ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Mame aintauyumuatiri serera rese u mukuĩ u musapiri haiku kuri aintapiterupi.

Asui hambeu yuiri penye: —Sepaya iwaka kiti umunya kuri ainta supe kuaye aintauputariwaa yawe kuaita mukuĩwaita pesuiwara kua mundu upe yepewasu rame aintaumanduariwaa sese kua aintaupuranduwaa irumu.

Asui Jesus usenui ipiri yepe taina kuairawaa uxari upuamu aintapiterupi aintaumaa arama panye. Asui umbeu: —Supiwa hambeu penye arama, tirame petrukari pemanduarisawa tirame pemanduari taina yawe tikuri pewike iwaka ruixawa imiraita irumu.

Maa awa uyumukuaira umanduarisawa iyawe kua taina aete puranga piri aintasui panye kuaita iwaka ruixawa imiraita.

Awa usuanti yepe taina iyawe kua serera rese usuanti yuiri kuri ixe.

Supiwa hambeu penye: —Muiri kuaita pepukuariwaita kua mundu upe upukuari yuiri kuri ainta iwaka kiti. Asui muiri kuaita peyurawawaita kua mundu upe uyurawa kuri yuiri ainta iwaka kiti.

Yawete yuiri kuri umunya penye arama kua sepaya iwaka kitiwara tirame peperduari peirumu peimuita pepia sui.

Awa uxariwaa aintaumunya puxi kuaita ipuiwaita uxariwaita ipia serese purangate maa yapukuari iayura upe ita ipusewaa yamburi arama ae parana kiti tiipiwaa upe.

Maitaa pemanduari sese kua apigawa urikuwaa sem uvelya, uyusupari rame aintasuiwara yepe uvelya, maitaa tiuxari kuaita nuventa nuvi uvelya usu arama iwitera kiti usikari arama kua uyusupariwaa?