ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

[तब येसुजि कहलसि, “हे पिता! इअ मन्‍सावानिके छमा देहुँ केहकेकि हिनिका जथि करइ बडइ, उअ हुनुका हइने बुझइ बडइ।”] तखनहिँ, सिपहियावाह येसुजिक लुगवा चिठा घालके बटलइ।

तब येसुजि उअ अपरधियाके कहलसि, “सदियो मुइ तोरके कहइ बडहिँ, यजुहिँ तुइ मोरसाङे स्‍वरगलोकमा हखबहि।”

तखनहिँ उअ येसुजिके कहलिय, “हे येसुजि, यपने यपनहुँक राजमा राजा हखके यवइखुनि मोरके फेनि सम्‍झबहुँ।”

वकरपाछा येसुजि जबड माहे चिल्‍लाके कहलसि, “हे पिता, मुइ मोर आत्‍माके यपनहुँक हथवामा सपइ बडहिँ।” यतुरा कहके येसुजि यापन प्रान त्‍यागलसि।

जब हुनुका खोपडि नाउँक ठउरियामा यलइ, हुनुका येसुजिके क्रुसवामा टङलइ हसे उअ दु जन अपरधियानिके फेनि एक जनके येसुजिक दहिनि कल्‍लहरवा तके दोसरि जनके लबडि कल्‍लहरवा क्रुसवामा टाङ देलइ।

याबे लगभग बारह बजल रहलइ हसे तखनहिँसे तिन बजेलइ जम्‍मे देसवामा यन्‍हार भेलइ, केहकेकि बेरियावा इजोर हइने देलिय। मन्‍दिरवा भितरा टङलि परदावा फाँटके दु चिघा भेलइ।

इअ जम्‍मे घटनावा देखके रोमि सिपहियावानिक कप्‍तनवा परमेस्‍वरके बखान करते कहलिय, “सदियो इअ एगुडा धरमि मन्‍से रहलिय।”