ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

पर तुम पैहले परमेस्‍वर के राज और धारमिकता की खोज में लगे रहो तौ जि सबरी चीजें तुमें खुद ही मिल जाबेगीं।

और तुम आज आयबे बारे कल की चिन्‍ता मत करौ, चौंकि आयबे बारे कल अपनी चिन्‍ता खुदई कर लेगौ। हर दिना कौ दुख बा दिना के काजै भौतै।

“जामारै मैं तुमते कैहतूं, कै अपने पिरान के काजै चिन्‍ता मत करौ कै हम का खाबिंगे, और का पिबिंगे और ना अपने सरीर के काजै कै हम का पैहनिंगे। का पिरान भोजन ते या सरीर कपड़न ते बढ़कें नांय है?

पर जब तू पिराथना करै तौ अपनी कोठरी में जायके द्वार बन्द करकै पिता ते पिराथना कर जो तोय गुप्‍त मेंऊ देख रयौ है बू तेरी पिराथना कौ तोकूं प्रतिफल देगौ

“जामारै तुम जा तरैह ते पिराथना करे करौ, “ ‘हे हमारे सुरगीय पिता, तेरौ नाम पबित्र मानों जाय, तेरौ राज आबै, जैसे तेरी इच्‍छा सुरग में पूरी होतिए, बैसेई धरती पैऊ पूरी होय।

तू आज हमारे दिन भर की जरूरत पूरी कर।

जैसे हमनें अपने अपराधिन कूं छमा करौ है, वैसेई तू अऊ हमारे अपराधन कूं छमा कर।

और हमें परखे जाबे ते दूर रख। और बुराई ते बचा।’

अगर तुम आदमिन के अपराध छमा करौगे तौ तुमारौ सुरगीय पिताऊ तुमें छमा करैगौ।

आकास के पंछीन कूं देखौ कै बे ना तौ बोतैं। और ना काटतैं और ना बे अपने काजै कुठरियन में नाज इकठ्‌ठौ करतैं, फिरऊ तुमारौ सुरगीय पिता बिनकौ पेट भरतै। का तुम बिनते कऊं जादा कीमती नाऔ?

“अपने काजै धरती पै खजानौ इकठ्‌ठौ मत करौ, ज्हांपै कीड़ा और काई बिगाड़त हैं, और ज्हां चोर सेंध लगायकें चुराते हैं।” जाके बदले ऐसे काम करौ जो परमेस्‍वर कूं अच्‍छे लगतै हैं ऐसो करबौ सुरग में खजानौ इकठ्‌ठौ करबे जैसो है जहां कीड़ा नांय लगत और काई नांय बिगाड़त और जहां चोर सेंध नांय लगाते और नांय चुराते हैं। चौंकि जहां तेरौ धन है म्हांपै तेरौ मनऊं लगौ रैहबेगौ।

“कोई सेबक दो स्‍वामी की सेबा नांय कर सकै, चौंकि बू एक ते बेर और दूसरे ते पिरेम करैगौ, और एक ते मिलौ रेहबेगौ और दूसरे कूं तुच्छ जानेगौ। तुम परमेस्‍वर और धन दोनोंन की सेबा नांय कर सकतई।

अरे भरोसे में कमजोर लोगों मैदान की घास कूं देखौ जो आज हतें ओर कल आग में झोंक दयी जाबैगी। अगर परमेस्‍वर बाय इतनी भढ़िया तरैह ते सजातै तौ बू तुमें बाते बढकें कपड़े चौं नांय पैहनाबैगौ।

जब तू सीदे हात ते दान करै वाकौ उल्टे हात कूं पतौ नांय चल पाबै। जाते तेरौ दान गुप्‍त रैहबै और तेरौ पिता जो जि सब कछू देख रयोए बू तोय वाकौ प्रतिफल देगौ।

“सावधान रहीयौ! तुम आदमिन के दिखाबे काजै अपने धारमिकता के काम मत करौ नांय तौ तुमें सुरगीय पिता ते कोई फल नांय मिलेगौ।

“जब तुम बर्त रखौ तौ तुम म्हों लटकाए भये कपटीन की तरैह ते मत दीखौ, चौंकि बे तरैह-तरैह के म्हों बनाबते कै लोग जाने के बे बर्त रख रये हैं। मैं तुमते सच कैह रयौऊं के बे अपनों प्रतिफल पाय चुके हैं। पर जब तुम बर्त रखौ तब अपने सिर में तेल लगाऔ और म्हों धौऔ, जाते लोग जि नांय जाने कै तुमने बर्त रखौए, पर तेरौ परम पिता, जाय तू नांय देख सकत, बू देखै कै तू बर्त कर रयौए। तब तेरो परम पिता जो छिपकै करे भये सब कामन कूं देखतुए तोय उनकौ प्रतिफल दैबेगौ।