Náa, a pəŋi, kíʼkóodi lɛ́ kíɛn náan, ndóo. Kíɛn agá lɛ́ nyɔ́ alɛɛ́ anyɔ́ŋɛn kɛɛn kɛgóʼkóón, yáyáánɛ inə́mbí ɛ́ pɔsɔ́g. Nyɔ́ aányɔ́ŋɛn kɛɛn oʼtɛ́lɛm yuudi a ondáŋ wááŋan, yɛ́ɛn wɔnɔ́ kɛɔ́lɛ́ kɛáŋan. Taa, náan tɛn aa kɛ́lɛɛ́ lɛ́ mɛ Mɔɔ́n o mɔɔd ntiʼkə́əgiim a nsí yɛ́ɛnɛ lɛ́ ná pɔɔd aa pɛ́ɛnɛɛ́ munə́mbí móam, ndóo. Njíím lɛ́ ná mɛ áa nyɛ́ɛnɛɛ́ inə́mbí yɔ́ɔ́bɔn, ndɛ nyɛɛ́ʼkɛn ɔlaa wáam agɛɛlɛ lɛ́ nyááŋɛn ɛ́fɔlɛ́ ɛ́ pɔɔd.»