ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Кирвазтезь лампантькак а кекшнесызь кедьге алов, мекевланк сонзэ путнесызь лампань кирдема таркас, ды сон валдомты весе кудосотненень. Кадык тынк валдонккак ломантненень истя сияжды: кадык сынь несызь тынк вадря тевенк ды шнасызь менелень Тетянк».

Тынь – теке масторлангонь валдо. Пандо прясо аштиця ошось кодаяк а кекшеви сельмеде.

Уцяскавт сеть, конатнень ванькс седеест: сынь несызь Пазонть.

Уцяскавт сеть, конатненень Пазонь меленть топавтомась вачочинь ды симема самонь кондямо: Пазось сынст бажамонть топавтсы.

Мон вана кортан тенк: вечкеде эсенк душмантнэнь, чанстядо-баславадо тынк сюдыцятнень, тееде паро тынк лангс кежень кирдицятненень ды ознодо сетнень кисэ, кить покордыть ды пансить эйсэнк.

«Уцяскавт сеть, конатне чарькодить эсь кажовчист Пазонть икеле, эдь сынст ули Менельсэнть Инязорксчист.

Уцяскавт сеть, конат теить ладямо ломантнень ютксо: Пазось ловсынзе сынст Эсензэ эйкакшокс.

Уцяскавт сеть, конат ризныть-авардить: Пазось сынст оймавтсынзе.

Уцяскавт сеть, конатнень пансить Пазонь мелень топавтоманть кисэ: сынст ули Менельсэнть Инязорксчист.

Уцяскавт лиянень седеймарицятне: сыненсткак Пазось путы седеймарямо.

Уцяскавт ультядо тынь, зярдо Монь кисэ тынк кармить покордамонк, пансеменк ды лангозонк кенгелезь эрьва кодамо апаро валонь кортамо. Кенярдодо ды эрьгеледе: менель лангсо тыненк те ули сюпавдояк сюпавсто пандозь. Истя пансесть пазмарицятненьгак, конат эрясть тынденк икеле».

Уцяскавт апокшкавтницятне: сынст кедь алов Пазось макссы масторлангонть.

«Тынь – теке мода лангонь сал. Салось ёмавтындерясы танстензэ, сестэ кодаяк сон одов а тееви саловокс. Сон мезекскак маштовомо а карми, ансяк ёртома ушов, косо чалгсеви якиця ломанень пильге ало.

Секскак, уледе истя пештязь парочисэ, кода пештязь парочисэ менелень Тетянк».

Улезэ тынк валонк ансяк “эно”, бути алкукс меленк ёвтамс “эно”; эли ансяк “арась”, бути алкукс меленк ёвтамс “арась”. Мезе путови лиясь, се лисни Апаронть пельде».

«Тынь марсинк кармавтовксонть, конасонть ёвтазель: “Сельмень кисэ – сельме, пеень кисэ – пей”. Мон вана кортан: кеж кежсэ илядо пандо. Бути кияк ришттянзат тонь вить чамаумарь ланга, велявтык тензэ омбоцентькак.

Бути вить сельметь совавты эйсэть пежетьс, таргик сонзэ ды ёртык! Седе паро теть ёмавтомс рунгонь вейке пелькс, аволь кода весе рунгот ули ёртозь тоначинь толс. Бути вить кедеть совавты эйсэть пежетьс, керик сонзэ ды ёртык! Седе паро теть ёмавтомс рунгонь вейке пелькс, аволь кода весе рунгот ули ёртозь тоначинь толс.