ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Suɑ mun k jokt fitl ŋɑɑn jikt bokt k cibnt l pɑɑk. Sie k u jii’l k tuɑn bonsiɑl nbɑ fɔk nɑ pɑɑk, k lin tul ŋɑɑk niib kul ɑ yentu. Yinm mun, ii be nnɑ. Ŋɑɑnt k i yentu n yent tul nifosɑɑli, ɑ bii lɑɑt i tuonŋɑnɑ kii dont i Bɑɑ nbɑ be Yendɔunŋ ni nɑ.»

«Yinm e tie tingbounŋ nɑ yentu. Duo nbɑ k b mɑɑ k senn kunkonn pɑɑk, l kɑn fit bɔl.

Bin nbɑ yɑɑ pɑlɑ ni yien, pɑlpienn tie b yɑl e, k mɑɑn ŋɑnm e sɑɑ lɑ Yennu.

Bin nbɑ yɑɑ ninbinɑ mɔn ɑ bii be binbenŋ nbɑ gbuot Yennu nunm nɑ ni pɑlpienn tie b yɑl e, k mɑɑn Yennu sɑɑ gbuo’m ɑ.

ŋɑɑn min ŋɑnin yien’i e, nɑn ii luon i dɑtɑi mɑn, kii mei Yennu kii tien niib nbɑ muks’i nɑ.

«Bin nbɑ mi b mɔnŋ nɑn b nɑmi, pɑlpienn tie b yɑl e, k mɑɑn Yennu nɑɑn tie b yɑl e.

Bin nbɑ tie sɑndɑntinnɑ nɑn kunkɔnpɑt-tieb, pɑlpienn tie b yɑl e, k mɑɑn ŋɑnm e k Yennu sɑɑ yii’m u wɑɑs.

Bin nbɑ mɔ k fɑbn, pɑlpienn tie b yɑl e, k mɑɑn Yennu sɑɑ mɑɑn b pɑlɑ wɑɑ.

Bin nbɑ k b muks’b bɑɑ tuun Yennu lonm nɑ pɑɑk, pɑlpienn tie b yɑl e, k mɑɑn Yennu nɑɑn tie b yɑl e.»

Bin nbɑ tiin b lieb ninbɑɑɔk nɑ, pɑlpienn tie b yɑl e, k mɑɑn ŋɑnm e k Yennu mun biɑ sɑɑ tin’m ninbɑɑɔk.

«Niib i suki’i k muks’i, k fɑ fɑɑk buoli buoli kul k biil’i, k mɑɑn yɑɑ tie n puolpoweitieb nɑ pɑɑk, pɑlpienn tie i yɑl e. Ii mɔk pɑlpienn mɑn bonciɑnn, k i pɑlɑ ii mɑn, k mɑɑn i nyuɑt tɑn sii yɑb *Yendɔunŋ ni. Nnɑ e k b ponŋ din muks *Yennu sɔkniinbɑ nbɑ din be yɑɑyuo ni nɑ.»

Bin nbɑ sikn b mɔnŋ, pɑlpienn tie b yɑl e, k mɑɑn ŋɑnm e tɑn sii yen tingbounŋ nɑ.

«I tie nɑn yɑɑln nɑ e tingbounŋ nɑ ni. Yɑɑln i tɑnŋ i biil k ji k mɑn, nlee k b biɑ sɑɑ fit mɑnŋ’ɔ ɑ? L ji kɑɑ nyuɑt. Sie k b kpɑɑl k yɑl nɑn-yel po k niib sonm l pɑɑk.

L pɑɑk, ii tuun bonŋɑnɑ kii tien niib kul nɑn i Bɑɑ nbɑ be sɑnpɑɑpo k tuun k tien niib kul nɑ.»

ŋɑɑn ŋɑɑnt mɑn k i jiinu i tie ‹Nnn,› ɑmi ‹Aɑi,› k mɑɑn l i tie k i pɑk siɑl k pukn lin nbɑ nɑ pɑɑk, l ji nyii Biit dɑɑnɔ mɑnŋ buol e.»

«I ponŋ biɑ gbiɑ k b din yien ɑ: ‹Suɑ i kpɑkl ɑ ninbinn, fɑn mun kpɑkl u yɑl k jiin pɑnn. Suɑ i fɑɑ’ɑ k fokt ɑ nyɑnn, fɑn mun fɑɑ’u k fokt u yɑl k jiin pɑnn,› ŋɑɑn min ŋɑnin yien’i e nɑn, i dɑɑ jiint lieb pɑnɑ. Suɑ i peb’ɑ tɑnpɑk ɑ niidiitu po kpiɑnu, fɑn ŋmɑnt ɑ gɑnŋ po mun k wun peb.

L i tie k ɑ diitu po ninbinn i e te k ɑ tuun biit, fɑn kpɑkl’ɔ k lu’u bɑnfɔkl ɑ, k mɑɑn l i tie k ɑ kɔnŋ siɑl buol gbɑnɑnt, l cie nɑn k Yennu n tɑn kuɑn ɑ gbɑnɑnt kul muu nbɑ kɑn mi kpien nɑ ni. L i tie k ɑ niidiitu e te k ɑ tuun biit, fɑn pot’ɔ k lu’u bɑnfɔkl ɑ, k mɑɑn l i tie k ɑ kɔnŋ ɑ nuuyenŋ kuɑ, l cie nɑn k ɑ gbɑnɑnt kul n tɑn kuɑ muu mɑnŋ ni.»