ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Khititix jakañapar munki ukax apt'asiniwa; khititix akapachan jakañapar jan yäqki ukasti, wiñay jakañatakiw uk imasini.

Qhanak sapxsma, mä trigo achutix uraqin jan jiwkaspaxa, mä sapa achukïskaspawa; ukampis jiwchi ukasti, walja achu churani.

Nayax qhanätwa, ukat akapachar qhantir jutta. Khititix nayar iyawskitani ukax janiw ch'amakan sarnaqkaniti.

Ukampis khititix arunakax ist'i, ukat ukarjam jan phuqki ukarux janiw nayax juchañchkti; janiw nayax akapachar juchañchir jutkti, jan ukasti qhispiyiriw jutta.

María kullakapasti, nardo quqat apsut chikat litro q'apkir qulla apanïna, uka qullasti wali jila alanïnwa, ukampiw Jesusan kayupar warxatäna, ukatsti ñik'utapampiw phiskhurarakïna. Uka q'apkir qullasti utpacharuw q'aphipampix phuqhantäna.

Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.

Jesusasti jupanakarux sänwa: —Jaqin Yuqapan jach'añchatäñap urux purinxiwa.