ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Apwiya yaamuupuwella Sara voomweerellani nnddo yamulonjezilliiwa.

Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla. Venya, khawe, wamutukhulle nave omuphare moollipa ni nnatta nawo. Edduullu ddawo ddinaakhalle mutundu muullupalli.”

Sika Sara aakusa erukullu, amuyarella Abrahamu mwaana aamullopwana Abrahamooyo uulluvallille. Mwaanooyo ayariwe moollikana ni enthawi eyo Mulluku aromonlleeye.

Vano Sara aallota wi, “Mulluku ookihakallalliha vamoddattho ookittheyiha. Arive muthu oyo aniiwe ddenndda, aneerohakallalla ni miyaano.”

Koma Mulluku aamulleella Abrahamu wi, “Murima ohuuvoreye ekaamba ya mwaanooyo ni kaporwaawo Hagara. Erive ello anuulleelle Sara weere kaambiiwa oneerokhalla ni edduullu oweella mwa Isaki.

Mwaana a kaporoolla kineeromuvahattho anamwani anchichi nave aneerokhalla mutundu muullupalli vawi olliyoollattho tti mwanawo.”