ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Titia Jisu koise, “Baba, taikhan ke maph kori dibi, taikhan ki korise etu taikhan najane.” Pichete taikhan Jisu laga kapra to chithi kheli kene bhag korise.

Titia Jisu taike koise, “Moi hosa koise, tumi aji Ami logote Paradise te thakibo.”

Titia tai koise, “Jisu, moike yaad koribi jitia Apuni Paradise te jabo.”

Etu pichete jor pora awaj ulaikena Jisu koise, “Baba Apuni laga hathte Moi laga Atma di ase.” Etu koi kene Tai laga saas to chari dise.

Jitia etu jagate ponchise, etu jaga laga naam to “Matha laga Hardi,” mate, taikhan ta te Jisu ke Cross te mari dise, aru duijon dokait ke bhi Jisu laga dyna aru baya phale Cross te mari dise.

Kintu baroh baji homoi te, achanak etu sob jagate andhera ahi jaise. Suryo andhar hoi jaise aru Jerusalem mondoli laga purdah phati jaise.

Aru jitia henedhikari pora etu dikhise, tai Isor ke mohima dise, aru koise, “Hosa pora Tai ekjon dharmik manu thakise.”