ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ଲେକିନ୍ ଯୀଶୁସ୍ ଯାବାବ୍ ଚିଚ୍ଚାସ୍: “ପାବିତାର୍ ଶାସ୍ତ୍ରନୁ ଲେଖ୍‌ଚ୍‌କା ରାଇଦ୍ କା, ‘ଆଲାର୍ ଆସ୍‌ମାତି ଖାଲି ମା ଉଜ୍ଜନାଏ, ଲେକିନ୍ ପାର୍‌ମେଶ୍ଵାର୍‌ସ୍‌କି ଥୁମ୍‌ଣାନ୍ତି ଉର୍‌କା ଅଣ୍ଟା-ଅଣ୍ଟା ବଚନ୍‌ତି ଉଜ୍ଜନାଏ।’”

ଆଙ୍ଗେନ୍ ଯୀଶୁସ୍ ଶାଏତାନ୍‌ବନ୍ ତେଙ୍ଗିୟାସ୍, “ହେ ଶାଏତାନ୍ ଏଙ୍ଘାସ୍‌ତି ବୁଙ୍ଗୁ କାଲ୍, ଏନ୍ଦେର୍‌ଗେକା ପାବିତାର୍ ଶାସ୍ତ୍ରନୁ ଲେଖ୍‌ଚ୍‌କା ରାଇଦ୍: ‘ନିନ୍ ନିଙ୍ଘା ପ୍ରାଭୁ ପାର୍‌ମେଶ୍ଵାର୍‌ସିନ୍ ଯୋହାର୍ କାମୟ, ଆରୁ ଖାଲି ଆସ୍‌କି ସେବା କାମୟ।’”

ଯୀଶୁସ୍ ଶାଏତାନ୍‌ବନ୍ ତେଙ୍ଗିୟାସ୍, “ପାବିତାର୍ ଶାସ୍ତ୍ରନୁ ଆରୁହି ଲେଖ୍‌ଚ୍‌କା ରାଇଦ୍ କା: ‘ନିନ୍ ନିଙ୍ଘାଏ ପ୍ରାଭୁ ପାର୍‌ମେଶ୍ଵାର୍‌ସିନ୍ ବିଡ଼୍‌ଚେ ଆମୁ ଏରୁ।’”

ଆନ୍ତିନ୍ ଯୀଶୁସ୍ ପାବିତାର୍ ଆତ୍ମାତି ଭାର୍‌ପୁର୍ ମାନିକିରି ଯାର୍‌ଦାନ୍ ଯୋଡ଼ୁନ୍ତି କିର୍‌ରିୟାସ୍। ହତ୍‌କବାକେନ୍ ଆତ୍ମାଦ୍ ଯୀଶୁସିନ୍ ଶୁନ୍‌ଶାନ୍ ଆଡ୍ଡାଗେ ଅଚ୍ଚାକେରା, ଏନ୍ଦେର୍‌ଗେକା ଶାଏତାନ୍‌ଦ୍ ଆସିନ୍ ବିଡ଼୍‌ଚେ ଏରିୟାଦ୍। ଆରୁ ଆସ୍ ଉଲ୍ଲାନ୍ ମାଁହାନ୍ ଚାଲିଶ୍ ଦିନ୍‌ତକ୍, ଏନ୍ଦେର୍‌ହି ମାଲ୍ଲା ଅନୁସ୍ ମହୁଁସ୍, ଆରୁ ଇଦ୍‌ଘି ପାଛ୍‌ଲି ଆସ୍‌କେ କିଡ଼ା ଲାଗ୍ଗିୟାଦ୍।

ଯୀଶୁସ୍ ଆବ୍ଡ଼ାରିନ୍ ତେଙ୍ଗିୟାସ୍, “ଏଙ୍ଘା ପାଛ୍‌ଲି ବାରା, ଏନ୍ ନିମାନ୍ କେଉଁଟାର୍‌ଘି ଲେଖା ବାନାବନ୍ ଏକାର୍ କା ଆଲାରିନ୍ ଏଙ୍ଘା ପାଛ୍‌ଲି-ପାଛ୍‌ଲି ଗୁଡ଼ିଆନା ବାଲା ବାନାବର୍।” ହୁଙ୍ଗେନିନ୍ ଆବ୍ଡ଼ାର୍ ଜାଲ୍ଲିବନ୍ ଆମ୍ବିକିରି ଯୀଶୁସ୍‌କି ପାଛ୍‌ଲି-ପାଛ୍‌ଲି କେରାର୍।

ହୁ ସାମାୟନ୍ତିନ୍ ଯୀଶୁସ୍ ପ୍ରଚାର୍ କାମାଗେ ସୁରୁ କାମିକିରି ତେଙ୍ଗାଗେ ଲାଗ୍ଗିୟାସ୍, “ପାସ୍ତାରା ଏନ୍ଦେର୍‌ଗେକା ସରଗ୍ ରାଜୀଦ୍ ଚାହାନୁ ବାର୍‌ଚା କେର୍‌କିଚି।”