ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Ingwi ngu me ndji karere, nge ndji kongorere, kokutja imba ami pu mbi ri omukarere wandje wina a rire pa kara. Nu ingwi ngu me ndji karere, ma yozikwa i Tate.

Ingwi ngwa suvera omuinyo we me u pandjarisa, nu ngu ma tondo omuinyo we mouye mbwi me u ṱakamisire omuinyo waaruhe.

Tjiri, tjiri me mu raere kutja ondwi yovikokotwa tji i hi nokuwira mehi nai koka mai rire imwe uriri. Nungwari tji ya koka oyo mai eta ovikurya ovingi.

Ami mbe ya mouye otja ngu mbi ri ondjerera, kokutja auhe ngu ma kambura mu ami a ha kara monḓorera.

Ingwi ngu ma zuu omambo wandje na ha kambura mu wo, ami hi nokumupangura. Ami hi ere okupangura ouye, nungwari mbe era okuuyama.

Okuzambo Maria arire tja toora omaze omavawa nga ungurwa povinarde vyoriṱera ohinga, ne ye tirire kozombaze za Jesus na yeka nozondjise ze. Nomuṋuko womaze omavawa nga we urire ondjuwo aihe.

Owo arire tji va toora otutavi twomavare nave kemutjakanena amave ravaere: “Hosiana! Nga tangwe ingwi ngu meya mena ra Muhona! Ombara ya Israel ngai tangwe!”

Jesus arire tje ve ziri a tja: “Oiri nambano ye ya Omuna wOmundu tji ma tongamisiwa mohivirikiro ye.