ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Ji anato tepsu kwe anggur ke, nin anato tepsu i-guk ne. Ye gato ut krat mo Ji tepsu dik, ete Ji waii ut krat mo ye ne yo, bere ye ne ben suk mwa gato ndo tepsu kweguk be. Nin wadigan kem dor kadit Ji yo, bere nin yo nggiwa ben suk yo mo nde.

Nin ut krat mo Ji, sane bere Ji dom ut krat mo nin re. Kweguk sombok kadit i-muk ete kweguk ne ti dor yo, bere i-bo mo nde. Sane dom, nin yo ut krat mo Ji nde yo, bere nin yo nggiwa ben suk gato ndo mo nde.

Nin ut krat mo Ji tepsu dik, ete Ji bi sukdu dom kem pe mo nin mit yo, suk to nin iwa nin ndek mo Ji bi Ai, bere An syo nai nin sor.

Nin anato bes Ji gum Yekwesu wa nin nde, wo Ji anato bes nin gum pakon wa Ji. Ji bes nin, orete Ji syogat nin mu ben suk mwa gato ndo, tepsu kwebo bor mo kweguk. Ji syogat nin ben sukndo gato tepsu kwebo gato bere yo ibit nde, wo bo gato kem pe sor. Nin ben sukndo gato kem pe, sane bere suk to nin ndek mo Ji bi Ai, ete nin ki Ji gum mó yo, bere Ji bi Ai syo nai nin re.

Ye gato bi sukjimnut sye kas subot an bi yesyim sisu ndo wai anato ye gato bi an nggwa kwop wa bi yesyim ne.

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Ji bi sukduno-i anare: Nin bi sukjimnut sye kas subot yu tepsu Ji bi sukjimnut sye kas subot nin et.

Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

Yefun Yesus ki do, ”Ji dakai anato tepsu kwe anggur gato sangge. Ji bi Ai anato mewa nggwe anggur ne.

Ye to yo ut krat mo Ji tepsu dik nde yo, ye ne tepsu kweguk gato yé tot, ete yé am wé. Bere kweguk ne gu, ete yé sum wa yé gre mo bot wé.

Ji ki sukdu mwa ne nai nin jam sino subere nin mit iwa, tepsu Ji mit iwa ne. Bere nin mit iwa wai o re, kwa yo gwet mo nde.

Nin benbot Ji bi sukduno-i yo, bere Ji bi sukjimnut sye kas subot nin mone petok sor. Sane dom, Ji benbot Ji bi Ai bi sukduno-i, sane An bi sukjimnut sye kas subot Ji mone petok sor.

Ji bi sukduno-i anare: Nin bi sukjimnut sye kas subot yu et.”

Nin si yetu mo bur ré bi sukjimnut-i tepsu dik yo, bere yé jimnotku nin, we nin bi sukjimnut-i tepsu yetu ne. Sarewo Ji nai nin kadit yetu bi de-i sok mo Ji bi de-i, sane nin bi sukjimnut-i si yetu bi sukjimnut-i yo tepsu dik o nde, sane anato yé mo bur ré bariket nin.