ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

खाणौ जीमणै रै पछै यीसु समौन पतरस नै कयौ, “हे समौन, यूहन्‍ना रा बेटा, कांई थूं इणौ ऊं बढ़न म्हारै ऊं परैम राखै?” पतरस जबाब दियौ, “हां परभु, थै तो जांणौ हो के म्हैं आप ऊं हेत राखूं।” यीसु उणनै कयौ, “म्हारै उनियां नै चरा।” यीसु पाछौ पूछयौ, “हे समौन, यूहन्‍ना रा बेटा, कांई थूं म्हारै ऊं परैम राखै है?” पतरस कयौ, “हां परभु, थै तो जांणौ इज हो म्हैं थांरै ऊं हेत राखूं।” यीसु कयौ, “म्हारी लरड़ियां री रूखाळी कर।” तीजी बार यीसु वळै उणनै पूछयौ, “हे समौन, यूहन्‍ना रा बेटा, थूं कांई म्हारै ऊं परैम राखै?” पतरस मौळौ पड़ग्यौ के यीसु तीजी बार उणनै आ बात पूछी। वो कयौ, “हे परभु, थै तो सगळौ जांणौ हो, थांनै ठाह है म्हैं थांरै ऊं हेत राखूं।” यीसु कयौ, “म्हारी लरड़ियां नै चरा।

“म्हैं थांनै साची-साची कहूं, जद थूं जवान हो, तो थूं थारी कमर बांधनै जठै चावतौ हो उठै जा सकतौ हो, पण जद थूं बुढ़ौ होवैला, तो अपणा हाथ लांबा करैला, अर दूजा थांनै बांधनै जठै थूं जावणौ ई कोनीं चावै उठै थनै ले जावैला।”

तो यीसु उणौनै कयौ, “नाव री जीमणी तरफ जाळ फेकों, तो मिळैला।” चेलौ व्यौंही इज करयौ अर इती सारी मछलिया ही के जाळ खेचणौ भारी पड़ग्यौ।

समौन पतरस उण ऊं कयौ, “म्हैं मछली पकड़णै जावूं हूं।” चेलौ कयौ, “म्हौ ई थारै साथै चालौ।” अतस वे निकळनै नाव में बैठ गिया, पण उण रात कीं नीं पकड़यौ।