ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

عیسی واتِش: «اَی دَدَ، اِمون ببخش، اِمی خاطِر کن نینَّموست چه بَکَن.» اَیِن عیسی شِندرونرا قورعَه دَرفندِشون تا اِشتَن دِلَکا قسمَت بکن.

عیسی جواب داشه: «حَقیقَتا بَتِه باتیمَه، اُمروج بَمِنهَ بهشتیکا بَبیشَه.

چَی بَه دوملَه اَ مِرد عیساش واتَه: «عیسی، وَقتی کن اِشتِه پادیشاهی آرَستیشَه بَمن نی یاد آرَفن.»

اَموقه عیسی تَتَّه لَسَّه نَه سَس آداشَه و واتش: «اَی دَدَ، اِشتَن روح اِشتِه دَست آمَدا.» اِمی واتشهَ و آخِرین نَفَسی کَشتِشَه.

وَقتی جگاییرا آرَستینه کن چَی نوم جوم جومَه بَه، عیساشون اَ دِ جینایَتکارینَه صلیبی سَر مِخ ژِشون. ایلَه عیسی راستَه وَریکا و اَیلَه چَی چپَ وَریکا.

ناهاری موقه حِدودا ساعت دانزَ بَه کن ظِلَمات گردِ اَ مَملَکَتی گَتشَه و اَ ظِلَمات تا ساعت سه دَکَشیستَه. اِمی خاطرکن آختاو شَپَق نَژَنیَه. مَعبَدی پَردَ نی دِ پارَ آبَه.

وَقتی سربازون فَرماندَ اِم ایتفاقون ویندِشَه، خداش ستایش کَردَ و واتِش: «واقییَن کن اِم مِرد بیگِناخ بَه.»