ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Naxoquic chi ti̱j chi jeꞌ wili pꞌuht rikꞌorom: «W-Aja̱w Dios, reꞌ hin kꞌe̱ꞌ nak nwa̱j chi enawicꞌsaj chi nina̱ i tiꞌcꞌaxic cꞌahchiꞌ nicora̱b je wi̱ꞌ wi ta laꞌ nak jeꞌ reꞌ enponic chawach, xa reꞌ laꞌ chaꞌn reꞌ nawa̱j i hat, maꞌ ok reꞌ nwa̱j i hin, nqui johtok pa riti̱j.

xa reꞌ laꞌ hin xinpahkanic woꞌ ru̱cꞌ i Dios chawi̱j chi maꞌ chi junpech na̱pohꞌam acapew-bal chiwi̱j. Jeꞌ reꞌ kꞌuruꞌ natuhkok woꞌ chic acapew-bal chiwi̱j chayew ricowil quicꞌux take awichꞌi̱l, nqui reh.

Chiri̱j chic ruꞌ, reꞌ chic i caxlan wiꞌc xichop xitioxej johtok i Dios eh xichꞌak yejal. Cu reꞌ aj chic ruꞌ jeꞌ wili xikꞌor naxipuhcaj je queh: «Reꞌ caxlan wiꞌc wili rijalwachej nitiꞌjolal nibakil reꞌ naniyeb pan quimic chawi̱j hat-tak cꞌacharel. Reꞌ ricꞌuxuric i caxlan wiꞌc jeꞌ ricab i wili, xa eli̱c chaꞌn tak ribanaric reh chi naricꞌulic cho pan acꞌux tak reꞌ nanibanam chawi̱j tak, nqui queh.

Chiri̱j wili nok ricohlam chic riwaꞌ riha̱ꞌ, reꞌ chic i jenaj chꞌihchꞌ culc wilic i ri̱s i u̱wa chipam xichop woꞌ johtok eh jeꞌ wili xikꞌor queh naxiyew woꞌ chic queh chi nacuqꞌuem: «Reꞌ haꞌ tikꞌimaj ru̱cꞌ ri̱s u̱wa wilic pan chꞌihchꞌ culc wili, rijalwachej i niquiqꞌue̱l reꞌ narichihquic naquincansjok eh reꞌreꞌ naricamanic chi tikꞌinbal wach i jenaj chic acꞌ tikꞌinic riban i Dios chi reꞌ hat-tak cꞌacharel echic ncuyuric amahc tak, nqui queh.

maj jenaj rinimal tiꞌquil cꞌuxlis xoquic cho pa ra̱mna i Jesus. Chi jeꞌ aj reꞌ, reꞌ Jesus nok cꞌahchiꞌ ribanam riti̱j pꞌuht ritzꞌawubric cho cu rehtal reꞌ ritzꞌawumal yejal wach xiban chi xa jeꞌ chic ntꞌuhrunic jok quicꞌ wach acꞌal.

Ra̱j nchel chaxilac hat-tak maꞌ jeꞌ ta reꞌ i noꞌjbal naribanaric, jeꞌ laꞌ wili ra̱j banaric: Xa hab wach ra̱j ribanam ri̱b chi nim wach chiban ri̱b chi tꞌuch ok ti wach. On hab wach ra̱j ribanam chi ajabe̱s, chiban chi jeꞌ ok ti ricab jenoꞌ aj tzꞌeꞌ wa̱ch reh jenoꞌ ni̱m.

Raj laꞌ Jesus jeꞌ wili xikꞌor reh: «Til coric nikꞌor aweh maꞌ Luch, chiwach akꞌab wili pa ro̱x pech rokꞌic i las reꞌ hat akꞌorom chic oxpech chi maꞌ reꞌ ta hat waj tahkanel, nqui reh.