ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Saa ndi̱kuiin Jesús ndi̱kaꞌan ra, káchi ra saa: ―Tuꞌun Ndioxi káchi ya saa: “Süvi ndisaa ya kuxi naꞌa saa kutaku na. Xíniñuꞌu tu na kandixa ni na tuꞌun Ndioxi va saa kutaku na”, káchi tuꞌun Ndioxi ―káchi Jesús xiꞌin kiti nǎꞌa.

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

Saa ndi̱kuiin Jesús, káchi ra saa: ―Saa tuku káchi tuꞌun Ndioxi: “Väꞌa koto ndoso naꞌa Ndioxi” ―káchi Jesús xiꞌin kiti nǎꞌa.

Saa ndi̱kiꞌin Tachi Ndioxi Jesús kuaꞌan ra xiꞌin ya iku yuyu, nuu xi̱to ndoso kiti nǎꞌa ra. Uvi xiko kivi ndi̱xiyo ra iku yuyu ta ndi̱xiyo suꞌun ra, sindiꞌi ta ndi̱kaꞌun ini ra.

Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe, ta sinaꞌa i ndóꞌo̱ ndá kuꞌva ndikaya ndo naꞌa kundikun na ichí Ndioxi ―káchi Jesús xiꞌin nda. Saa ndikun si̱ndoo nda ñunu nda, ta ndi̱kundikun nda kuaꞌan nda sata Jesús.

Saa xa̱á Jesús káꞌan ndoso ra tuꞌun Ndioxi xiꞌin naꞌa, káchi ra saa: ―Ndiko koo ini ndo xaꞌa ya väꞌa íkan ndo, chi xa yati ni íyo ichí ya xáꞌnda chiñu Ndioxi nuu kutaku ndo ―káchi Jesús xiꞌin na.