ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ए भगवान बास तारा बुल चुखला छे ईना छाचला बुल सी ईनुक तारी सेवा वाटे चुखा करीन तीयार कर।

एकुत छाचलु भगवान तुत छे, ने मे ईसु तारे सी मकेल्‌लु छुड़ावन्‌यु मसी छे, तुसेक ने मेसेक जाणीन मान्‌ने सीत माणसेक अमर जीवाय जड़से।

“मे हींद्‌रे वाटे अतरुत दुवा नी करतु, बाकुन तींद्‌रे वाटे बी दुवा कर र्‌यु, जे आवणे वाळा दाहड़ाम हींद्‌री वात सामळीन मार पर भुरसु करसे। मे तींद्‌रे वाटे असी दुवा करो की चे आखा एक मन हय्‌न एक सारका हय जाय करीन। ए भगवान बास! जसु तु मारेम छे, ने मे तारेम छे, तसात चे बी आपणेम भेसकायन एक सारका हय जाय काहाकी ईनी कळीन माणसे तीनुक देखीन असु भुरसु कर लेय की ईसुत भगवानेन मकेलन्‌यु छुड़ावन्‌यु मसी छे।

मे जी दुवा नी करतु की तु हीनु काजे कळी मां सी ली जाती रहे, बाकुन ज कहो की हीनु काजे भुंडात कामे सी बचाड़ीन राख।

ने जु सेक-सींगार तु मेसेक आप्‌यु, चु सेक-सींगार मे तीनुक आप देदलु छे, काहाकी चे आखा एक मन हय्‌न एक सारका हय जाय जसा आपणु एक सारका छे। मे तींद्‌रेम रवु, ने तु मारेम रहे ने चे आखा ने आखा एक सारका हय जाय ने ईनी कळीन माणसे ज जाण लेय की ईसु भगवानेन मकेल्‌लु मसी छे, ने जसु तु मार सी परम कर्‌यु तसु तु बी तीनुक परम करे।”