ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Otjikando tjimwe Josef wa rota oruroto, ne ru serekarere komarumbi we. Nowo otji ve mu humisira ko.

Nu Israel wa suverere Josef tjinene povazandu ve avehe, eye tjinga e mu panduka moukurundu we. Neye we mu ya tatera ombanda ombwa yapeke onde nu ndja ri nomaoko omare.

Nomarumbi we tji va muna kutja ihe wa suvera Josef okukapita wo, arire tji ve mu humisa, nga tji yave ha vanga okuhungira kuna ye momuano omuwa.

Nu Josef wa rota rukwao, na raere komarumbi we a tja: “Tareye, ami mba roto nai rukwao: Eyuva nomueze nozonyose omurongo na imwe vye ripete ku ami.”

Omarumbi wa Josef va ṱeruru na ye, nungwari ihe wa kara pokuripura notjiṋa hi atjihe.

Eye wa tja ku wo: “Purateneye oruroto ndu mba rota. Tareye, atuhe twa ri mehi romakunino amatu kutu omikuta vyovikootwa. Nomukuta imbwi owandje wa kurama oseka, nu imbi ovyeṋu vya kurama okukondoroka imbwi owandje navi ripete ku wo.”

Indjeye tu mu zepe, nu tu yumbe orurova rwe mu imwe yozondjombo, nu tu tje: ‘Eye wa ṱu i otjipuka tjokuti.’ Tjazumba tu tarere kutja oturoto twe matu yanda pi.”

Nu tji pe ya Ovamidian ovarandise otji ve mu nana mondjombo, nave mu randisa kovisilveri omirongo vivari kOvaismael, nowo va twara Josef kOengipte.

Nowo verihungirire oveni ave tja: “Tareye, omurote eye ngo weya!

Nowo ve mu mwina kokure. Nu ngunda e hiya vaza popezu na wo va zuvasana mongumumu kutja ve mu zepe.

Amu tirahi ombinḓu, nungwari mu yumbeye mondjombo ndji, ndji ri mokuti onguza. Nu amu mu tjiti otjiṋa.” Ruben wa hungirira kutja e mu yame ne mu yarure ku ihe.