ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Pemee ainta supe arama kuaita amuita asui kuri aintaumee penye arama aintaumediri penye arama puranga santa teresemu usasawa xinga, yawete yuiri kuri aintauxari penye arama muiri ainta.

Kua apigawa purangawaa uyuka purangawaa ipia purangawaa sui, asui kua apigawa puxuwerawa uyuka puxuwerawa ipia puxuwerawa sui, nyãse peyuru umusemu kua umuteresemuwaa pepia.

Ape pegustari kuaita peruanyanaita, pemunya puranga pepuru ainta supe pemaa tepesaru sikuyara pepuruwaa aintaurasu, ape kuri turusu periku kuri purangawaa, ape kuri tairaita penye kua kirimbawa piriwaa, nyãse umunya ainta supe puranga kuaita tiwaita umee purangawaa ixupe kuaita yuiri puxuwerawaita.

Pirasuawaa pemaa amuita kuaye pirasuawaa yawe umaa penye kua pepaya.

Tepembeu amuita resewara tiarama kuri aintaumbeu peresewara, tepekundenari amuita tiarama kuri aintaukundenari penye, peperduari peirumu ainta aintauperduari arama kuri aintairumu penye.

Maa hambeu penye arama penye pesenduwaita ixe arama, pegustari kuaita peruanyanaita, pemunya puranga ainta supe kuaita umaawaita puxi penye arama. Pembeu puranga aintarese kuaita umbeuwaita puxi perese, pepurandu Deus irumu aintarese kuaita ugananiwaita perese.

Kuaye peputariwaa yawe apigawaita umunya penye arama yawete yuiri pemunya ainta supe.

Kua usuapetekawaa inde neratipi rese rexari unupa suaxara sui yuiri, kua uputariwaa uyuka nesui nepupekawa rexari yuiri ixupe nekamixa. Rexari ainta supe kuaita upuranduwaita neirumu, asui kua urasuwaa nesui nemaa terepurandu umuyuiri arama inde arama ae

Tiyamaa mirá purangawaa uxariwaa iya puxuwerawa, tiyuiri yamaa mirá puxuwerawa uxariwaa iya purangawaa.

Nyãse aintaiya irumu yakunyeseri kuaita mirá. Tiyayuka figu mirá sui kua urikuwaa yuu, tiyuiri yayuka uva kukuna sui.