɛɛma sin nu.”