ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nu Ndjambi tja zuva ondjuriro yawo, arire tja zemburuka omerikutiropamwe we nooAbraham na Isak na Jakob. Ndjambi wa tara kOvaisrael nu e rikendere wo.

Kombunda yoruveze orure ombara ya Engipte ya koka, nungwari imba Ovaisrael aave tjemisiwa i oviungura vyondatumisire nu amave paha ombatero, nowo va kwa ombatero ku Ndjambi.

Kombunda okanatje tji ke kura, eye we ke twara komusuko wa Farao; ingwi omusuko wombara we ke yakura ne ke kurisa otja omuatje we omuini, ne ke ruku ena Moses. Orondu eye wa tja: “Ami mbe mu nana momeva.”

Nomusuko wa Farao wa raera ingwi ina a tja: “Kambura okanatje nga, u kendjinyamisisire nami me ku sutu.” Omukazendu wa kambura okanatje na kanyamisisa.

Omusuko wa Farao wa punda konḓonḓu Nil okukerikoha; nu imba ovakarere mbe mu ṱika aave wondjo meṋe yonḓonḓu ndjo. Nu tjimanga eye wa muna okambamba nga mokati kotuu na hindi omukazona omumuungurire a kaete okambamba ngo.

Moses tje kura, otjikando tjimwe otja ya kovandu ve omuini, narire tja munu kutja owo ve ungurisiwa oviungura vyondatumisire. Wina wa muna Omuengipte ama tono umwe womuhoko we, Omuheberi omukwao. Eye wa yevayeva munda na munda na ha munu ko omundu, otja tona Omuengipte ngwi nga tja zepa, ne mu sire meheke.