ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Iwe, Apram a lükü ewe Samol mi Lapalap o küna pwüng me ren Kot pokiten an lükülük.

Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”

Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”

Mürin, ewe Samol mi Lapalap a kapassefäl ngeni Apram, “Elieser esap wöüni woum, nge püsin eman noum mwän epwe wöüni.”

Iwe, ewe Samol mi Lapalap a üreni Apram, “Iei kopwe fokun silei pwe mwirimwirum kana repwe wasöla lon eu fanü sap fanüer. Aramas repwe nöüniir amanau ikenan, repwe küna riaföü lon ükükün föpükü ier.

Nge Apram a apasa, “Ai Samol me ai Kot, met ka tongeni ngeniei, nge esap wor nei. Nei chon angang Elieser seni Tamaskus epwe wöüni wöüi meinisin.”

Iwe, lon ewe rän ewe Samol mi Lapalap a föri eu pwon ngeni Apram o apasa, “Üpwe ngeni mwirimwirum kana ei fanü, seni ewe chanpupun Isip tori ewe chanpupu mi watte itan Oifrat

Iwe, lon arüanün tettel mwirimwirum kewe repwe liwinsefälito ikei, pun esamwo tori otun ai üpwe apwüngü än ekewe chon Amor föföringau.”