ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ကွက်အွယ်မဲ့ ငါးဒေါင့်နားဒွို့ "ပမွော်ဒွိုးပလားဒွို အီခံဗာ တခွင်လွှတ်ဖီ အာအပျက်ဖုန်းဟေတန်အွယ့်မဲ့ အာရက်ဟေတန်။ပလူးခံဗာ တခွင်လွှတ်အပျက်ဆျန်စာဒီ့ အာကအီရက်ဆျန်ဟို့။" ထွို့မဲ့ ကိုယ်တော်အွယ့် "ငါးခွင်ဖီလူးလိ နားအပျက်ဖုန်းကာကအို" မိန့်လင်း ပမွော်အွယ့်ပလားနိန်းအွယ့်။

ဒေါင့်မာလဲ့ ကိုယ်တော်ယေရှုအွယ့် " ကွက်နားယွမ်းအန်ငါးလောင်မဲ့ ဗွယ်ဖရာဒွို ကယ်လိနား။ နားစစွ့ာငင်တာဒါလိထွို့" အာမိန့်ပမွော်အွယ့်ပလားနိန်အွယ့် ။

ထွို့မဲ့ အာအွယ့် လေးလေကိုယ်တော်ကန်စာ့ထွို့မဲ့ အိုထွိုင်ငွိုနောင်တာထွို့ မိုးကြိုဖီကိုယ်တော်ခင်နောင် အာမေ့သျှီ့ ထွို့ ဒူ့ကိုဖီးနောင် ခူစွမ်အို အာခူလောင်။ ထွို့မဲ့ နူ့လင်းကိုယ်တော်ခင်အစုံထွို့ ကျွော်ဖီးနောင်ရေမွှေး။

ဒါ့မဲ့ ငါးအီးကလေခွဲဗွယ်လဲ့ လိထွိုက်တန်ဟဒေါင်ငါး။ ကိုယ်တော်မေမိန့်လင်းငါးမထွို့ ငါးစွမ်းရောဂါဒွို အီးတမာကျိန်းတိုး။ ငါးကျွော့်ခလားကူ့ဒွို ကျေးစာဖုန်း အိုဟေးတန်ထွို့ အာကားအွယ့် နားခံကားဘား ငါးအမိန့်။ ငါးမေမိန့် ကျေးစာအပလား 'စွာလုဲင်' လဲ့ အာစွာ ဘာ။ ငါးမေမိန့် ကျေးစာဒါအပလား 'လေးလုဲင်' လဲ့ အာလေးဘာ။ ငါးမေဒေါင့် ငါးစွမ်းဖုန်း 'မိုးဒွိုးဘာ' အာကားအွယ့် မိုးကားဘာ" အာလျှောက် ကိုယ်တော် နိန်းအွယ်။ ကိုယ်တော်ယေရှုထွိုင်ဟွမ့် တဒေါင့်နိန်းအွယ့်ထွို့ အာဟွမ်ဆန်ယွမ်းတွိုးထွို့မဲ့ "ငါးဘသာဒေါင့်နားက့ဒွို အစ္စရေးအရပ်ကူ့ဒွို့ ခသျှီဖိုကောင်း ပလူးယွမ်းအန်းယွမ်တွို့ နောင်နိန်ဒွို့" အာမိန့်လူထုကတွဲ့ဒါ အာကန်းစာ့စားဖုန်းနိန်းအွယ့်။

အွယ့်ခိန်းဒီ ကိုယ်တော်ယေရှုအွယ့် အိုကူ့ဖီးပလူး ပျန့်တစာ့တဟွို့စားဖုန်းထွို့ အာဝါစွာ့ဖီတာလေခိုဟအိုပူစာဖုန်းကာဟ အာဒီ မိုးခါ့ဖီးပတုဲင်း ပလူးမေးသျှီ့စာဖုန်း။ ထွို့မဲ့ ကိုယ်တော်အွယ့် "ဒေါင့်နေချာဒါ့ ယောဟန် နားက့ကသျှီဘာဒွိုးဟိုလုဲင်။ ပလူးမေးသျှီးစားဖုန်း ဒွိုးခ မေးခါ့ချားကားလိ၊ ပလူးကျွော့ခင်းလိခိုငါ့စာလဲ့ စစွာ့ကားဒါးလိ၊ နူနာရောဂါစာလဲ့ ရောဂါ တမာကင်ကားလိ၊ နာလိဟွမ့်ဟစားလဲ့ နာပြန်ဟွမ်ကာချားလိ၊ ပလူးစီ့လဲ့ မွမ့်ချားလိ၊ ပလူးဆင်ရဲစားဖုန်းလဲ ဟွမ်ကားဘာလိထွို့ မင်္ဂလာစတင်း။