ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Hina Jesise waciganvhi iah mahci utafici ini psgibrpu, Hini macfadota, iwv inv : chena wrgi-ci-qaskv, macimi inv u pvgfanrli u cvjrlvhqvli.

Hvhkuwihi yomv Jesise, wrkutvmwv yasi jrivhki wiahi uwa macdodaki, wvhsi manvwv’ hini tapilo awigrdagi mahci ludodagi, Ni kvhkvlrmu iwv.

Waciganv’ hina Jesise iah nawrci u gali, macimi nili kvgahgimrfvli bami grpvwilici ya-vhqalamrci, Iqawv, wrpvmi, gi qihfv ! u talrli u gali. Huwa nili kvgahgimrfvli, Wrpvmi, gi giv ! u talrli. Macimi ina yrtafvgi uci inv kvgahgimrfv nahvlwrkv ya-drci u ta siwalrli nili.

pvyaqv ina nihki Jesiseli si biaki, macimi u namanrwv yasi inv naiahkv napagi, mvtv nihki u pusqigrdwhrwrli nili : wakv nakuti nihki svmrkvnvki u jepv-dwhrli cifhikv u sahgiwilici, macimi walanv ntvsi biaci luhfah-tvnwi msqi chena napi.

Xvga yolumv wiahi biamikvtu, wvhsi ini tapilo awigrdagi manvwvhi uqrufadodagi, Ukvnami inv mvtv wah pusg-hota. Chena nuhgi kutvgi tapilo awigrdagi, Nihki wah wrpv-mrwrli nili ja-jepvdwhrwrci nihki, iyoiv.

Nihki waciganv’ hu mvmrwrli Jesiseli : chena inv luhfa, pasiqi ud rmwadr-weiv ini yrsitahfagi, brlu’ Hini uhkvnrtapigi sidota, Kvlgofa ya-sidodagi lr Heblo

Macimi nihki svmrkvnvki grwihi uci vpganrnrwv ugimr-wi patvghowa, chena welagi inv u tah bonvmvwrwrli ini, macimi sahgipvgi-msqrgi betanikv u talvsagwhrwrli