ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Neme‑ke ai nafi‑ka hidi kitabote tohawahebona dai nokotoniya, Deoso ati dai tokadabiya, dai‑ka yama‑bone‑ya Deoso daanebonane.

‘Mahi owa‑ya hini yamata oda kabibati? Oda‑ka bora abiya, hini yamata oda sakonibati?’ Dai atibodi ati riyahi. Dai habo siitoriyahi. Mahi owa‑ka yama dai kayawariyahi. Mahi owa‑ya yama kobonibisaboneni. Hibayata‑ka yama towe toha, mahi owa‑ka yama hini tohamatahi.” Yeso ati nemarine.

“Yama kaba wadarihi, faha fa‑fawa wadarihi, dai‑ka bora one wadarihi niya, dai habo siitoriyahi. Mai tafe toha, mai‑ka bora toha na mai‑ya kasomi nafira, mai one ohi, mai one aba nineni.

Mai one ihi‑nima dai ene riyahi. Deoso‑ya dai ati hiyariya, dai one mai noki‑ya dai hiyarariyahi. Nokobi wada, nokobi dai barikawamiya, dai‑ka Abi neme‑ke‑ya dai hiyarahi. Dai‑ya mai awara, Deoso dai‑ya awabise, dai manakone‑ya daanebonane.

Deoso‑ya dai hiyarabone, eya dai atiyahi. ‘Abi, neme‑ya tiwina, amosabote amatini. Tiwati ihi oda nafi‑ka hidi kitabote tihawahaboneni. Neme‑ya tiwati‑ya mai tokadabi‑nima bofe‑ya oda wi‑wina tiwati oda tokadabaharihi.

Mahi‑nima oda tefe‑ba daatiyahi.

Oda ene amosaramaro mai ihi manakone oda haanamara‑nima oda ene manakone haatinamariyahi.

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Mai ihi towe mai‑ya dai ati somiya, dai‑ya dai‑ka Abi neme‑ke ati somaharibonane.

Bani bidi mai dai awahi. Bani bidi mai‑ka yamata‑bone‑ya mai kamaterani. Fadara‑ya mai kiharihi, mai tafe yoberi wadarihi teni. Bani bidi mai tafe‑bone‑ya ai‑ka Abi neme‑ke daanibisatene. Bani bidi mai manakone bi‑bidi, dai manakone nafibisateni.

“Bofe‑ya yama dama dai nokotoniriyahi. Dai‑ka yama one‑ya yama aboni kaba, one fehoso hikaba, one mai hiboti hiteboneni. Neme‑ya dai‑ka yama dama‑bone dai nokotonihi. Neme‑ya yama aboni yama‑ya kabarihi, fehoso yama‑ya kabarihi, yama‑ya mai botirihi, teni. Bofe‑ya dai yehe honene dama wadiya, bofe‑ka yama dai nokotoniheboneni. Neme‑ya dai‑ka yama dama tohabisiya, neme‑ka yama dai nokotonibisaboneni. Ai‑ka yama dama wadi tohi‑kaya yama ai nokotoniteni.

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nemarine.

Awa mowe aba kanibote na makobote ai sarikiteni. Awa mowe‑ya Deoso nokotoni nafire, ai‑ya nokotoni nafibisatene. Deoso ati ene awa mowe amosani. Awa mowe‑ya Deoso kasome, ai‑ka bora‑bone‑ya daanaharibonane. Deoso ati dai nofi nafira, ati dai nofi nafihi.

Mai‑ka yama‑bone dai daaniya, dai one‑ya dai hiyarariyahi. Mai‑ka yama‑bone dai daana, tamine dai one hiwatora, Deoso‑ta hiwatobisa, dai ene manakone‑ya Deoso daanebonane.” Yeso ati nemarine.

“Dai one‑ya dai ati kasoma, ‘Mai okasomabone, owa dai awahi.’ Dai ati riyahi. Haa‑nima dai ati niya, dai‑ka Abi neme‑ke ya‑yaini awirebonane. Dai‑ka yama kasomi manakone‑ya daani awirebonane.

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi. Dai tafi maakaniya, Deoso‑ya dai hiyarabisahi. Dai noko ohina‑nima dai riyahi. Dai noko dai soko, dai tati kone dai siri, dai nahi. Dai‑ya mai awiya, dai‑ya mai watoraboneni. Dai fime, dai‑ka Abi neme‑ke dai‑ya awabise, dai manakone‑ya daanebonane.” Yeso ati nemarine.