ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ra nta̱a̱ köníkuvi kuxi‑Ña̱ xíꞌin‑na̱ xa̱ꞌá ña̱ kua̱ꞌá nti̱va̱ꞌa na̱ yuví xíka nuu, na̱ va̱xi, ra na̱ kua̱ꞌa̱n, ña̱ ikán ka̱chi‑Ña̱ saá xíꞌin‑na̱: ―Naꞌa‑ntó ná ku̱ꞌu̱n mií kuití‑yó iinka xiyo nu̱ú kuvi ntakiꞌin nteé‑yó.

Ña̱ ikán ka̱chi‑Ña̱ saá xíꞌin‑na̱: ―Iin tia̱a ra̱ sáya̱ꞌa tu̱ꞌun káꞌa̱n Ntióxi̱ nu̱ú na̱ yuví, tá kúú ntiꞌi xiyo kíxa tǒꞌo‑na̱‑ra̱, suu na̱ ñuu mií‑ra̱ kökíxa tǒꞌo‑na̱‑ra̱, ra saá tu na̱ kítáꞌan xíꞌin‑ra̱ xíꞌin na̱ veꞌe‑ra̱.

Tá ka̱na‑Ña̱ ini várko xi̱ni‑Ña̱ kua̱ꞌá na̱ yuví, ta ku̱ntáꞌvi ini‑Ña̱‑na̱, chi ku̱va ntikachi rí köo xitoꞌo kúú‑na̱, ta ki̱xáá‑Ña̱ sána̱ꞌa̱‑Ña̱ kua̱ꞌá ña̱ꞌa nu̱ú‑na̱.

Ta ikán köníkuvi kasa‑Ña̱ ña̱ xítúꞌun, suu loꞌo na̱ kúꞌvi̱ ku̱vi chi̱núú‑Ña̱ ntaꞌá‑Ña̱ sa̱tá, ra ntu̱va̱ꞌa‑na̱. Ta nta̱kutúꞌun ini‑Ña̱ xíꞌin‑na̱, chi köníkantíxa‑na̱‑Ña̱. Ta xi̱ka‑Ña̱ ñuu válí yachin ikán nta̱kani‑Ña̱.

Ta ti̱in‑Ña̱ u̱ꞌu̱n xi̱tá va̱ꞌa xíꞌin u̱vi̱ tia̱ka, ta nta̱niꞌi‑Ña̱ nu̱ú‑Ña̱ chí ntiví, ta nta̱kua̱ꞌa‑Ña̱ tixa̱ꞌvi Ntióxi̱, ta nta̱ta̱ꞌví‑Ña̱ míí xi̱tá va̱ꞌa ikán, ta ta̱xi‑Ña̱‑ña̱ ntaꞌá na̱ sákuaꞌa nu̱ú‑Ña̱ ná ntata̱ꞌví‑na̱‑ña̱ xíꞌin na̱ yuví. Ta nta̱ta̱ꞌví‑Ña̱ u̱vi̱ tia̱ka xíꞌin ntikuíi‑na̱. Ta xi̱xi ntiꞌi‑na̱ nta̱a̱ chi̱tú ti̱xin‑na̱. Ta nta̱so̱kó ka xi̱tá va̱ꞌa xíꞌin tia̱ka, ra nta̱kiꞌin‑na̱ u̱xi̱ u̱vi̱ to̱ká chítú ka‑ña̱.