ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Auhe ngu meya ku ami kamaa sora okurira omuhongewa wandje posi yaindu tja suvere ami tjinene pu ihe na ina, nomukazendu we, novanatje ve, novangu nomarumbi novaṱena kwe, nangarire pokurisuvera eye omuini.

Ingwi ngu hi nokutoora otjikoroise tje ne ndji kongorere, kamaa sora okurira omuhongewa wandje.

Orondu auhe ngu me ritongamisa ma susuparisiwa, nu ngu me risusuparisa ma tongamisiwa.”

Punao, auhe ngamwa ngu hi na okuyenena okuisa oviṋa vye avihe mbye na vyo, eye kamaa sora okurira omuhongewa wandje.

“Owaṋi mokati keṋu tja vanga okutunga otjiretundu, rutenga ngu hi nokukara pehi okusasaneka kutja omatungiro maye ningire tjike, a mune kutja ovimariva vingapi mbi ma hepa okuyenenisa omatungiro ngo? Nu tje ha tjitire nao, eye kamaa yenene okumana ihi otjiretundu tja zu nokuzika inga omazikameno, nu imba avehe mbu mave mu munu mave yaruka okumuyora, nu ave tja: ‘Tareye, omundu ngwi wa uta okutunga, nu eye wa urwa i okumana!’

Nungwari tji wa kara nomukandi, isana ovasyona noviṱeṱu novaremane novapoṱu, nu ove mo serwa ondaya, orondu owo kave nokusora okukupa ondjambi mena raimbi mbi wa tjiti ku wo. Ndjambi omuini ongu me ku pe ondjambi meyuva ndi ovasemba ndi mave penduka movakoke.”

“Omongwa owo otjiṋa otjiwa. Nungwari owo tji wa mana omutjato mau tjatisiwa na tjike? Owo kau tji nombatero, kutja wa tuwa mehi poo kutja wa tuwa mombumbi; owokuimbirahiwa uriri. Ngu nomatwi okuzuva nga zuve!”