ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

यिहॱनाङ मिहगी खालेगी थेन्‍गे स़ेह खोगी सेमलेगी ओहङग्‍यो ओहङगे। दि से़हया़गीॱराङ खोला मेहचाङा ज़ोएँ च्‍यिबेमाना मिहगी सेम नाहङलेॱराङ ङ्येहम्‍बा नाम्‍स्‍यीया़ थेन्‍गे। दि ङ्येहम्‍बा नाम्‍स्‍यीया़गी पेहती खोगी मिह सेकें, छ्येउ-छ्येंमु पेहकें, कुमेन क्‍याहप्‍कें, स्‍योप क्‍याहप्‍ती पाङबु तेर्के ओहले किन्‍ज्‍योला स्‍ये़हन्‍डील पेहकें ल़ेहमु ल़ेह चोक्‍पाया़ पेहकें।

खाले नाहङला स्‍य़ूहएँ से़हगी मिहला मेहचाङा ज़ोएँ मिहम्‍बा, खोगी खालेगी फिला थेन्‍गे से़हगी गा खोला मेहचाङा ज़ोएँ।”

‘दि क्‍यिहपागी ङाहला खागी च्‍यी़राङ चा़ पेहकें, यिहॱनाङ खुङया़गी सेम ङाह ङो़ले था़-रिहङबु येह। खुङया़गी ङाहला छ्येपा फुल्‍ग्‍योदीनी स्‍यिती काम्‍बुलाराङ यिहन च्‍यिबेमाना खुङया़गी मिहगी ज़ोक्‍योगी ठिमया़ च्‍यी़राङ लोप्‍कें’।”

ओहले येशूगी मोहला सुङ नाङसीन, “ए पोहमो, ख्‍येगी तेहपा छ्यिम्‍बु दु। ख्‍येगी माक्‍यो ल़ेहमुराङ तेहन्‍दा डुप्‍च्‍यु।” ओहजे ती़हजीलाराङ मोहगी पोहमो टा़हसीन।

दि थे़दी ओ़ह पी़हमी-पेहजागी येशूकी स्‍याहपला खेप्‍चु क्‍याहप्‍ती मासीन, “ओ़ चो़वो, ङाहला रो़हराम जे नाङदोङ।” यिहॱनाङ येशूगी सुङ नाङसीन, “राहङगी पेहजागी साह से़हया़ फ्रो़दी क्‍यिबुया़ला तेर्च्‍ये ठाबे मेहयोहङगे!” ओहले मोहगी मासीन, “यिहम्‍बा चो़वो, ओ़हनी ठाबेराङ यिहम्‍बा! यिहॱनाङ क्‍यिबुया़गीॱआङ राहङगी ताहक्‍पुया़गी छ्येकेमु ताहप्‍क्‍योगी तोया़ साहएँ!”